|
ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດສົກປີ
2006-2007 ໄດ້ດຳ ເນີນໄປໃນທ່າມກາງທີ່ທົ່ວ
ພັກ,
ທົ່ວກອງທັບແລະປວງຊົນໄດ້ອອກແຮງແຂ່ງຂັນຈັດຕັ້ງຜັນຂະຫຍາຍ
ມະຕິກອງ ປະຊຸມໃຫຍ່ ຄັ້ງທີ່ VIII ຂອງພັກ ໃຫ້ປະກົດຜົນເປັນຈິງ;
ມາເຖີງປະຈຸບັນ, ດ້ວຍຄວາມເອົາໃຈໃສ່ບຸກບືນ
ຂອງລັດຖະບານ ກໍຄືບັນດາຂະແໜງການ ແລະ
ທ້ອງຖິ່ນ ໄດ້ເຮັດໃຫ້້ເສດຖະກິດຂອງປະເທດ ໄດ້ຮັບການ
ພັດທະນາໃຫ້ເຕີບໂຕຂຶ້ນຢ່າງຕໍ່ເນື່ອງ
ດ້ວຍຈັງຫວະທີ່
ໝັ້ນທ່ຽງ, ຊີວິດການເປັນຢູ່ຂອງ ປະຊາຊົນ
ບັນດາເຜົ່າ, ພື້ນຖານໂຄງລ່າງ ແລະ
ການບໍລິການສັງຄົມດ້ານຕ່າງໆ
ຂອງລັດຖະບານ ໄດ້ຮັບການປັບປຸງ ໃຫ້ດີຂຶ້ນເປັນ
ກ້າວໆເລື້ອຍມາ.
ກອງປະຊຸມຄັ້ງປະຖົມມະລືກສະພາແຫ່ງຊາດ ຊຸດທີ
VI ໄດ້ມີມະຕິຮັບຮອງເອົາຄາດໝາຍດ້ານ ເສດຖະກິດມະຫາພາກ
ສຳລັບສົກປີ 2006-2007 ຄື: GDP ເພີ່ມຂື້ນ
7,5%; ໃນນັ້ນ, ກະສິກຳ 3,4%; ອຸດສາຫະກຳ13,2%
ແລະ ການບໍລິການ 7,9% ; ການລົງທຶນທັງໝົດກວມປະມານ
30-32% ຂອງ GDP; ໃນນັ້ນ, ການລົງທຶນຂອງລັດ
3.353 ຕື້ກີບ ກວມປະມານ 10% ຂອງ GDP, ເປັນທຶນພາຍໃນ
517 ຕື້ກີບ ແລະ ທຶນຕ່າງປະເທດ 2.836ຕື້ກີບ;
ເກັບ
ລາຍຮັບໃຫ້ໄດ້ 4.850 ຕື້ກີບ, ລາຍຈ່າຍ
7.913 ຕື້ກີບ; ຄວບຄຸມ ອັດຕາເງິນເຟີ້ໃຫ້ຢູ່ໃນຕົວເລກດຽວ
ແລະ ຄວບຄຸມ
ອັດຕາແລກປ່ຽນໃຫ້ມີຄວາມສະຫງົບ ແລະ
ມີຄວາມສະ ເຖຍລະພາບ ໂດຍພື້ນຖານ,
ຄວບຄຸມການເພີ່ມຂື້ນຂອງບໍລິມາດ
ເງີນລວມ (M2) ໃນລະດັບບໍ່ເກີນ 18%
ທຽບໃສ່ປີຜ່ານມາ; ຫຼຸດຜ່ອນຄົວເຮືອນທຸກຍາກລົງໃຫ້ໄດ້ປະມານ
2-3%, ຫຼຸດຜ່ອນເນື້ອທີ່ຖາງປ່າເຮັດໄຮ່
ຈາກ 22.400 ເຮັກຕາ ໃຫ້ຍັງເຫຼືອບໍ່ເກີນ
21.000 ເຮັກຕາ.
