|
ຕົ້ນເດືອນ ເມສາ 2008 ທີ່ສະໂມສອນ
ກອງບັນຊາການ ປກສ ແຂວງ ຫຼວງພະບາງ ໄດ້ເປີດຊຸດອົບ
ຮົມ ວຽກງານຈະລາຈອນໃຫ້ແກ່ ກຳລັງອ້ອມຂ້າງ
ກອງບັນຊາການ ປກສ ແຂວງ ຈຳນວນ 40 ກວ່າ
ສະຫາຍ ທີ່ຈະລົງຊ່ວຍ ພະແນກຈະລາຈອນ
ແລະ ມອດໄຟ ເພື່ອປະຕິບັດຕາມໂຄງການ
ຫຼຸດຜ່ອນ ສະພາບອຸປະຕິເຫດບົນທ້ອງຖະໜົນຫຼວງ
ໃນເທດສະບານ ເມືອງຫຼວງພະບາງ ໂດຍການເປັນປະທານ
ຂອງທ່ານ ພັນເອກ ສົມຈັນ ແກ້ວຈັນດາ ຮອງກອງບັນຊາການ
ປກສ ແຂວງ ຫຼວງພະບາງ, ມີບັນດາ ຫົວໜ້າຫ້ອງ,
ຄະນະ ຫ້ອງຕຳຫຼວດ, ພະນັກງານຫຼັກແຫຼ່ງ
ອ້ອມຂ້າງກອງບັນຊາການ ປກສ ແຂວງ ຫຼວງພະບາງ
ເຂົ້າຮ່ວມ ຢ່າງພ້ອມພຽງ.
ການຝຶກອົບຮົມຄັ້ງນີ້ ແມ່ນໄດ້ຮຽນຮູ້ເຖິງ
ກົດລະບຽບການຈະລາຈອນ ຕາມທ້ອງຖະໜົນຫຼວງ,
ການລະ
ບາຍລົດ ໃນສະພາບການສັນຈອນແອ້ອັດ,
ການຕັ້ງຈຸດກວດກາ ການສັນຈອນ ຕາມເສັ້ນທາງຫຼວງ.
ພາຍຫຼັງທີ່ຮ່ຳຮຽນ ທິດສະດີແລ້ວ ແມ່ນໄດ້ລົງພາກປະຕິບັດຕົວຈິງ
ໃນເທດສະບານເມືອງຫຼວງພະບາງ ໃຫ້ມີຄວາມຊຳນິ
ຊຳນານ ເພື່ອສົມທົບກັບພະແນກ ຈະລາຈອນ
ມອດໄຟ ລົງແກ້ໄຂ ສະພາບການຈະລາຈອນ ຢູ່ຕົວເມືອງ
ຫຼວງພະບາງ ໃຫ້ມີຄວ່ມສະຫງົບຮຽບຮ້ອຍ,
ຫຼຸດຜ່ອນບັນຫາອຸປະຕິເຫດຕາມທ້ອງຖະໜົນຫຼວງ
ໂດຍຖືເອົາ ສອງຫຼັກການ ເປັນຕົ້ນແມ່ນ:
ການສຶກສາອົບຮົມ ແລະ ການໃຊ້ມາດຕະການຕໍ່ຜູ້ລະເມີດກົດຈະລາຈອນ.
ເນື່ອງຈາກ ສະພາບອຸປະຕິເຫດຢູ່ຕາມຖະໜົນຫຼວງ
ໃນຕົວເມືອງ ຫຼວງພະບາງນັບມື້ນັບເພີ່ມຂຶ້ນ,
ຊຶ່ງເນື່ອງມາຈາກ ລົດລາພາຫະນະນັບມື້ນັບເພີ່ມຂຶ້ນ,
ຄົນໃຊ້ລົດໃຊ້ຖະໜົນສ່ວນຫຼວງຫຼາຍ
ບໍ່ຄ່ອຍຈະປະຕິບັດກົດລະບຽບການຈະລາຈອນ,
ຜູ້ຂັບຂີ່ລົດຈັກບໍ່ເອົາໃຈໃສ່ໃນການຖືໝວກກັນກະທົບ,
ແລ່ນລົດໄວເກີນຂອບເຂດ, ບໍ່ຜ່ອນພັນປ່ອຍສິດໃຫ້ກັນແລະ
ກັນ
ດື່ມສິ່ງມຶນເມົາ ແລ້ວຂັບຂີ່ພາຫະນະ
ຈິ່ງເປັນຕົ້ນເຫດ ພາໃຫ້ເກີດອຸປະຕິເຫດຂຶ້ນເລື້ອຍໆ
ເຮັດໃຫ້ເສຍຫາຍ ເຖິງ
ຊີວິດ ຊັບສິນ ເງິນຄຳ ເສຍເວລາໃນການທຳມາຫາກິນ.
ສ່ວນຫຼວງຫຼາຍ ແມ່ນເກີດຂຶ້ນກັບພວກໄວໜຸ່ມ
ໄວຄະນອງ ນັກຮຽນ ນັກສຶກສາ ທີ່ມີຈິດໃຈຮ້ອນຫົນຟ້າວຟັງ.
ດັ່ງນັ້ນ ກອງບັນຊາການ ປກສ ແຂວງ ຫຼວງພະບາງ
ຈິ່ງເຫັນຄວາມ
ສຳຄັນຕ້ອງໄດ້ເອົາໃຈໃສ່ຕໍ່ບັນຫາດັ່ງກ່າວ
ຈິ່ງໄດ້ຈັດຕັ້ງ ໂຄງການຫຼຸກຜ່ອນອຸປະຕິເຫດຕາມທ້ອງຖະໜົນຫຼວງຂຶ້ນ
ແລະ ຈັດແບ່ງເອົາກຳລັງ ປ້ອງກັນຄວາມສະຫງົບລົງປະຕິບັດໂຄງການນີ້ຢ່າງຕໍ່ເນື່ອງ
ຈົນກວ່າຈະມີຄວາມສະຫງົບຮຽບຮ້ອຍ
ຕາມທ້ອງຖະໜົນຫຼວງໃນເທດສະບານເມືອງຫຼວງພະບາງ.
ການຝຶກອົບຮົມໄດ້ດຳເນີນມາເປັນເວລາສາມວັນ
ແລະ ສຳເລັດລົງເປັນທີ່ຮຽບຮ້ອຍ, ພ້ອມໄດ້ລົງສູ່ປະຕິ
ບັດຕົວຈິງ ນັບແຕ່ ວັນຈັນ, ວັນທີ່ 7
ເມສາ 2008 ເປັນຕົ້ນໄປ.
*
ຈາກ: ນັກຂ່າວ ປກສ ແຂວງຫຼວງພະບາງ, ສົມບູນ ແສງມົງ,
ວັນທີ 10-04-2008 |
