:: Mahasan Batminton ::

Mahasan Sport ຂໍເອົາໃຈຄໍກິລາຕີດອກປິກໄກ່ ໂດຍການລວບລວມເອົາເຕັກນິກໃນການຫຼີ້ນລູກ ແບບຕ່າງໆມາໃຫ້ລອງເຝິກແອບກັນ ລູກສຳຄັນໆ ທີ່ໃຊ້ໃນເກມການແຂ່ງຂັນຕີດອກປີກໄກ່ ຫຼັງຈາກທີ່ຜູ້ຫຼີ້ນໄດ້ຮຽນຮູ້ເຖິງ ການຕຽມການຕີ ດອກປີກໄກ່ໄປແລ້ວ ຂັ້ນຕອນຕໍ່ໄປ ກ່ອນຈະທຳການເຝິກແອບຕີດອກປີກໄກ່ ຄວນສຶກສາກ່ຽວກັບລູກ ສຳຄັນຕ່າງໆ ທີ່ຜູ້ຫຼີ້ນຈຳເປັນຕ້ອງໄດ້ນຳໄປໃຊ້ ໃນເກມການແຂ່ງຂັນຕີດອກປີກໄກ່ ທັງປະເພດດ່ຽວ ແລະ ຄູ່ ໃຫ້ດີກ່ອນ ເພື່ອເປັນແນວທາງໃນການທີ່ຈະນຳໄປໃຊ້ ປະກອບການແຂ່ງຂັນໄດ້ຢ່າງຖືກຕ້ອງ ແລະ ມີປະສິດທິພາບ ແລະ ລູກສຳຄັນໆທີ່ໃຊ້ໃນການແຂ່ງຂັນມີດັ່ງນີ້:
1. ລູກໂຍນໂດ່ງ (Lob) 2. ລູກກຸບ 3. ລູກຕັດ 4. ລູກຢອດ
ລູກໂດ່ງ ເປັນລູກທີ່ມີວິຖີໂຄ້ງລອຍສູງ ໄປໃນອາກາດຢ່າງຊ້າໆ ລູກໂຍນໂດ່ງ ເປັນລູກ ທີ່ຕີຈາກ ລະດັບສູງກ່ວາຫົວ ແລະຈາກລະດັບທີ່ຕໍ່າກ່ວາຕາໜ່າງ ງັດສູງຂື້ນໄປໃນອາກາດ ເປັນລູກທີ່ໃຊ້ໃນການແຂ່ງ ຂັນປະເພດດ່ຽວ ຫຼາຍກ່ວາການແຂ່ງຂັນປະເພດຄູ່ ໂດຍສະເພາະແມ່ນ ມັກໃຊ້ໃນການແກ້ໄຂສະຖານະການ ໃນຂະນະທີ່ຕົກເປັນຝ່າຍຮັບ ແຕ່ໃນບາງກໍລະນີ ກໍ່ສາມາດ ໃຊ້ລູກໂດ່ງເປັນລູກ ທີ່ໃຊ້ຈີ້ຫຼືບີບບັງຄັບຄູ່ຕໍ່ສູ້ໄດ້ ເປັນຢ່າງດີ
ເຊັ່ນ: ການຕີລູກໃນລະດັບສູງກ່ວາຫົວ ໂດຍການໃຊ້ຂໍ້ມື ໃຫ້ດອກ ປີກໄກ່ ໄປໄວ ໄປຮອດສອງແຈຫຼັງ ຂອງຄູ່ຕໍ່ສູ້ ແທນທີ່ຈະຕີລູກ ໂດ່ງ ກັບຄືນໃນລັກສະນະເປັນວິຖີໂຄ້ງ ຢ່າງຊ້າໆ ເຊິ່ງຈັດໄດ້ວ່າ ເປັນລູກທີ່ໃຊ້ໄດ້ຜົນໃນເກມ ການແຂ່ງຂັນປະເພດດ່ຽວ ທີ່ນັກກິລາລະ ດັບນາໆຊາດ ນິຍົມໃຊ້ກັນຫຼາຍ.	ວິຖີລູກໂຍນໂດ່ງ
ລູກກຸບ ເປັນລູກທີ່ມີວິຖີຊັດໄວ ຈາກລະດັບສູງກ່ວາຫົວ ລົງສູ່ພື້ນສະໜາມ ລູກກຸບ ຈັດວ່າເປັນ ລູກທີ່ອັນຕະລາຍທີ່ສຸດ ໃນລູກທີສຳຄັນ ທັງໝົດ ສາຍເຫດທີ່ຈັດວ່າ ເປັນລູກທີ່ອັນຕະລາຍ ເນື່ອງຈາກ ວ່າ ເປັນລູກທີ່ໄວ ແລະ ແຮງ ລູກກຸບ ສາມາດເຮັດໃຫ້ ຄູ່ຕໍ່ສູ້ ຕ້ອງຕົກເປັນຝ່າຍຮັບ ແລະ ຕີຕອບໂຕ້ ກັບຄືນ ໄດ້ຍາກ ເປັນລູກທີ່ໃຊ້ພິຊິດ ຄູ່ຕໍ່ສູ້ ເພື່ອທຳຄະແນນ ໄປສູ່ໄຊຊະນະ.
