ເຖິງວ່າຫລາຍຄົນຈະຮັບຮູ້ເຖິງບັນຫາທີ່ອາດຈະເກີດຂື້ນກັບການຟັງເພງແຮງໆ ຜ່ານສະເບົ້າຫູ ຊຶ່ງອາດໄປທຳລາຍລະບົບປະສາດການໄດ້ຍິນຂອງສຽງໄດ້ ແຕ່ໄວລຸ້ນສ່ວນຫລາຍແມ່ນຍັງ
ເລືອກທີ່ຈະຟັງເພງແບບແຮງໆ ດັງໆ ຢູ່

ໂດຍມີການວິໄຈຂອງຜູ້ຊ່ຽວຊານກຸ່ມໜື່ງ ທີ່ໄດ້ທຳການວິໄຈເຖິງຜົນກະທົບທີ່ເກີດຂື້ນຈາກ
ການຟັງເພງແຮງໆ ຕິດຕໍ່ກັນເປັນເວລາດົນໆ ໂດຍການສຸ່ມຕົວຢ່າງຈາກກຸ່ມນັກຮຽນຊັ້ນມັດທະຍົມແຫ່ງໜື່ງໃນເນເທີແລນ ຜົນປະກົດວ່າໄວລຸ້ນສ່ວນຫລາຍແມ່ນຮູ້ເຖິງຜົນກະທົບທີ່ເກີດຂື້ນຈາການຟັງເພງແບບດັງໆ ແຕ່ກໍ່ຍັງເປີດສຽງຈົນເຖິງລະດັບ
ສຽງດັງສຸດ ແລະ ບໍ່ຄິດທີ່ຈະປ່ຽນພຶດຕິກຳນີ້ ໂດຍ Ineke Vogel  ຫົວໜ້າກຸ່ມງານວິໄຈໄດ້ອອກມາກ່າວວ່າ: ຢາກຈະ
ແນະນຳໃຫ້ຜູ້ປົກຄອງຊ່ວຍກັນວ່າກ່າວຕັກເຕືອນລູກຫລາຍໃຫ້ ຮູ້ເຖິງຜົນອັນຕະລາຍທີ່ອາດຈະເກີດຂື້ນໄດ້ ເຖິງວ່າມັນ
ຈະບໍ່ສົ່ງຜົນໃຫ້ເຫັນຢ່າງທັນຕາ ແຕ່ອາດສົ່ງຜົນກະທົບໃນໄລຍະຍາວໄດ້ ແລະ ເມື່ອເກີດບັນຫາຂື້ນມາແລ້ວ ກໍ່ບໍ່ສາມາດ
ຍ້ອນກັບມາແກ້ໄຂໄດ້ອີກ ໂດຍລະດັບສຽງທີ່ຖືວ່າຢູ່ໃນຂັ້ນທີ່ສ່ຽງຕໍ່ອັນຕະລາຍ ຄື: ລະດັບສຽງທີ່ດັງເກີນກວ່າ 90 ເດຊິເບລ ແຕ່ຖ້າຫາກຢູ່ໃນລະຫວ່າງ 120 ເຖິງ 140 ເດຊິເບລ, ຈະຖືວ່າເປັນລະດັບສຽງທີ່ເຮັດໃຫ້ເກີດອັນຕະລາຍໄດ້ ນອກຈາກນີ້ Vogel ຍັງໄດ້ແນະນຳເຖິງຫລັກໃນການຟັງເພງວ່າ ຜູ້ໃຊ້ເຄື່ອງຫລີ້ນ MP3  ບໍ່ຄວນຕັ້ງລະດັບດັງຂອງສຽງ
ເກີນກວ່າ 60% ຂອງທັງໝົດ ເມື່ອໃຊ້ຫູຟັງປະເພດ headphone  ແລະ ບໍ່ຄວນເກີນ 70% ຂອງທັງໝົດເມື່ອໃຊ້ຫູຟັງ
ປະເພດ over-the-ear headphone

* ຄັດຈາກ: ສູນ IT ພັນທິບ, ວັນທີ 28-03-2008