|
ວັນທີ 13
ທັນວາປີ 2001, ຄະນະກຳມະການຈັດຕັ້ງງານກິລາໂອລິມປິກຄັ້ງທີ
29(ກໍ່ຄືຄະນະກຳມະການຈັດງານກິລາໂອລິມປິກປັກກິ່ງໄດ້ສ້າງຕັ້ງຂຶ້ນ
ຢ່າງເປັນທາງການ.ສ່ວນເຄື່ອງໝາຍງານກິລາໂອລິມປິກປັກກິ່ງເມື່ອໄດ້ຜ່ານການອອກແບບເປັນເວລາ
16 ເດືອນແລ້ວ,ກໍ່ໄດ້ເປີດເຜີຍຕໍ່ຊາວໂລກ
ໃນວັນທີ 3 ສິງຫາປີ 2003. ເຄື່ອງໝາຍງານກິລາໂອລິມປິກທີ່ໃຫ້ຊື່ວ່າ"ກາປະທັບຈີນ·ປັກກິ່ງໂຮຮ້ອງສະຫຼອງໄຊ"
ໄດ້ປະກາດໃນພິທີອັນໃຫຍ່ໂຕ ຄຶກຄື້ນຢູ່ທີ່ຫໍຊີນຽນຕ້ຽນຂອງຫໍຟ້າປັກກິ່ງ.
ວັນທີ 24 ທັນວາປີ 2003, ສະໜາມກິລາແຫ່ງຊາດ
ແລະ ສູນລອຍນ້ຳແຫ່ງຊາດໄດ້ເລິ່ມລົງມືກໍ່ສ້າງ,
ນີ້ເປັນ
ຂີດໝາຍ ສະແດງໃຫ້ເຫັນວ່າ, ການກໍ່ສ້າງຫໍ
ແລະ ສະໜາມກິລາຂອງງານກິລາໂອລິມປິກປັກກິ່ງໄດ້ເລິ່ມດຳເນີນຢ່າງຮອບດ້ານ.
ຫຼັງຈາກນັ້ນ, ເຄື່ອງໝາຍງານກິກາພາລາລິມປິກປີ
2008 ທີ່ມີຊື່ວ່າ "ຟ້າ ດິນແລະຄົນ"
ກໍ່ໄດ້ປະກາດຕໍ່ຊາວໂລກໃນວັນທີ 13
ກໍລະກົດປີ 2004, ຄວາມໝາຍ
ທີ່ເອົາໃຈໃສ່ນຳມວນມະນຸດແລະທັດສະນະຄະຕິຖືກຕຕ້ອງປອງດອງກັນຂອງເຄື່ອງໝາຍກໍ່ໄດ້ຮັບການຕີລາຄາສູງ.
ວັນທີ 5 ມິຖຸນາປີ 2005 ໄດ້ເລິ່ມດຳເນີນ,
ໂຄງການອາສາສະໝັກຂອງງານກິລາໂອລິມປິກປັກກິ່ງ,
ມື້ດຽວກັນ, ໄດ້ປະກາດເຄື່ອງໝາຍຂອງອາສາສະໝັກງານກິລາ
ໂອລິມປິກປັກກິ່ງ.ອາສາສະໝັກຂອງງານກິລາໂອລິມປິກປັກກິ່ງຄາດວ່າຈະມີປະມານ7ໝື່ນຄົນ,
ຜູ້ອາສາສະໝັກງານກິລາພາຣາລິມປິກ
(ຫຼືງານກິລາໂອລິມປິກຄົນພິການ) ຄາດວ່າຈະມີປະມານ
3 ໝື່ນຄົນ. ວັນທີ 26 ມິຖຸນາປີ 2005
ໄດ້ປະກາດ, ຄຳຂວັນຫົວຂໍ້ງານກິລາໂອລິມປິກປັກກິ່ງ
"ໂລກດຽວ,ຄວາມຝັນດຽວ" (One World One
Dream). ວັນທີ 11 ພະຈິກປີ 2005,
ໃນໂອກາດວັນນັບຖອຍຫຼັງເຂົາສູ່ງານກິລາໂອລິມປິກປັກກິ່ງ 1000 ມື້,
"ຕຸກະຕາຟູວາ" ສັດນຳໂຊກງານກິລາໂອລິມປິກປັກກິ່ງກໍໄດ້
ປະກາດຢ່າງຄຶນຄື້ນ. "ຕຸກະຕາຟູວາ" 5
ຕົວທີ່ມີຮູບປາ ຮູບໝີແພນດາ ຮູບເຍືອງຕິເບດ
ຮູບນົກແອ່ນ ແລະ ຮູບໄຟສັກສິດຂອງງານກິລາ
ໂອລິມປິກ ໄດ້ຕັ້ງຊື່ໃຫ້ວ່າ "ເປີ້ຍເປີ້ຍ",
"ຈິ່ງຈິ່ງ", "ຮ່ວນຮ່ວນ", "ອີ໋ງອີ໋ງ"
ແລະ "ນີ່ນີ່", ຊື່ຂອງສັດນຳໂຊກ 5
ໂຕນີ້ອ່ານເຂົ້າກັນ ແລ້ວມີສຽງຄືກັນກໍແມ່ນ
"ເປີຍຈິ່ງຮ່ວນອີ໋ງນິນ", ແປວ່າ, ປັກກິ່ງຍິນດີຕ້ອນຮັບທ່ານ.