ຜ່ານການຄົ້ນຄ້ວາສັງລວມ
ຈາກການລາຍງານຂອງບັນດາຂະແຫນງການ ແລະ
ທອ້ງຖິ່ນ, ສາມາດຕີລາຄາໃນເບື້ອງຕົ້ນ
ໄດ້ ດັ່ງນີ້: ແຜນພັດທະນາເສດຖະກິດ-ສັງຄົມ
ສົກປີ 2006-2007 ແມ່ນແຜນປະຈຳ ປີທີ່ 2 ຂອງ
ແຜນການ 5 ປີ ຄັ້ງທີ່ VI (2006-2010),
ການຈັດຕັ້ງປະຕິບັດແຜນດັ່ງກ່າວໃນ ໄລຍະ 12 ເດືອນ
ຜ່ານມາ ແມ່ນດຳເນີນ ໄປໃນທ່າມ
ກາງສະພາບແວດລ້ອມທັງພາຍໃນ ແລະ ພາຍນອກຕ່າງໆ
ເຊັ່ນ: ທ່າອ່ຽງ ເສດຖະກິດຂອງໂລກ
ໂດຍລວມແມ່ນສືບຕໍ່
ຂະຫຍາຍຕົວ, ລາຄານ້ຳມັນໄດ້ສືບຕໍ່ຄົງຕົວ ແລະ
ມີທ່າອ່ຽງ ໝັ້ນຄົງ, ການເຊື່ອມສານ
ທາງດ້ານເສດຖະກິດໃນຂົງເຂດ
ໄດ້ມີຄວາມເຂັ້ມແຂງຂື້ນ ; ນອກຈາກນັ້ນ, ຄວາມ
ສາມາດ ແລະ
ລະດັບການຜະລິດຂອງຫຼາຍຂະແໜງການເສດຖະກິດ
ພາຍໃນປະເທດເຮົາກໍເຂັ້ມແຂງຂື້ນຕື່ມ; ໂຄງປະກອບເສດ
ຖະກິດມີການຫັນປ່ຽນຢ່າງຕັ້ງໜ້າພໍສົມຄວນ,
ບັນດາ
ນະໂຍບາຍຕ່າງໆ ທີ່ຊຸກຍູ້ໃຫ້ທຸກພາກ
ສ່ວນເສດຖະກິດ ປະກອບສ່ວນເຂົ້າໃນການພັດທະນາ
ໄດ້ກ້າວເຂົ້າສູ່ການຈັດຕັ້ງ
ປະຕິບັດຕົວຈິງ ແລະ ໄດ້ຖືກເສີມຂະຫຍາຍຢ່າງຕັ້ງໜ້າ,
ລັດຖະບານໄດ້ມີນະໂຍບາຍກະຕຸກຊຸກຍູ້ການຜະລິດ
ເຊັ່ນ : ການຫຼຸດລາຄາ ກະແສໄຟຟ້າສຳ
ລັບນ້ຳຊົນລະປະທານ; ເຊິ່ງທັງໝົດເຫຼົ່ານັ້ນ,
ໄດ້ເຮັດໃຫ້ການຜະລິດ,ການບໍລິການ, ລະບົບ
ການເງີນ-ເງີນຕາມີຄວາມຄ່ອງຕົວຍິ່ງຂື້ນ ແລະ
ການລົງທຶນພາຍໃນ ແລະ ຕ່າງປະເທດ ໄດ້ມີບາດກ້າວ
ຂະຫຍາຍຕົວ ເດັ່ນຂື້ນ.
ຄຽງຄູ່ກັບດ້ານສະດວກນັ້ນ, ໃນໄລຍະ 12 ເດືອນຜ່ານມາ
ການຜະລິດ ແລະ ການບໍລິການ ແມ່ນ ໄດ້ຮັບຜົນກະທົບ
ຈາກການລະບາດຂອງພະຍາດໄຂ້ຫວັດສັດປີກ, ເຊິ່ງການລະບາດຄັ້ງນີ້
ແມ່ນສົ່ງຜົນໃຫ້ ມີການທຳລາຍສັດປີກຂອງ
ປະຊາຊົນຈຳນວນຫລວງຫຼາຍ ເປັນຜົນໃຫ້້ລາຄາຊີ້ນໃນທ້ອງຕະຫລາດສູງຂຶ້ນ;
ການຜະລິດເຂົ້ານາແຊງຂອງຫຼາຍ
ທ້ອງຖິ່ນ ໄດ້ປະເຊີນກັບສະພາບອາກາດທີ່ໜາວເຢັນ
ເຮັດໃຫ້ຕົ້ນກ້າກະ ດ້າງບໍ່ແຕກໜໍ່. ແຕ່ເຖີງຢ່າງໃດກໍ່ຕາມ
ດ້ວຍ
ຄວາມພະຍາຍາມຂອງລັດຖະບານ ກໍຄືບັນດາ
ຂະແຫນງການ ແລະ ທ້ອງຖິ່ນ ໃນໄລຍະ 6 ເດືອນຕົ້ນປີ
ເສດຖະກິດ
ມະຫາພາກ ຍັງສາມາດສືບຕໍ່ຂະຫຍາຍຕົວດ້ວຍຈັ່ງ
ຫວະທີ່ດີ, ການຜະລິດເປັນສິນຄ້າມີບາດກ້າວໃໝ່,
ການປະຕິບັດ
ແຜນລາຍຮັບ-ລາຍຈ່າຍມີທ່າກ້າວດີຂື້ນ ເມື່ອສົມທຽບໃສ່ໄລຍະດຽວກັນຂອງປີຜ່ານມາ.
