ການເກັບມ້ຽນຢາ

ການເກັບມ້ຽນຢານ້ຳ ແລະ ຢາເມັດບໍ່ຄືກັນ ຢານ້ຳຄວນເກັບໄວ້ບ່ອນທີ່ເຢັນ, ບໍ່ຄວນຖືກແສງແດດ ຖ້າເປິດໃຊ້ແລ້ວຄວນເກັບໄວ້ໃນຕູ້ເຢັນ ເພື່ອຄົງສະພາບຢາໃຫ້ຢູ່ໄດ້ດົນ ແລະ ບໍ່ໃຫ້ເຊື້ອໂລກ ເຊັ່ນ: ເຊື້ອລາ, ຂື້ນບໍລິເວນອ້ອມແກ້ວຢາ ຫລື ຕົກລົງໄປໃນໂຕຢາ ສຳຫລັບຢາເມັດນັ້ນຖ້າມີເຈ້ຍຫໍ່ຢູ່ແລ້ວກໍ່ບໍ່ຄວນແກະອອກ ແຕ່ຖ້າບໍ່ມີ ແລະ ຕ້ອງການເກັບໄວ້ດົນ ຄວນມີຫໍ່ສານດູດຄວາມຊຸ່ມປະສົມໃນແກ້ວຢາ ບໍ່ຄວນເກັບຢາໄວ້ໃນບ່ອນປຽກຊຸ່ມ ແລະ ໃນບ່ອນທີ່ຮ້ອນ ເພາະຈະເຮດໃຫ້ຢາເສຍຄຸນງ່າຍ ສິ່ງທີ່ສຳຄັນອັນດັບຕໍ່ມາຄື: ການຊື້ຢາຢ່າໃຫ້ເກິດການສະລັບກັນຂອງຢາໃນແຕ່ລະແກ້ວຢາ ຄວນຂຽນບອກຊື່ຢາ, ຂະຫນາດການໃຊ້ຢາ ແລະ ກິນໄດ້ມື້ລະຈັກເທື່ອ ນອກຈາກນັ້ນຄວນບອກວັນທີທີ່ຜະລິດ ແລະ ວັນທີ່ຫມົດອາຍຸ ແຕ່ເມື່ອນຳຢາເມັດອອກຈາກແຂ້ວມາໃສ່ໃນຊອງຢາ ມື້ຫມົດອາຍຸຂອງຢາຈະປ່ຽນໄປ ຄື: ອາຍຸຈະສັ້ນເຂົ້າ ຈຶ່ງຄວນເກັບໄດ້ໃຫ້ດີ ອາດຈະສັງເກດໄດ້ງ່າຍໆ ວ່າຢາເມັດຫມົດອາຍຸຫລືບໍ່ ໂດຍທີ່ສີຂອງຢາຈະປ່ຽນໄປ ຫລື ມີຈຸດປະກົດຂື້ນຢູ່ເມັດຢາ ໃນກໍລະນີນ້ຳສີອາດຈະປ່ຽນໄປ ຫລື ເກິດການແຍກຊັ້ນຂອງຢາທີ່ເກົ່າບໍ່ເຄີຍແຍກຊັ້ນມາກ່ອນ ແຕ່ຢາບາງຢ່າງແຍກຊັ້ນຢູ່ກ່ອນແລ້ວ ກໍ່ບໍ່ໄດ້ຫມາຍຄວາມວ່າຢາຈະຫມົດອາຍຸ ຖ້າເປັນຢານ້ຳທີ່ບໍ່ມີສານຕົກຄ້າງ ເມື່ອເກັບໄວ້ຕະກອນຂື້ນກໍ່ຫມາຍຄວາມວ່າຢາຫມົດອາຍຸຄືກັນ