ຄາເປໂລ້ມີລາຍຊື່ນັກເຕະທີ່ຢາກໄດ້ຢູ່ໃນໃຈແລ້ວຟາບີໂອ ຄາເປລໂລກຸນຊືມາດຂຶມຂອງຍູເວນຕຸສ ເຜີຍ ມີລາຍຊື່ນັກ
ເຕະທີ່ຢາກໄດ້ເຂົ້າມາເສີມທັບເພື່ອປ້ອງກັນແຊ້ມລະດູການຫນ້າເອົາໄວ້ໃນໃຈແລ້ວ ແຕ່ຍັງຄົງອຸບເປັນຄວາມລັບ ບອກ
ແຕ່ພຽງວ່າອາດຈະເປັນກອງກາງ ແລະ ກອງຫລັງ

ຟາບີໂອ ຄາເປລໂລ້ ຍອດເທຣັນເນີ້ຂອງ "ມ້າລາຍ" ຍູເວັນຕຸສ ແຊ້ມ ກັລໂຊ ເຊເລຍ ອາ ອອກມາແຍ່ມຖິງແຜນ
ເສີມທັບຊ່ວງຊໍາເມີ້ວ່າ ເຂົາມີນັກເຕະທີ່ຢາກໄດ້ໂຕມາເສີມຄວາມແຂງແກ່ງຢູ່ໃນໃຈຫມົດແລ້ວແຕຂໍອຸບງຽບບໍ່ເຜີຍຊື່ ໂດຍແຍ້ມວ່າບໍ່ແມ່ນຕໍາແຫນ່ງຜູ້ຮັກສາປະຕູ ແລະ ກອງຫນ້າຢ່າງແນ່ນອນ

ຄາເປລໂລ້ ພິ່ງຈະພາ ຍູເວັນຕຸສ ຄ້ວາແຊ້ມ ສຄູເດັດໂຕ້ ມາຄອງໄດ້ເປັນສະໄຫມທີ່ 28 ພ້ອມກັບທໍາສະຖິຕິເປັນ
ທີມທີ່ຍິງປະຕູຫລສຍທີ່ສຸດ ແລະ ເສຍປະຕູຫນ້ອຍທີ່ສຸດຂອງລີກມະກະໂລນີ ລະດູການນີ້ອີກດ້ວຍ ຢ່າງໃດກໍ່ຕາມ ແມ້ທີມຈະຂ້ອນຂ້າງລົງຕົວຢູ່ແລ້ວ ແຕ່ນາຍໃຫຍ່ ບຽງໂຄເນລີກໍ່ບໍ່ນິ້ງນອນໃຈ ແລະ ຕຽມທີ່ຈະເສີມທັບໃນຕໍາແຫນ່ງທີ່
ຄາດກັນວ່າຈະເປັນກອງກາງ ແລະ ກອງຫລັງ

"ຂ້ອຍຄິດເອົາໄວ້ແລ້ວລະວ່າຈະເຊັນສັນຍາຊື້ໃຜເຂົ້າມາຊ່ວງຊໍາເມີ້ ແຕ່ເຮົາກໍ່ຕ້ອງຖ້າເບິ່ງດ້ວຍວ່າຈະເປັນໄປໄດ້ບໍ່ທີ່
ຈະໄດ້ໂຕພວກເຂົາມາ ຂ້ອຍບອກໄດ້ວ່າເຮົາບໍ່ຕ້ອງການຜູ້ຮັກສາປະຕູ ຫລື ກອງຫນ້າ ແຕ່ຂ້ອຍກໍ່ບໍ່ສາມາເວົ້າຫຍັງ
ໄດ້ຫລາຍຫກ່ວານີ້ ປີນີ້ເປັນການຄ້ວາແຊ້ມຄັ້ງທີ່ຍາກທີ່ສຸດຕໍ່ຄູ່ຕໍ່ສູ້ທີ່ແຂງແກ່ງທີ່ສຸດ ແລະມັນກໍ່ເປັນກຽດສໍາຫລັບ ເພາະເຮົາເປັນຟ່າຍແຊງມາຈາກທີ່ຕາມຫລັງເຖິງ 2 ຄັ້ງ ເກມທີ່ເປັນຈຸດປ່ຽນກໍ່ຄື ເກມກັບ ລາຊີໂອ້ ແລະ ເກມທີ່ ຊານ ຊີໂຣ້ ທີ່ເອົາຊະນະ ມີລານ"