ລູກກຸບ ແມ່ນລູກທີ່ໃຊ້ຫຼາຍ ໃນເກມການແຂ່ງຂັນປະເພດຄູ່ ຫຼາຍ ກ່ວາການແຂ່ງຂັນປະເພດດ່ຽວ ເປັນລູກທີ່ໃຊ້ໄດ້ຜົນຫຼາຍໃນເກມບຸກ ໂດຍສະເພາະແມ່ນລູກ ກຸບຈິກ ໂດຍການຕີກັວກຂໍ້ມື ໃນລະດັບສູງ ກ່ວາຫົວ ໃຫ້ລູກລົງສູ່ພື້ນສະໜາມ ບໍລິເວນແຈທັງສອງຂ້າງ ຂອງ ດ້ານໜ້າຕາໜ່າງ ຫຼື ບໍລິເວນເຄິ່ງກາງ ສະຫນາມ ທັງດ້ານຂວາ ແລະ ດ້ານຊ້າຍ	ວິຖີລູກກຸບ
ລູກຕັດ ເປັນລູກທີ່ມີວິຖີຊັດລົງຕໍ່າ ໃນລະດັບເລີຍຕາໜ່າງ ຂະໜານໄປກັບພື້ນສະໜາມ ລູກຕັດ ຈັດວ່າເປັນລູກ ທີ່ອັນຕະລາຍຮອງລົງມາຈາກລູກກຸບ ເພາະເປັນລູກທີຜູ້ຫຼີ້ນສາມາດ ຕີບີບບັງຄັບ ຄູ່ຕໍ່ສູ້ ໃຫ້ຕົກເປັນຝ່າຍ ແລະ ເສຍປຽບໄດ້ ໂດຍການໃຊ້ລູກຕັດ ຕີບັງຄັບບໍ່ໃຫ້ຄູ່ຕໍ່ສູ້ ໃຊ້ລູກກຸບ ທຳຄະແນນ ໄປສູ່ໄຊຊະນະໄດ້ ລູກຕັດ ເປັນລູກທີ່ໃຊ້ໃນເກມການແຂ່ງຂັນປະເພດຄູ່ ຫຼາຍກ່ວາການແຂ່ງຂັນປະເພດດ່ຽວ ສາ ມາດໃຊ້ໄດ້ຜົນທັງໃນເກມບຸກ ແລະ ເກມຮັບ
ເນື່ອງຈາກ ໃນບາງກໍລະນີ ລູກຕັດຍັງໃຊ້ຕີຕອບໂຕ້ ຄູ່ຕໍ່ສູ້ ໃຫ້ພິກ ສະຖານະການ ຈາກການຕົກ ເປັນຝ່າຍຮັບ ໃຫ້ກາຍເປັນຝ່າຍບຸກ ໄດ້ຢ່າງໄວ ຫຼື ຈາກການເປັນຝ່າຍເສຍປຽບ ໃຫ້ກາຍເປັນຝ່າຍໄດ້ ປຽບອີກດ້ວຍ	ວິຖີລູກຕັດ
ລູກຢອດ ເປັນລູກທີ່ໄປຊ້າກ່ວາລູກກຸບຫຼາຍ ລູກຢອດເປັນລູກທີ່ຕີຈາກດ້ານຫຼັງຂອດ ໃນລະດັບ ສູງ ກ່ວາຫົວ ລົງສູ່ພື້ນສະໜາມບໍລິເວນໜ້າຕາໜ່າງ ແລະ ເປັນລູກທີ່ຜູ້ຫຼີ້ນ ຕີຈາກລະດັບທີ່ຕໍ່າກ່ວາ ຕາ ໜ່າງອີກດ້ວຍ ໃນລັກສະນະທີ່ງັດໃຫ້ສູງຂື້ນໄປໃນອາກາດ ລູກຢອດເປັນລູກທີ່ໃຊ້ໃນເກມການແຂ່ງ ທັງປະເພດດ່ຽວ ແລະ ປະເພດຄູ່ ລູກຢອດທີ່ຜູ້ຫຼີ້ນ ຕີຈາກ ລະດັບສູງ ດ້ານຫຼັງຂອດ ຈັດເປັນລູກທີ່ໃຊ້ໄດ້ດີຫຼາຍ ໃນເກມບຸກເພື່ອຫຼອກລໍ້ ແລະ ທຳລາຍຈັງຫວະ ກົດ ດັນຄູ່ຕໍ່ສູ້
