ໃນລະຫວ່າງວັນທີ 13-14 ມີນາ 2008 ນີ, ຢູ່ທີ່ເຮືອນພັກແຄມງື່ມ (ທ່າລາດ) ແຂວງວຽງຈັນ ໄດ້ຈັດກອງປະຊຸມຜ່ານ
ແຜນຍຸດທະສາດການພັດທະນາ ແລະ ຄຸ້ມຄອງອ່າງໂຕ່ງ ສຳລັບອ່າງໂຕ່ງຍ້ອຍນ້ຳແຈ້ງຂອງໂຄງການພັດທະນາ
ອ່າງຮັບນ້ຳ - ນ້ຳງື່ມຂື້ນ ໂດຍເປັນປະທານຂອງທ່ານ ຈັນທີ ໄຊພະສິນທຳ ຮອງເຈົ້າເມືອງແກ້ວອຸດົມ ເຊິ່ງມີທ່ານ
ເຈົ້າເມືອງ-ຮອງເຈົ້າເມືອງໂພນໂຮງ ວຽງຄຳ ແກ້ວອຸດົມ ແລະ ທຸລະຄົມ ຜູ້ຕາງໜ້າພະແນກກະສິກຳ ແລະ ປ່າໄມ້ ແຂວງວຽງຈັນ ຫ້ອງການແຜນການເມືອງ ພ້ອມດ້ວຍພາກສ່ວນທີ່ກ່ຽວຂ້ອງທັງສູນກາງ ແລະ ທ້ອງຖິ່ນເຂົ້າຮ່ວມຢ່າງ
ພ້ອມພຽງ.

ກອງປະຊຸມດັ່ງກ່າວໃນຄັ້ງນີ້ ໄດ້ແບ່ງອອກເປັນ 2 ພາກ ຄື: ມື້ທຳອິດແມ່ນໄດ້ປຶກສາຫາລືພາກວິຊາການ ເຊິ່ງໄດ້ຄົ້ນຄວ້າ
ປັບປຸງແຜນຍຸດທະສາດການພັດທະນາຕ່າງໆ ເປັນເທື່ອສຸດທ້າຍ ແລະ ມື້ທີ 2 ແມ່ນໄດ້ພ້ອມກັນຮັບຟັງການຜ່ານບົດ
ລາຍງານເອກະສານທີ່ສຳຄັນ ແລະ ຜ່ານແຜນຍຸດທະສາດການພັດທະນາຕ່າງໆ ທີ່ກ່ຽວພັນກັບຜົນປະໂຫຍດ ການພັດທະນາອ່າງຮັບນ້ຳ-ນ້ຳງື່ມ ເຊິ່ງຈຸດປະສົງແມ່ນເພື່ອແນໃສ່ປຶກສາຫາລືແລກປ່ຽນຄວາມຄິດເຫັນແບບສ້າງສັນ
ກ່ຽວກັບແຜນພັດທະນາໂຄງການ ດັ່ງກ່າວ ເຊິ່ງປະກອບດ້ວຍ 4 ຕົວເມືອງທົ່ງພຽງ ຄື: ເມືອງໂພນໂຮງ, ວຽງຄຳ, ແກ້ວອຸດົມ ແລະ ທຸລະຄົມ ນອກນີ້ ກອງປະຊຸມຍັງໄດ້ພ້ອມກັນປຶກສາຫາລືຊອກຊ່ອງທາງທີ່ເໝາະສົມກັບສະພາບ
ການຕົວຈິງ ເພື່ອເຮັດໃຫ້ການຈັດຕັ້ງປະຕິບັດໂຄງການດັ່ງກ່າວໄດ້ຮັບຜົນສຳເລັດ ແລະ ມີປະສິດທິພາບສູງ.

ຕອນທ້າຍຂອງພິທີຍັງໄດ້ມີການມອບ-ຮັບ ແຜນຍຸດທະສາດການພັດທະນາ ແລະ ຄຸ້ມຄອງອ່າງໂຕ່ງນ້ຳແຈ້ງຂອງໂຄງການ
ອ່າງຮັບນ້ຳ-ນ້ຳງື່ມໃຫ້ແກ່ 4 ເມືອງທີ່ກ່ຽວຂ້ອງຢ່າງເປັນທາງການ ເຊິ່ງໃຫ້ກຽດມອບໂດຍແມ່ນທ່ານ ທັດເທວາ ສະພັງທອງ ຫົວໜ້າປະສານງານໜ່ວຍງານວາງແຜນຄຸ້ມຄອງອ່າງໂຕ່ງຂອງໂຄງການພັດທະນາອ່າງຮັບນ້ຳ-ນ້ຳງື່ມ.

* ຄັດຈາກ: ຫນັງສືພິມວຽງຈັນໃໝ່, ສະບັບວັນທີ 18-03-2008