|
ກອງປະຊຸມວຽກງານທະນາຄານທົ່ວປະເທດ ປະຈຳປີ
2007
ໄດ້ຈັດຂຶ້ນໃນວັນທີ
28
ເມສາ
2008
ທີ່ນະຄອນຫລວງ
ວຽງຈັນ ໂດຍການເປັນປະທານຂອງທ່ານ ພູເພັດ
ຄຳພູນວົງ ຜູ້ວ່າການທະນາຄານແຫ່ງ ສປປ ລາວ,
ມີຄະນະຜູ້ວ່າການ,
ຄະນະກົມ,
ຫົວຫນ້າພະແນກການ ແລະ
ວິຊາການຂັ້ນສູງຂອງທະນາຄານແຫ່ງ ສປປ ລາວ;
ຮອງເຈົ້າແຂວງຜູ້ຊີ້ນຳ
ວຽກງານເສດຖະກິດຈາກທຸກແຂວງໃນທົ່ວປະເທດ;
ລັດຖະມົນຕີຊ່ວຍວ່າການຈາກກະຊວງ ແລະ
ຜູ້ຕາງຫນ້າຈາກ
ຂະແຫນງການຕ່າງໆທີ່ກ່ຽວຂ້ອງ;
ປະທານສະພາບໍລິຫານ,
ຄະນະອຳນວຍການ,
ຫົວຫນ້າສາຂາທະນາຄານທຸລະກິດ
ຂອງລັດທົ່ວປະເທດ,
ຜູ້ຕາງຫນ້າຝ່າຍລາວຂອງທະນາຄານຮຸ້ນສ່ວນເຂົ້າຮ່ວມ.ກອງປະຊຸມຄັ້ງນີ້ຈະໄດ້ດຳເນີນໄປ
ເປັນເວລາ
2
ວັນ ເຊິ່ງກອງປະຊຸມຈະໄດ້ທົບທວນຄືນການຈັດຕັ້ງປະຕິບັດວຽກງານທະນາຄານຮອບດ້ານໃນປີ
2007
ແລະ ກຳນົດທິດທາງແຜນການປີ
2008;
ຕີລາຄາສະພາບການຄຸ້ມຄອງເງິນຕາຕ່າງປະເທດ,
ສົ່ງເສີມການນຳໃຊ້
ເງິນກີບ ແລະ ການຊຳລະໂດຍບໍ່ໃຊ້ເງິນສົດປີ
2007
ແລະ ແຜນການປີ
2008;
ສະເຫນີນະໂຍບາຍສິນເຊື່ອເພື່ອຊຸກຍູ້
ການຜະລິດສິນຄ້າ ແກ້ໄຂຄວາມທຸກຍາກຂອງປະຊາຊົນ
ແລະ
ນະໂຍບາຍສິນເຊື່ອເພື່ອພັດທະນາພື້ນຖານໂຄງລ່າງ
ທີ່ຈຳເປັນ.
ກອງປະຊຸມໄດ້ຕີລາຄາຜົນສຳເລັດຂອງການເຄື່ອນໄຫວ
ວຽກງານທະນາຄານໃນປີ
2007
ຊຶ່ງມີອັນພົ້ນເດັ່ນຫລາຍດ້ານປະກອບສ່ວນເຂົ້າໃນການຮັກສາສະຖຽນລະພາບ
ເສດຖະກິດມະຫາພາກ ເປັນຕົ້ນແມ່ນການຮັກສາສະຖຽນລະພາບຂອງຄ່າເງິນກີບຕໍ່ພາຍໃນ
ແລະ ຕ່າງປະເທດ ເຮັດໃຫ້ອັດຕາເງິນເຟີ້ຂອງປີ
2007
ຢູ່ໃນລະດັບຕຳ່
4,51%;
ອັດຕາແລກປ່ຽນມີຄວາມສະຫງົບ ເງິນກີບມີທ່າອ່ຽງ
ແຂງຄ່າຂຶ້ນທຽບກັບເງິນໂດລາ
ການຄຸ້ມຄອງເງິນຕາຕ່າງປະເທດເຂົ້າສູ່ລະບຽບການ
ແລະ ມີລັກສະນະລວມສູນ
ກວ່າເກົ່າ;
ທະນາຄານສາມາດຕອບສະຫນອງຄວາມຮຽກຮ້ອງຕ້ອງການເງິນຕາຕ່າງປະເທດຂອງສັງຄົມ
ໄດ້ໃນລະດັບ
ທີ່ແນ່ນອນ
ສາມາດເປີດກວ້າງການແລກປ່ຽນເງິນຕາຕ່າງປະເທດໃຫ້ແກ່ສັງຄົມ;
ຊຸກຍູ້ສົ່ງເສີມການນຳໃຊ້ເງິນກີບຢ່າງ
ເປັນຂະບວນກວ້າງຂວາງ.