ວັນທີ
28 ສິງຫາປີນີ້, ການປະກາດຮັບເອົາອາສາສະໝັກງານກິລາໂອລິມປິກ
ແລະ ງານພາຣາລິມປິກປັກກິ່ງໄດ້ເລິ່ມ
ດຳເນີນ ຢ່າງເປັນທາງການ.
ວັນທີ 7
ກັນຍາປີນີ້,ງົວ"ເລີ້ເລີ້" ສັດນຳໂຊກຂອງງານກິລາພາຣາລິມປິກປັກກິ່ງປີ
2008 ໄດ້ປະກາດທາງການ, ງົວນ້ອຍ ໜ້າຮັກໂຕນີ້ໄດ້ສະແດງໃຫ້ເຫັນນ້ຳໃຈສ້າງຕົນເອງໃຫ້ເຂັ້ມແຂງຢ່າງບໍ່ຢຸດຢັ້ງ
ແລະ ສູ້ຊົນຢ່າງໝັ້ນໜຽວຂອງຄົນພິການ.
ຫວ່າງກ່ອນນີ້ບໍ່ດົນ, ຄືໃນຕອນເຊົ້າວັນທີ
17 ກັນຍາ,ວຽກງານມ້າງໂຄງຮ່າງເຫຼັກກ້າຂອງສະໜາມກິລາແຫ່ງຊາດທີ່ເປັນຮູບ
"ຮັງນົກ"
ສະໜາມກິລາແຫ່ງນີ້ແມ່ນສະໜາມກິລາຕົ້ນຕໍຂອງງານກິລາໂອລິມປິກປັກກິ່ງໄດ້ສຳເລັດຕາມແຜນການ,
"ຮັງນົກ" ທີ່ອອກແບບໃນໜ້າເຈ້ຍໄດ້ກາຍເປັນສິ່ງກໍ່ສ້າງອັນເປັນໜ້າພູມໃຈຂອງຊາດຈີນຕັ້ງຂັ້ນຢ່າງສະຫງ່າ.
ສິ່ງກໍ່ສ້າງໂຄງປະກອບເຫຼັກກ້າດັ່ງກ່າວມີໄລຍະຂວາງຂ້າມຍາວກວ່າໝູ່ໃນໂລກ,
"ຮັງນົກ" ນີ້ມີນ້ຳໜັກເຖິງ 42000 ໂຕນ,
ທຸກມີຄວາມທົນທານທັງນັ້ນ,ທັງເປັນຮູບທີ່ສະລັບໄປມາ.
ສິ່ງກໍ່ສ້າງອັນຍິ່ງໃຫຍ່ນີ້ໄດ້ຮັບຄວາມຍ້ອງຍໍເປັນ
"ສະໝາມກິລາລຸ່ນທີ 4", ມັນບໍ່ພຽງແຕ່ເປັນສັນຍະລັກແຫ່ງຄວາມສະແຫວງຫາຢ່າງບໍ່ລົດລະ
ໃນຂົງເຂດກໍ່ສ້າງ ແລະ ສິ່ງແວດລ້ອມຂອງມະນຸດ
ໃນສະຕະວັດທີ 21 ເທົ່ານັ້ນ, ແຕ່ຍັງເປັນສັນຍະລັກແຫ່ງຂະບວນວິວັດປະຫວັດສາດຂອງຈີນ
ເມືອງບູຮານພາກຕາເວັນອອກພວມເປີດປະຕູສູ່ພາຍນອກ
ຢ່າງບໍ່ຢຸດຢັ້ງ.
ທັງໝົດເຫຼົ່ານີ້ສະແດງໃຫ້ເຫັນວ່າປັກກິ່ງພວມກຽມຈັດງານກິລາໂອລິມປິກປີ
2008 ຢ່າງຕັ້ງໜ້າ, ຄົນປັກກິ່ງຈົນຮອດ
ປະຊາຊົນທົ່ວ ປະເທດຈີນລ້ວນແຕ່ຄອງຄອຍງານກິລາໂອລິມປິກ.
ໃນໄລຍະວັນຊາດຈີນ ວັນທີ 1 ຕຸລາປີນີ້,
"ຕຸກະຕາຟູວາ" ສັດນຳໂຊກງານກິລາ
ໂອລິມປິກປັກກິ່ງຍັງຈະເປີດຕົວຕົວຢູ່ສະໜາມຫຼວງທ່ຽນອ່ານເມີນ,
ບັນຍາກາດທີ່ຕ້ອນຮັບງານກິລາ ໂອລິມປິກຂອງປັກກິ່ງ
ຈະນັບມື້ ນັບຟົດຟື້ນ, ຫວັງວ່າໃນເວລາປັກກິ່ງຈັດງານກິລາໂອລິມປິກໃນປີ
2008, ທ່ານກໍ່ຄົງຈະມີ ໂອກາດມາມາສຳຜັດຕົວຈິງ.
1|2
*
ຄັດຈາກ:
China Radio International, ສະບັບວັນທີ
5-04-2006 |
