ຄະນະຜູ້ແທນຂັ້ນສູງ ທະນາຄານ  ການເງິນແຫ່ງ ສປປ ລາວ ເຊິ່ງນຳໂດຍທ່ານ ພູເພັດ ຄຳພູນວົງ ຜູ້ວ່າການ ທະນາຄານແຫ່ງ ສປປ ລາວ ແລະ ທ່ານນາງ ວຽງທອງ ສີ ພັນດອນ ລັດຖະມົນຕີຊ່ວຍວ່າ ການກະຊວງການເງິນ ພ້ອມ ຄະນະໄດ້ສຳເລັດການເຂົ້າ ຮ່ວມກອງປະຊຸມປະຈຳປີ 2009 ຂອງທະນາຄານໂລກ (WB) ແລະ ກອງທຶນການເງິນ ສາກົນ (IMF) ທີ່ນະຄອນ ຫລວງອິສະຕັນບູນ ປະເທດ ຕວກກີ ເມື່ອວັນທີ 9 ຕຸລາ 2009 ເຊິ່ງມີພະນັກງານຂັ້ນນຳ ຂອງທະນາຄານແຫ່ງ ສປປ ລາວ ແລະ ກະຊວງການເງິນ ໄດ້ໃຫ້ການຕ້ອນຮັບຢ່າງສົມ ກຽດ.ກອງປະຊຸມປະຈຳປີຂອງ WB  ແລະ IMF ຊຶ່ງໄດ້ແຈ້ງ ສະພາບການເຄື່ອນໄຫວ,ການ ຈັດຕັ້ງນະໂຍບາຍ ແລະ ແຜນ ນະໂຍບາຍຂອງ WB  ແລະ IMF ໃນສະພາບວິກິດການ ການເງິນໂລກ ແລະ ຊອຫາ ຊ່ອງທາງ  ມາດຕະການ ເພື່ອ ກະຕຸ້ນ ແລະ ແກ້ໄຂ ວິກິດການ ດັ່ງກ່າວໃຫ້ຟື້ນຕົວ, ພ້ອມນີ້ຍັງ ມີການລາຍງານສະພາບເສດ ຖະກິດ  ທິດທາງການພັດທະນາຂອງປະເທດ ຕ່າງໆບົນພື້ນ ຖານ ການສະຫນັບສະຫນູນ ແລະ ຊ່ວຍເຫລືອຈາກ WB  ແລະ IMF.

ຄະນະຜູ້ແທນຂັ້ນສູງທະນາຄານ  ການເງິນຍັງໄດ້ເຂົ້າ ຮ່ວມກອງປະຊຸມຜູ້ວ່າການທະ ນາຄານກາງຂອງປະເທດອາຊີ ອາເມລິກາ ແລະ ຄາຣິບຽນ, ເຂົ້າຮ່ວມກອງປະຊຸມຜູ້ວ່າ ການໃນກຸ່ມ SEAGROUP, ພົບປະກັບຜູ້ວ່າການທະນາ ຄານກາງລຸກຊຳບວກ, ພົບປະ ຜູ້ອຳນວຍການ ບໍລິສັດ ການ ເງິນສາກົນ (IFC), ເຂົ້າຮ່ວມ ກອງປະຊຸມລັດຖະມົນຕີການ ເງິນອາຊຽນ (AFMM), ການ ພົບປະສອງຝ່າຍ ແລະ ການ ຮັບເອົາທຶນຈາກສາກົນ.ຜ່ານການເຄື່ອນໄຫວ ຂອງຄະນະ ຜູ້ແທນດັ່ງກ່າວກໍ່ ໄດ້ບັນລຸການເຊັນສັນຍາຮັບ ເອົາທຶນຊ່ວຍເຫລືອລ້າຈາກ WB ໃນວົງເງິນ 2 ລ້ານໂດລາ  ສຳລັບ ໂຄງການໂພຊະນາ ການຊຸມຊົນ, ກອງທຶນພັດທະ ນານໍດິກ (NDF) ກໍ່ແຈ້ງຈະໃຫ້ ການຊ່ວຍເຫລືອລາວໃນວົງ ເງິນ 0,5  4 ລ້ານໂດລາ ນັບ ແຕ່ທ້າຍປີ 2009 ເປັນຕົ້ນໄປ ໂດຍເນັ້ນໃສ່ໂຄງການໃນຂົງ ເຂດສິ່ງແວດລ້ອມ (ຜ່ານມາ ໄດ້ມີການຊ່ວຍເຫລືອ ແລະ ໄດ້ຢຸດຕິໄລຍະຫນຶ່ງ,

ນອກນີ້ກໍ່ ໄດ້ພົບປະກັບບັນດາ ບໍລິສັດ ຊັ້ນນຳຂອງບັນດາປະເທດ ໂດຍສະເພາະຍີ່ປຸ່ນໄດ້ລົງທຶນ ໃນດ້ານປະກັນໄພຢູ່ ສປປ ລາວ ແລະ ໃນທ້າຍເດືອນມັງ ກອນ 2010 ຈະໄດ້ດຳເນີນທຸ ລະກິດຢ່າງເປັນທາງການ, ທະ ນາຄານ ເພື່ອການ ລົງທຶນຂອງ ຍີ່ປຸ່ນໄດ້ສົນໃຈຈະເປີດຕະ ຫຼາດພັນທະບັດ ຢູ່ ສປປ ລາວ ແລະ ອື່ນໆ, ພິເສດທ່ານຮອງ ປະທານ WB ໄດ້ມີຄວາມເປັນ ຫ່ວງເປັນໄຍຕໍ່ໄພພິບັດທາງ ທຳມະຊາດທີ່ເກີດຂຶ້ນຢູ່ສາມ ແຂວງພາກໃຕ້ລາວ ແລະ ກໍ່ ພ້ອມຈະໃຫ້ການ ຊ່ວຍເຫລືອ ຕໍ່ເຫດການດັ່ງກ່າວ. (ໂດຍ: ຣັດສະມີ ດວງ ຈັດຈະ).

* ຄັດຈາກ: ຫນັງສືພິມປະຊາຊົນ, ສະບັບວັນທີ 22-10-2009