ເກີດລູກເມື່ອອາຍຸການຖືພາໄດ້ 6-7 ເດືອນ 05/18/2005 10:37:33 AM

ຖ້າທ່ານຖືພາໄດ້ປະມານ 6-7 ເດືອນ ແລ້ວເກີດຄອດ ລູກອອກມາຈະມີນ້ຳຫນັກໂຕບໍ່ເຖິງ 1 ກິໂລ ລູກອາດຈະມີຊີວິດລອດ ແຕ່ສ່ວນຫລາຍຈະເສຍຊີວິດ ດຽວນີ້ແພດໝໍຍັງບໍ່ຮູ້ສາເຫດຂອງການເກີດ ກ່ອນກຳນົດໄດ້ດີ ແຕ່ບາງສ່ວນອາດຈະເນື່ອງມາຈາກປາກມົດລູກຂອງທ່ານບໍ່ແຂງແຮງ ຊຶ່ງຖ້າເປັນກໍລະນີນີ້ທ່ານຄວນໄປຮັບການຫຍີບບໍລິເວນປາກມົດລູກ ເມື່ອທ່ານມີອາຍຸການຖືພາປະມານ 4 ເດືອນ ຫລື 16 ອາທິດ, ຈົນເມື່ອທ່ານມີອາຍຸການຖືພາໃກ້ຮອດ 36 ອາທິດ, ໝໍຈຶ່ງຈະຕັດໄໝບໍລິເວນປາກມົດລູກອອກ ວິທີການນີ້ຈະເຮັດໃຫ້ລູກນ້ອຍໃນມົດລູກໃຫຍ່ ແລະ ພົ້ນຂີດການເສຍຊີວິດ ວິວັດທະນາການທາງເຄື່ອງມື ແລະ ການເບິ່ງແຍງແອນ້ອຍເຮັດໃຫ້ໝໍສາມາດຊ່ວຍແກ່ຍາວຊີວິດເດັກທາລົກເຫລົ່ານີ້ໄດ້ ໃນອະດີດແອນ້ອຍເຫລົ້ານີ້ມັກຈະຕາຍພາຍໃນ 24ຊົ່ວໂມງ, ແຕ່ໃນປະຈຸບັນ ມີຫລາຍຄົນທີ່ລອດຊີວິດ ໂດຍສາມາດເຕີບໃຫຍ່ເປັນເດັກນ້ອຍທີ່ແຂງແຮງ ປາດສະຈາກຄວາມພິການອື່ນໆ ແຕ່ກໍ່ມີເດັກນ້ອຍຈຳນວນຫລວງຫລາຍທີ່ເຖິງວ່າຈະລອດຊີວິດ ແຕ່ອາດຈະມີຄວາມ ພິການຕິດຕົວຕະຫລອດໄປ ເຮົາຈຶ່ງຄວນປ້ອງກັນບໍ່ໃຫ້ເດັກເກີດກ່ອນກຳນົດ.