ໃນວັນທີ 25 ມັງກອນ 2008 ນີ້ ນະຄອນຫລວງວຽງຈັນ ໄດ້ຈັດກອງປະຊຸມອົງການປົກຄອງນະຄອນຫລວງ
ວຽງຈັນ ສະໄຫມສາມັນ ປະຈຳເດືອນມັງກອນ 2008 ໂດຍເປັນປະທານຂອງທ່ານ ດຣ.ສິນລະວົງ ຄຸດໄພທູນ ເຈົ້າຄອງນະ
ຄອນຫລວງວຽງຈັນ ເຊິ່ງມີບັນດາຮອງເຈົ້າຄອງ ຫົວຫນ້າພະແນກ ແລະ ເຈົ້າເມືອງອ້ອມຂ້າງ ເຂົ້າຮ່ວມ.

   ກອງປະຊຸມໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມ ໃນເດືອນຜ່ານມາ ເຊິ່ງເຫັນ
ວ່າມີຫລາຍອັນພົ້ນເດັ່ນ ໂດຍສະເພາະແມ່ນເຮັດໃຫ້ນະຄອນຫລວງວຽງຈັນ ມີສະເຖຍລະພາບທາງດ້ານການເມືອງ ມີ
ຄວາມສະຫງົບ ເສດຖະກິດສືບຕໍ່ຂະຫຍາຍຕົວ ປະຊາຊົນມີຄວາມເຊື່ອຫມັ້ນຕໍ່ການນຳພາຂອງພັກ ການຜະລິດກະສິກຳ-
ລ້ຽງສັດຂອງຊາວກະສິກອນ ນັບມື້ມີການຂະຫຍາຍຕົວ ເຫັນໄດ້ໃນຫລາຍທ້ອງຖິ່ນມີຜະລິດຕະພັນພຽງພໍຕໍ່ການບໍລິໂພກ
ແລະ ຂາຍເປັນສິນຄ້າ ນອກຈາກນີ້ ກອງປະຊຸມຍັງໄດ້ຄົ້ນຄວ້າປຶກສາຫາລືພິຈາລະນາບາງວຽກງານທີ່ເຄັ່ງຮ້ອນ ແລະ ຮີບ
ດ່ວນ ໂດຍສະເພາະໂຄງການດ່ານຊາຍແດນປະເພນີບ້ານຫນອງດາ ເມືອງສີໂຄດຕະບອງ ໂຄງການກໍ່ສ້າງຕະຫລາດບ້ານ
ໂພນສະຫວ່າງ ເມືອງຈັນທະບູລີ ໂຄງການປ້ອງກັນຕາຝັ່ງເຈື່ອນ ແລະ ພັດທະນາແຄມຂອງ ການຜັນຂະຫຍາຍວຽກງານ
ບໍລິການຜ່ານປະຕູດຽວ ແລະ ການຊຸກຍູ້ສົ່ງເສີມຄວາມກ້າວໜ້າຂອງແມ່ຍິງ ແລະ ບັນຫາອື່ນໆເພື່ອໃຫ້ສອດຄ່ອງກັບການ
ພັດທະນາ.

* ຄັດຈາກ: ຫນັງສືພິມວຽງຈັນໃໝ່, ສະບັບວັນທີ 28-01-2008