ຜົນສຳເລັດດ້ານເສດຖະກິດມະຫາພາກ
ຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ
ສົກປີ 2006-2007 ມີດັ່ງນີ້ :
ຄາດຄະເນລວມຍອດຜະລິດຕະພັນພາຍໃນ (GDP) ສົກປີ
2006-2007 ເພີ່ມຂື້ນ 8,0% ໃນນັ້ນ :
ກະສິກຳ-ປ່າໄມ້ ເພີ່ມຂື້ນ 2,8% ,ອຸດສາຫະກຳ
ເພີ່ມຂື້ນ 15,7%, ການບໍລິການ ເພີ່ມຂື້ນ
7,4% , ສະເລ່ຍ ລວມຍອດຜະລິດ
ຕະພັນພາຍໃນ (GDP) ຕໍ່ຫົວຄົນ ຕາມລາຄາໃນປີ
ຈະໄດ້ປະມານ 6,56 ລ້ານກີບ ຫຼື ເທົ່າກັບ 678
ໂດລາສະຫະລັດ.
ໂຄງປະກອບເສດຖະກິດ
ໄດ້ມີການຫັນປ່ຽນຕາມທິດຫັນເປັນອຸດສາຫະກຳ
ແລະ ທັນສະໄຫມ ເທື່ອ ລະກ້າວ, ສະແດງ
ອອກໃນອັດຕາສ່ວນຂອງຂະແຫນງກະສິກຳ-ປ່າໄມ້ ໄດ້ຫລຸດຈາກ
43,5% ຂອງ GDP ໃນສົກປີ 2005-2006 ມາເປັນ
40,9% ໃນສົກປີ 2006-2007 ; ຂະແຫນງອຸດສາຫະກຳ
ໄດ້ເພີ່ມຂຶ້ນຈາກ 30,5% ມາເປັນ 33,1% ຂອງ
GDP ແລະ ຂະແຫນງການບໍລິການ ໄດ້ຮັກສາອັດຕາສ່ວນໄວ້
26,0% ຂອງ GDP ຄືເກົ່າ. ອັດຕາເງິນເຟີ້ມີສະເຖຍລະພາບດີ,
ສະເລັ່ຍ ໃນສົກປີ 2006-2007 (ເດືອນ
10/2006- 9/2007) ເທົ່າກັບ 4,14% ເຊິ່ງໃນໄລຍະດຽວກັນຂອງປີຜ່ານມາ
ເງິນເຟີ້ຢູ່ໃນລະດັບສູງເຖີງ7,9%.
ການຄຸ້ມຄອງອັດຕາແລກປ່ຽນ ມາຮອດປະຈຸບັນ ໂດຍລວມເຫັນວ່າ
ເງິນກີບໄດ້ແຂງຄ່າ
ຂື້ນ 7,03% ທຽບກັບເງິນໂດລາ ຈາກອັດຕາສະເລ່ຍ
(ເດືອນ 10/2005-9/2006) ເທົ່າກັບ
10.410,58 ກີບ/ໂດລາ ມາເປັນ 9.678,50 ກີບ/ໂດລາ
(ເດືອນ10/2006-9/2007) ດ້ວຍເຫດຜົນ :
ຍ້ອນການໄຫລເຂົ້າຂອງເງິນລົງທຶນເພີ່ມຂຶ້ນ
ຢ່າງຕໍ່ເນື່ອງ ແລະ
ຄ່າຂອງເງິນໂດລາສືບຕໍ່ອ່ອນຄ່າລົງ
ພາຍຫລັງທະນາຄານກາງສະຫະລັດ ໄດ້ປັບຫລຸດອັດຕາດອກ
ເບ້ຍນະໂຍ ບາຍລົງ.
