|
ສະຫະພັນກິລາດອກປິກໄກ່ແຫ່ງຊາດ
ໄດ້ຈັດຕັ້ງການແຂ່ງຂັນ ກິລາດອກປິກໄກ່
ທົ່ວປະເທດ ຄັ້ງທີ VII ເພື່ອຄັດເລືອກທິມຊາດ
ຂື້ນໃນວັນທີ 10-13 ພຶດສະພາ 2007 ທີ່ຜ່ານມາ
ທີ່ ເດີ່ນດອກປິກໄກ່ສະໂມສອນ
ກະຊວງປ້ອງກັນຄວາມສະຫງົບ, ນະຄອນຫລວງວຽງຈັນ
ຊຶ່ງຖືວ່າເປັນຄັ້ງທຳອິດ ຫລື ຄັ້ງປະຫວັດສາດ
ຂອງສະຫະພັນກິລາດອກປິກໄກ່ແຫ່ງຊາດ ໂດຍການອຸປະຖຳຂອງບໍລິສັດດາວເຮືອງ
ຂາອອກ-ຂາເຂົ້າ ຈຳກັດ. ໃນການແຂ່ງຂັນດັ່ງກ່າວ
ໄດ້ມີຕົວແທນນັກກິລາທົ່ວປະເທດ ເຂົ້າຮ່ວມທັງໝົດ
118 ຄົນ, ຍິງ 38 ຄົນ, ຊາຍ 80 ຄົນ, ໃນນັ້ນ
ມີ 5 ແຂວງ ແລະ 6 ສະໂມສອນ ໃນນະຄອນຫລວງວຽງຈັນ
ເຂົ້າຮ່ວມ ຊຶ່ງໃຊ້ເວລາແຂ່ງຂັນ 4 ວັນ ໃນຈຳນວນ
80 ນັດແຂ່ງຂັນ.
ຈຸດປະສົງ: ການແຂ່ງຂັນໃນຄັ້ງນີ້ ແມ່ນແນ່ໃສ່ຄັດເລືອກນັກກິລາທີ່ດີເດັ່ນ
ປະກອບເຂົ້າເປັນທິມຊາດລາວ ເພື່ອກະກຽມໃຫ້ແກ່ການເຂົ້າຮ່ວມການແຂ່ງຂັນກິລາ
ຊີເກມ ຄັ້ງທີ 24 ທີ່ປະເທດໄທ
ທີ່ຈະໄດ້ຈັດຂື້ນໃນວັນທີ 6-15 ທັນວາ 2007
ນີ້. ດ້ານໜື່ງ, ແມ່ນເປັນນິມິດໝາຍໃນການນຳໃຊ້ກະຕິກາແບບໃໝ່ເຂົ້າໃນວົງການເຄື່ອນໄຫວກິລາດອກປິກໄກ່ໃຫ້ເປັນເອກະພາບຈັດຕັ້ງປະຕິບັດ
ໃນຂອບເຂດທົ່ວປະເທດ. ນອກນັ້ນ
ຍັງເປັນການກະກຽມເພື່ອຮອງຮັບ
ການເປັນເຈົ້າພາບ ຈັດການແຂ່ງຂັນກິລາ ຊີເກມ
ຄັ້ງທີ 25 ໃນປີ 2009 ແລະ
ທັງເປັນການຍົກລະດັບ ສະມັດຕະພາບ
ຂອງນັກກິລາດອກປິກໄກ່ ໃຫ້ທຽບທັນກັບສາກົນເທື່ອລະກ້າວ.
ຜົນການແຂ່ງຂັນ ມີດັ່ງນີ້:
1./ ປະເພດດ່ຽວຊາຍ:
- ຊະນະເລີດ, ທ້າວ ຈັນທະລາດ ທີລາວັນ,
ສະໂມສອນ ຫລັກ 7
- ຮອງຊະນະເລີດ, ທ້າວ ວິລະຈິດ ເລັ່ງສະຫວັດ,
ສະຫວັນນະເຂດ
- ຮອງອັນດັບສອງ, ທ້າວ ພູແສງ ບົວລະວົງ,
ສະໂມສອນ ປກສ.
2/. ປະເພດຍິງດ່ຽວ
- ຊະນະເລີດ, ນາງ ສຸດໃຈ ໄຊຊະນະ, ບໍລິຄຳໄຊ
- ຮອງຊະນະເລີດ, ນາງ ມະນີວອນ ເມິງຈະເລີນ,
ສະໂມສອນ ປກສ.
- ຮອງອັນດັບສອງ, ນາງ ອາພາພອນ ພະສິນ,
ສະໂມສອນ ລາວ-ຫວຽດນາມ
3/. ປະເພດຊາຍຄູ່:
- ຊະນະເລີດ, ທ້າວ ໂຍທິນ ລາດສະວົງ + ທ້າວ ເອກກະໄຊ
ເມິງຈະເລີນ, ສະໂມສອນ ປກສ.
- ຮອງຊະນະເລີດ, ທ້າວ ຈັນທະລາວ ທີລາວັນ +
ທ້າວ ອັງລີ ພຸດທະແກ້ວ, ສະໂມສອນ ຫລັກ 7
- ຮອງອັນດັບສອງ, ທ້າວ ວັນປະສິດ ພິລາວັນ +
ທ້າວ ພະກອນຄຳ ຟອງມະລິແສງ, ສ/ມ KT
4/. ປະເພດຍິງຄູ່:
- ຊະນະເລີດ, ນາງ ສຸດໃຈ ໄຊຊະນະ + ນາງ
ບຸບຜາເກສອນ ລໍມະນີ, ບໍລິຄຳໄຊ
- ຮອງຊະນະເລີດ, ນາງ ມະນີວອນ ເມິງຈະເລີນ +
ນາງ ພອນພັນ ວັດທະນະວົງ, ສ/ມ ປກສ.
- ຮອງອັນດັບສອງ, ນາງ ອາພາພອນ ພະສິນ + ນາງ
ພຸດທະສອນ ດວງປະເສີດ, ລາວ-ຫວຽດນາມ
5/. ປະເພດ ຄູ່ປະສົມ:
- ຊະນະເລີດ, ທ້າວ ໂຍທິນ ລາດສະວົງ + ນາງ
ພອນພັນ ວັດທະນະວົງ, ສະໂມສອນ ປກສ.
- ຮອງຊະນະເລີດ, ທ້າວ ເອກກະໄຊ ເມິງຈະເລີນ +
ນາງ ມະນີວອນ ເມິງຈະເລີນ, ສະໂມສອນ ປກສ.
- ຮອງອັນດັບສອງ, ທ້າວ ສະຖຽນ ມວນວົງສາ +
ນາງ ອາພາພອນ ພະສິນ, ສະໂມສອນ ລາວ-ຫວຽດນາມ
*
ຄັດຈາກ: ສະໂມສອນເດີ່ນດອກປິກໄກ່ (ກະຊວງປ້ອງກັນຄວາມສະຫງົບ), ສະບັບວັນທີ
01-06-2007 |
