|
ໃນຕອນເຊົ້າ, ວັນທີ 4 ກໍລະກົດ 2008 ນີ້,
ບໍລິສັດ ປະກັນໄພ ແຫ່ງປະເທດລາວ (ບປລ), ໄດ້ຈັດໃຫ້ມີພິທີຝຶກອົບຮົມ
ການປະກັນໄພເດີນທາງໃຫ້ແກ່ພະນັກງານຂອງຄູ່ຮ່ວມທຸລະກິດຂອງຕົນ
ຈຳນວນ 30 ທ່ານ, ຈາກ 26 ບໍລິສັດ ເປັນບໍລິສັດທ່ອງທ່ຽວ
ແລະ ບໍລິສັດຂາຍປີ້ຍົນ
ທີ່ເປັນຄູ່ຮ່ວມທຸລະກິດຂອງ ບປລ.
ໂດຍເປັນຕົວແທນຂາຍປະກັນໄພເດີນທາງໂດສະເພາະ,
ການຝຶກອົບຮົມໃນຄັ້ງນີ້ຈັດຂື້ນໂດຍການເປັນປະທານຂອງ
ທ່ານ ຫໍລະດີ ວໍລະຣາດ, ຮ້ອງຜູ້ອຳນວຍການ
ບໍລິສັດ ປະກັນໄພ ແຫ່ງປະເທດລາວ ແລະ ໂດຍການຝຶກອົບຮົມມີ
ຄະນະຝຶກ ອົບຮົມ ບປລ ຈາກພະແນກປະກັນໄພບຸກຄົນ
ແລະ ການຄ້າ-ການຕະຫຼາດ.
ຈຸດປະສົງຂອງກອງປະຊຸມແມ່ນ ເພື່ອໃຫ້ຄວາມຮູ້ເລື່ອງປະກັນໄພເດີນທາງ
ໂດຍເນັ້ນໃສ່ການໃຫ້ຄວາມຮູ້ເລື່ອງຜົນປະ ໂຫຍດຂອງຜະລິດຕະພັນແກ່ລູກຄ້າ,
ຂັ້ນຕອນຂອງການອອກສັນຍາ,
ການປະກອບແບບຟອມສະໝັກເອົາປະກັນໄພ ເດີນທາງ
ແລະ ວິທີການຂາຍຕ່າງໆ ເພື່ອເຮັດໃຫ້ບັນດາຕົວແທນດັ່ງກ່າວສາມາດໃຫ້ການບໍລິການແກ່ລູກຄ້າໄດ້ຢ່າງມື
ອາຊີບ ແລະ
ບັນລຸເປົ້າໝາຍທີ່ທາງບໍລິສັດວາງອອກ
*
ຂ່າວຈາກ: ບປລ, ວັນທີ
11-07-2008 |
