ຊີເນີດິນ ຊີດານ ກັບຕັນທີມປະເທດຝຣັ່ງເສດ ທີ່ປິດສາກບານໂລກທົວນາເມນສຸດທ້າຍ ແລະເປັນການຫລິ້ນນັດສຸດທ້າຍຂອງ ຕົວເອງໄດ້ບໍ່ຄ່ອຍງາມປານໃດນັກ ໄດ້ຮັບລາງວັນນັກເຕະບານຍອດຢ້ຽມຂອງກິລາບານໂລກ ຫລື "ບານທອງຄຳ" ເປັນລາງວັນປອບໃຈໄປຕາມຄາດ.

ຫລັງຈາກກິລາບານໂລກໄດ້ປິດສາກລົງໄປຢ່າງເປັນທາງການດ້ວຍໄຊຊະນະຂອງທີມອິຕາລີ ທີ່ສາມາດຄວ້າແຊມໂລກສະໄຫມທີ 4 ໄປຄອງ ກໍ່ມີການປະກາດຜົນລາງວັນນັກກິລາບານເຕະຍອອຢ້ຽມ ເມື່ອຕອນບ່າຍວັນຈັນ (ຕາມເວລາໃນບ້ານເຮົາ)

ຊີດານ ໄດ້ຮັບຄະແນນໂວທເປັນເອກະສັນ ດ້ວຍຄະແນນ 2012 ສຽງ ໂດຍມີ ຟາບິໂອ ຄັນນາວາໂຣ ຕາມມາເປັນອັນດັບທີ 2 (1,977 ຄະແນນ), ສ່ວນອັນດັບທີ 3 ຕົກເປັນຂອງ ອັນເດຣີຍ ປີຣ໌ໂລ່ (715 ຄະແນນ)

ຢ່າງໃດກໍ່ຕາມການທີ ຊີດານ ໄດ້ຮັບລາງວັນຄັ້ງນີ້ບໍ່ໄດ້ເປັນລາງວັນປອບໃຈ ຫລັງຈາກພາດແຊມໂລກໃນການອຳລາທີມຊາດ ແຖມຍັງໄດ້ໃບແດງ ເນື່ອງຈາກມີການປິດຮັບຜົນໂວດຈາກບັນດາຜູ້ສື່ຂ່າວທີ່ຕາມເກາະຕິດສະຖານນະການບານໂລກທີ່ເຢຍລະມັນ ຕັ້ງແຕ່ກ່ອນເກມການແຂ່ງຂັນນັດຊິງຊະນະເລີດເຄິ່ງເວລາຫລັງຈະເລີ່ມຂື້ນແລ້ວ

ລາງວັນບານທອງຄຳນັ້ນຖືກຈັດຂື້ນມາຄັ້ງທຳອິດໃນບານໂລກປີ 1982 ທີ່ສະເປນ ໂດຍໃຫ້ຜູ້ສື່ຂ່າວເປັນຜູ້ລົງຄະແນນໃຫ້ນັກກິລາບານເຕະ ທີ່ຫລີ້ນໄດ້ດີທີ່ສຸດໃນລາຍການ ເຊິ່ງເປັນເປົາໂລ ຣອສຊີ່ ສູນຫນ້າຮີໂຣ່ຜູ້ພາອິຕາລີ ຄວ້າແຊມໂລກໃນປີນັ້ນໄດ້ຮັບລາງວັນເປັນຄົນທຳອິດ ສ່ວນຄົນລ່າສຸດກ່ອນຊີດານ ຄື: ໂອລິເວີຣ໌ ຄາຫ໌ນ ຜູ້ຮັກສາປະຕູທິມຊາດເຢຍລະມັນ

ລາງວັນລູກບານທອງຄຳຟີຟ່າ

1982 ເປົາໂລ ຣອສຊີ່ (ອິຕາລາ)

1986 ດີເອໂກ້ ມາຣາໂດນ່າ (ອາຣ໌ເຈນຕິນ່າ)

1990 ຊັລວາຕໍເຣ່ ສະກິລລາຊີ່ (ອິຕາລີ)

1994 ໂຣມາຣິໂອ (ບຣາຊິລ)

1998 ໂຣນັລໂດ້ (ບຣາຊິລ)

2006 ຊິເນີຣ໌ດີນ ຊີດານ (ຝລັ່ງເສດ)