ນັບແຕ່ທ້າຍປີ 2007 ຫາຕົ້ນປີ 2008 ຫນ່ວຍງານສັດຕະວະແພດ ຫ້ອງການສົ່ງເສີມກະສິກຳ-ປ່າໄມ້ ເມືອງ
ປາກງື່ມ ນະຄອນຫລວງວຽງຈັນ ສົມທົບກັບພະນັກງານສັດຕະວະແພດຂັ້ນບ້ານ ໄດ້ລົງເກັບກຳຂໍ້ມູນສະຖິຕິສັດລ້ຽງ ປະ
ເພດ ງົວ ຄວາຍ ຂອງພໍ່ແມ່ປະຊາຊົນໃນ 53 ບ້ານພາຍໃນເມືອງຂອງຕົນ ເຊິ່ງມີງົວຈຳນວນ 20.520 ກວ່າໂຕ ຄວາຍ
3.600 ກ່ວາໂຕ ຄຽງຄູ່ກັນນີ້ ຍັງໄດ້ຕິດຕາມກວດກາສະພາບການລະບາດຂອງພະຍາດປາກເປື່ອຍລົງເລັບ ເຊິ່ງມີງົວຄວາຍ
ເກີດພະຍາດດັ່ງກ່າວ ກວມ 50% ຂອງຝູງສັດທັງຫມົດ ໃນນັ້ນມີສັດຕາຍຈຳນວນ 16 ໂຕ.

   ການລະບາດຂອງພະຍາດດັ່ງກ່າວ ແມ່ນຢູ່ເຂດນາຊອນ ເຂດບ້ານໂດນ ດົງກະລຶມ ແລະ ບ້ານນາຊອນ ນາ
ເລີດ ນາທາມ ຫນອງພູວຽງ ບ້ານໂດນ ນາກຸງ ທຸນລົວ ຫມາກຫນາວ ວັງໂພ ທ່າເດື່ອ ແລະ ບ້ານດົງສານ ປັນຈຸບັນຫ້ອງ
ການສົ່ງເສີມກະສິກຳ-ປ່າໄມ້ ເມືອງປາກງື່ມ ກໍໄດ້ສົ່ງພະນັກງານວິຊາການລົງຊຸກຍູ້ປຸກລະດົມ ແລະ ແນະນຳວິທີປ້ອງກັນ
ພະຍາດ ແລະ ປິ່ນປົວສັດໃຫ້ແກ່ປະຊາຊົນ ຖ້າມີສັດລ້ຽງຕາຍແມ່ນໃຫ້ຂຸດຂຸມຝັງ ຫ້າມບໍລິໂພກ ຂາຍ ແລະ ເຄື່ອນຍ້າຍໄປ
ບ່ອນອື່ນຢ່າງເດັດຂາດ ຕ້ອງປະຕິບັດຕາມຄຳແນະນຳຂອງພະນັກງານສັດຕະວະແພດ ໃນການບົວລະບັດຮັກສາ ແລະ
ປິ່ນປົວພະຍາດສັດທີ່ຖືກຕ້ອງຕາມຫລັກວິຊາການ.

* ຄັດຈາກ: ຫນັງສືພິມວຽງຈັນໃໝ່, ສະບັບວັນທີ 11-02-2008