ແຕ່ຖ້າທຽບໃສ່ເງິນບາດເຫັນວ່າເງິນກີບໄດ້ອອ່ນຄ່າລົງ
3,16% ຈາກອັດຕາສະເລ່ຍ (ເດືອນ
10/2005-9/2006) ເທົ່າກັບ 266,90 ກີບ/ບາດ
ມາເປັນ 275,34 ກີບ/ບາດ (ເດືອນ
10/2006-9/2007) ເຫດຜົນ : ເນື່ອງຈາກປະເທດເຮົາຍັງຂາດ
ດຸນການຄ້າກັບປະເທດໄທ ຈຳນວນຫລາຍ ແລະ
ຕໍ່ເນື່ອງ. ດ້ານການ ປະຕິບັດ ນະໂຍບາຍເງິນຕາ,
ເວົ້າລວມແລ້ວ ສະພາບການທາງດ້ານເງິນຕາ
ຍັງມີສະ ເຖັຍລະພາບ ພ້ອມດຽວກັນນັ້ນ
ທະນາຄານແຫ່ງ ສປປ ລາວ ຍັງສືບຕໍ່ສ້າງ
ຄວາມເຊື່ອໝັ້ນໃຫ້ສະກຸນເງິນ ກີບ ເຮັດໃຫ້ປະຊາຊົນລາວ
ຫັນມາ ໃຊ້ເງິນກີບເພີ່ມຂື້ນ;
ມາຮອດທ້າຍເດືອນ 9/2007 ບໍລິມາດເງິນລວມ M2
ຖ້າທຽບໃສ່ໄລຍະດຽວກັນ ຂອງສົກປີ
ຜ່ານມາເພີ່ມຂຶ້ນ 39,9%
ຊຶ່ງການເພີ່ມຂຶ້ນສູງຂອງ
ປະລິມານເງິນຄືດັ່ງກ່າວນັ້ນຕົ້ນຕໍແມ່ນເນື່ອງ
ຈາກ ການເພີ່ມຂຶ້ນຂອງຊັບສິນເງິນຕາຕ່າງປະເທດ
ໂດຍສະເພາະແມ່ນ
ການໄຫລເຂົ້າຂອງເງິນລົງທຶນຈາກຕ່າງ ປະເທດ.
ໃນສົກປີ
2006-2007 ເກັບລາຍຮັບເຂົ້າງົບປະມານລວມທັງຫມົດ
6.032,03 ຕື້ກີບ ເທົ່າກັບ 109,06%
ຂອງແຜນການ ປີ; ໃນນັ້ນ; ລາຍຮັບພາຍໃນບັນລຸໄດ້
5.369,16 ຕື້ກີບ ເທົ່າກັບ 110,70%
ຂອງແຜນການປີ. ລາຍຈ່າຍປະຕິບັດໄດ້ 8.020,43
ຕື້ກີບ ເທົ່າກັບ 98,42% ຂອງແຜນການປີ,
ສາມາດຮັບປະ ກັນໃຫ້ແກ່ລາຍຈ່າຍ ຂອງກົງຈັກລັດ
ເປັນຕົ້ນ ແມ່ນ ເງິນເດືອນ, ເງິນບໍລິຫານວິຊາການ
ແລະ ໂຄງການລົງ ທຶນຈຳນວນໜຶ່ງ.
ການສົ່ງເສີມການຄ້າກັບຕ່າງປະເທດ
ສາມາດປະຕິບັດໄດ້ດັ່ງນີ້: ການສົ່ງອອກໝົດປີຈະ
ບັນລຸໄດ້ ປະມານ 977 ລ້ານໂດລາ. ການສົ່ງອອກ
ສ່ວນຫລາຍແມ່ນ ການສົ່ງອອກແຮ່ທາດ ກວມເອົາ
61% ຂອງມູນຄ່າ ການສົ່ງອອກ ທັງຫມົດ. ການນຳເຂົ້າໝົດປີ
916 ລ້ານໂດລາ , ການນຳເຂົ້າສ່ວນຫລາຍແມ່ນ
ສິນຄ້າເພື່ອ ຮັບໃຊ້ໂຄງການລົງທຶນ ປະມານ 278
ລ້ານໂດລາ, ນ້ຳມັນເຊື້ອໄຟ ແລະ ອາຍແກັດ
ປະມານ 235 ລ້ານໂດລາ. ສັງລວມແລ້ວ ຄາດວ່າ
ດຸນການຄ້າຂາເຂົ້າ-ຂາອອກ ສຳລັບສົກປີ
2006-2007 ຈະສາມາດເກີນດຸນປະມານ 61
ລ້ານໂດລາສະຫະລັດ ເທົ່າປະມານ 1,5% ຂອງ GDP.
*
ຄັດຈາກ: ຫນັງສືພິມປະຊາຊົນ, ສະບັບວັນທີ
28-02-2008 |
