ໃຫ້ທ່ານໝໍກວດພາຍໃນຫລັງກຳລູກ

ການຖືພາ ແລະ ການຄອດທີ່ຜ່ານມາມີຜົນເຮັດໃຫ້ອະໄວຍະວະພາຍໃນຊ່ອງຄອດລວມທັງບໍລິເວນເຕົ້ານົມ ເກິດການປ່ຽນແປງເນື່ອງຈາກຮໍໂມນຕ່າງໆ ທີ່ເພີ່ມຫລາຍຂື້ນໃນໄລຍະນີ້ ດັ່ງນັ້ນຫລັງເກີດລູກປະມານ 4-6 ອາທິດ ຈຶ່ງຄວນໃຫ້ໝໍທຳການກວດເຕົ້ານົມເພື່ອຄຳຫາກ້ອນຜິດປົກກະຕິທີ່ອາດເກິດຂື້ນໄດ້ ແລ້ວໃຫ້ໝໍກວດພາຍໃນ ໂດຍເລິ່ມກວດຕັ້ງແຕ່ບໍລິເວນບ່ອນທີ່ຫຍີບໃກ້ປາກຊ່ອງຄອດ ໃນກໍລະນີທີ່ຄອດເອງ ຫລື ກວດບາດແຜທາງຫນ້າທ້ອງໃນກໍລະນີຕ້ອງຜ່າຄອດ ກວດຊ່ອງຄອດ, ປາກມົດລູກ ແລະ ຄຳເບິ່ງຂະຫນາດມົດລູກວ່າມີຂະໜາດປົກກະຕິແລ້ວຫລືບໍ່ ເມື່ອກວດພົບວ່າທຸກສ່ວນປົກກະຕິ ບໍ່ມີການອັກເສບໃດເລີຍ ທ່ານໝໍຈະກວດເຊັກມະເຮັງບໍລິເວນປາກມົດລູກໃຫ້ນຳເລີຍ ເຖິງວ່າການກວດພາຍຫລັງເກີດລູກຈະບໍ່ຄ່ອຍ ພົບເຫັນຄວາມຜິດປົກກະຕິກໍ່ຕາມ ແລະ ຈະໃຫ້ຄຳແນະນຳການຄຸມກຳເນີດຄວບຄູ່ໄປນຳ ປົກກະຕິແລ້ວຄວນເວັ້ນຫ່າງການມີລູກຄົນຕໍ່ໄປປະມານ 1 ປີເປັນຢ່າງຕ່ຳ.