ກາເຟມີຜົນເສຍຕໍ່ລູກໃນທ້ອງ

ສຳຫລັບຄົນທີ່ດື່ມກາເຟເປັນປະຈຳ ເມື່ອຖືພາຄວນງົດເວັ້ນ ຫລື ຖ້າງົດເວັ້ນບໍ່ໄດ້ກໍ່ຄວນດື່ມອັນທີ່ບໍ່ມີຄາເຟອີນ ແລະ ຄ່ອຍໆລຸດປະລິມານລົງຈະເປັນການດີຕໍ່ແອນ້ອຍໃນທ້ອງ ຍ້ອນພົບເຫັນວ່າໃນໄລຍະອາຍຸການຖືພາຂອງ 3 ເດືອນຂື້ນໄປຈົນເຖິງກ່ອນເກີດ ກາເຟທີ່ທ່ານດື່ມຈະສະສົມຢູ່ໃນຮ່າງກາຍທ່ານດົນກວ່າປົກກະຕິເຖິງ 3 ເທົ່າ, ຊຶ່ງເຮັດໃຫ້ລະດັບຄາເຟອີນໃນຕົວລູກ ແລະ ໃນໂຕທ່ານສູງຂື້ນຫລາຍ ລະດັບຄາເຟອີນທີ່ສູງນີ້ຈະມີຜົນຕໍ່ລູກ ເພາະລູກນ້ອຍໃນທ້ອງຍັງທຳລາຍຄາເຟອີນບໍ່ໄດ້ດີ ເມື່ອລູກເກີດອອກມາ ລູກທ່ານອາດຈະມີອາການກະວົນກະວາຍ, ຮ້ອງກວນເຫມືອນຄົນຕ້ອງການກາເຟ ໃຊ້ເວລາປະມານ 1-2 ອາທິດຈຶງຈະດີຂື້ນ ເຖິງວ່າລູກຈະກວນປະມານ 2 ອາທິດ, ແຕ່ກໍ່ດົນພໍທີ່ຈະເຮັດໃຫ້ຄົນໃນບ້ານວຸ້ນວາຍໄດ້.