ໂດຍການສະແດງທ່າວ່າຈະຕີ ລູກກຸບທີ່ຮຸນແຮງ ແຕ່ກັບຕີລູກ ເປັນລູກຕັດຢອດ ເປັນການນຳທາງກ່ອນ ເມື່ອຄູ່ຕໍ່ສູ້ເສຍຈັງຫວະ ຫຼື ງັດລູກໂດ່ງ ບໍ່ຮອດຫຼັງຂອດ ຈິ່ງໃຊ້ລູກກຸບ ພິຊິດຄູ່ຕໍ່ສູ້ ທຳຄະແນນ ໄປສູ່ໄຊຊະນະໄດ້ໂດຍງ່າຍ ເຊິ່ງເປັນວິທີການທີ່ຜູ້ຫຼີ້ນ ໃນລະດັບຊັ້ນ ແນວໜ້າຂອງໂລກ ມັກນຳມາໃຊ້ ຢ່າງໄດ້ຜົນຫຼາຍ ທັງໃນເກມການ ແຂ່ງຂັນປະເພດດ່ຽວ ແລະ ຄູ່.	ວິຖີລູກຢອດຈາກລະດັບສູງ
ລູກຢອດ ທີ່ຜູ້ຫຼີ້ນຕີຈາກລະດັບຕໍ່າກ່ວາຕາໜ່າງ ເປັນລູກທີ່ໃຊ້ໃນເກມການແຂ່ງຂັນ ທັງປະເພດດ່ຽວ ແລະ ປະເພດຄູ່ ລູກຢອດໃນລັກສະນະດັ່ງກ່າວ ມັກຈະໃຊ້ໃນກໍລະນີທີ່ຕ້ອງການຈະໃຫ້ຄູ່ຕໍ່ສູ້ ອອກຈາກສູນ ກາງຂອງຂອດ ເຂົ້າມາຮັບລູກຢອດຢູ່ໜ້າຕາໜ່າງ ທັງດ້ານຂວາ ແລະ ຊ້າຍ ຫາກຄູ່ຕໍ່ສູ້ ຕີລູກໂຕ້ກັບມາ ບໍ່ດີເຊັ່ນ: ງັດລູກໄປບໍ່ຮອດແຈດ້ານຫຼັງຂອງຂອດ ຫຼື ຢອດກັບມາໃນລັກສະນະ ທີ່ລອຍໂດ່ງ ສູງຂື້ນບໍ່ກາຍ ຕາໜ່າງ ກໍ່ຈະຕົກເປັນຝ່າຍເສຍປຽບ ຫຼື ຕົກເປັນຝ່າຍຮັບທັນທີ ເຮັດໃຫ້ເຮົາມີໂອກາດບຸກໂດຍ ການໃຊ້ ລູກກຸບ ເພື່ອພິຊິດຄູ່ຕໍ່ສູ້ ແລະ ທຳຄະແນນໄປສູ່ໄຊຊະນະ ໄດ້ໂດຍງ່າຍ.
ລູກສຳຄັນໆ ທີ່ກ່າວມາຂ້າງເທິງທັງສີ່ລູກ ຈັດເປັນຂັ້ນຕອນທີ່ຜູ້ຫຼີ້ນ ຄວນຮຽນຮູ້ໃຫ້ດີເສຍກ່ອນທີ່ຈະເລີ້ມ ເຝິກຫັດຕີດອກ ຫາກໄດ້ຮຽນຮູ້ແຕ່ລະລູກນັ້ນມີຄວາມສຳຄັນແນວໃດ ຫຼື ຄວນຈະນຳໄປປະກອບການຫຼີ້ນ ກັບການແຂ່ງຂັນຊະນິດໃດ ລູກຊະນິດໃດເປັນລູກອັນຕະລາຍ ທີ່ໃຊ້ໄດ້ຜົນໃນເກມບຸກ ເພື່ອທຳຄະແນນ ໄປສູ່ໄຊຊະນະໃນທີ່ສຸດ ເມື່ອຜູ້ຫຼີ້ນສຶກສາ ຈົນສາມາດຮຽນຮູ້ໄດ້ ເຖິງຜົນໄດ້ ຜົນເສຍ ເປັນຢ່າງດີແລ້ວທ່ານຈະປະສົບຄວາມສຳເລັດໃນການຫຼີ້ນ ຕີດອກປິກໄກ່ ໃຫ້ດີຕໍ່ໄປໃນອານາຄົດ