ການຄຸ້ມຄອງທະນາຄານທຸລະກິດ ແລະ
ສະຖາບັນການເງິນກໍ່ມີອັນຫັນປ່ຽນທີ່ຕັ້ງຫນ້າ,
ທະນາຄານທຸລະກິດໄດ້ມີການເຕີບໃຫຍ່ຂະຫຍາຍຕົວ,
ທະນາຄານທຸລະກິດຂອງເອກະຊົນໄດ້ຮັບອະນຸຍາດສ້າງຕັ້ງຂຶ້ນ
ໃຫມ່ຫນຶ່ງແຫ່ງ,
ສ້າງຕັ້ງທະນາຄານນະໂຍບາຍ ເພື່ອປະຕິບັດສິນເຊື່ອໃຫ້ແກ່ແນວທາງຂອງລັດຖະບານຫນຶ່ງແຫ່ງ,
ອະນຸຍາດໃຫ້ເອກະຊົນຄົ້ນຄວ້າສ້າງຕັ້ງສາຂາທະນາຄານຕ່າງປະເທດຂຶ້ນຕື່ມຈຳນວນຫນຶ່ງ
ແລະ ອະນຸຍາດໃຫ້
ທະນາຄານທຸລະກິດຂະຫຍາຍສາຂາຈຳນວນຫນຶ່ງ,ການບໍລິການຂອງທະນາຄານໄດ້ຮັບການປັບປຸງດ້ວຍການປະກອບ
ເຄື່ອງມືທີ່ທັນສະໄໝ ລະບົບການໂອນເງິນ ແລະ
ການຊຳລະໄດ້ຫັນໄປສູ່ຄວາມເປັນທັນສະໄຫມເທື່ອລະກ້າວ,
ໃນປີ
2007
ທົ່ວລະບົບທະນາຄານມີຕູ້
ATM
ເຖິງ
55
ຫນ່ວຍ ຊຶ່ງສາມາດຮັບບໍລິການໄດ້ທັງບັດພາຍໃນ
ແລະ ສາກົນ. ບັນດາອົງການຈັດຕັ້ງຂອງລັດ,
ເອກະຊົນ ແລະ
ວິສາຫະກິດຈຳນວນຫນຶ່ງໄດ້ນຳໃຊ້ລະບົບເບີກຈ່າຍເງິນເດືອນ
ຜ່ານບັນຊີທະນາຄານ.
ການລະດົມທຶນຂອງທະນາຄານທຸລະກິດເພີ່ມຂຶ້ນ
33%,
ການປ່ອຍສິນເຊື່ອເພີ່ມຂຶ້ນ
23%;
ຫນີ້ເກີນກຳນົດບ້ວງເກົ່າ
ໄດ້ຮັບການແກ້ໄຂ,
ຫນີ້ເກີນກຳນົດທີ່ເກີດໃຫມ່ໃນປີ
2007
ສະເລ່ຍທົ່ວລະບົບຕ່ຳກວ່າ
2%
ຊຶ່ງຕ່ຳກວ່າແຜນການ
ທີ່ຄາດໄວ້ທີ່
5%.
ທັງຫມົດນີ້ເປັນຜົນສຳເລັດທີ່ຕັ້ງຫນ້າໃນການເຄື່ອນໄຫວວຽກງານທະນາຄານໃນປີ
2007
ປະກອບ
ສ່ວນເຂົ້າໃນການພັດທະນາເສດຖະກິດຂອງຊາດໃຫ້ບັນລຸຜົນລື່ນຄາດຫມາຍ.ນອກຈາກນີ້
ທະນາຄານຍັງໄດ້ກຳນົດ
ທິດທາງແຜນການເຄື່ອນໄຫວປີ
2008
ໂດຍແນໃສ່ຮັກສາສະຖຽນລະພາບຂອງຄ່າເງິນກີບໃຫ້ຫນັກແຫນ້ນເຮັດໃຫ້
ຄ່າເງິນກີບມີຄວາມຢືດຢຸ່ນທຽບກັບສະກຸນເງິນຂອງປະເທດຄູ່ຄ້າຂອງລາວ,
ສົ່ງເສີມທະນາຄານທຸລະກິດໃຫ້ເຕີບໃຫຍ່
ຂະຫຍາຍຕົວ ແລະ ມີການແຂ່ງຂັນສູງຂຶ້ນ ເພື່ອສ້າງທາງເລືອກທີ່ດີໃຫ້ແກ່ຜູ້ບໍລິການ
ແລະ ສ້າງເງື່ອນໄຂທີ່ຈຳເປັນ
ໃຫ້ແກ່ການສ້າງຕັ້ງຕະຫລາດຫລັກຊັບຢູ່ລາວພາຍໃນປີ
2010.
*
ຄັດຈາກ: ຫນັງສືພິມວຽງປະຊາຊົນ, ສະບັບວັນທີ
29-04-2008 |
