ຣີວິວໂທລະສັບ Nokia 6708
Write it the Way you Like

ໂນເກຍ 6708 ແມ່ນໃຊ້ລະບົບປະຕິບັດການຊິມບ້ຽນ ເວີຣ໌ຊັ່ນ 7.0 UIQ v2.1 ໜ້າຈໍແບບສຳຜັດ ເຊິ່ງຄວບຄຸມການທຳງານດ້ວຍປິກ ພ້ອມຟັງຊັ່ນທີ່ຊ່ວຍໃນການທຳງານ ແລະ ຕອບສະຫນອງທາງດ້ານບັນເທິງ ໃນໂຕເຄື່ອງຕິດກ້ອງດິຈິຕອລ ຄວາມລະອຽດ 1.3 ລ້ານພິກເຊລ ຮອງຮັບການເຊື່ອມຕໍ່ອິນຟຣາເຣດ, ບລູທູນ ແລະ ສາຍເຄເບີ້ລ

ໂຕເຄື່ອງຂະໜາດ: 118 x 52 x 18 ມິລລິແມັດ, ນ້ຳຫນັກ 150g, ໃຊ້ສີເທົາຕັດກັບຟ້າ, ຫນ້າຈໍສະແດງຜົນຂະຫນາດໃຫຍ່

ທາງຫນ້າ - ເທິງຈໍສະແດງຜົນຂື້ນໄປຈະມີປຸ່ມເປິດ/ມອດເຄື່ອງ, ລຳໂພງ, ໄຟກະພິບ LED ຕໍ່ລົງມາຈາກຈໍ່ສະແດງຜົນ ມີປຸ່ມໂທອອກ, ປຸ່ມວາງສາຍ, ປຸ່ມຊອບຄີ ແລະ ປຸ່ມບີບໂຕເລກ

ທາງຫລັງ - ມູມເທິງເບື້ອງຊ້າຍເປັນຊ່ອງສຽບປິກ ແນມລົງມາເບື້ອງຂວາຈະເປັນລຳໂພງສຽງ, ແກ້ວ ແລະ ເລນສ໌ກ້ອງດິຈິຕອລ, ຕໍ່ລົງມາບໍລິເວນທີ່ໃຊ້ສີຟ້າເປັນຝາກອມແບຕເຕີຣ໌ຣີ, ມີປຸ່ມລ໊ອກທາງລຸ່ມ

ວິທີເອົາຝາຄອບແບຕເຕີຣ໌ຣີອອກໃຫ້ບີບປຸ່ມກົດລ໊ອກ ແລະ ເລື່ອນຝາຫລັງລົງທາງລຸ່ມ ຈະເຫັນກັບແບຕເຕີຣ໌ຣີ ເຊິ່ງວິທີເອົາແບຕເຕີຣ໌ຣີອອກ ໃຫ້ເລື່ອນລົງມາທາງລຸ່ມ ແລະ ງັດແບຕເຕີຣ໌ຣີຂື້ນເຊິ່ງກັບມູມທາງຂວາ

ເບື້ອງຊ້າຍຂອງເຄື່ອງ - ມີປຸ່ມເຊັດເຕີຣ໌ສຳຫລັບຖ່າຍຮູບ

ເບື້ອງຂວາຂອງເຄື່ອງ- ປຸ່ມເທິງສຸດໃຊ້ສຳຫລັບກົດເພື່ອກັບມາບ່ອນຫນ້າຈໍໃນໂມຫດສະແຕນບາຍ ຫລື ປ່ຽນໃຫ້ໃຊ້ງານໃນຟັງຊັ່ນອື່ນໄດ້ ຕໍ່ລົງມາຈະເປັນປຸ່ມປັບລະດັບສຽງ, ເບື້ອງລຸ່ມຈະເຫັນແຜ່ນຢາງປິດຊ່ອງໃສ່ເມມໂມຣີ່ກາຣ໌ດ ຊະນິດ SD, MMC ແລະ ບ່ອນສຽບຊູບຫູຟັງ

ເບື້ອງເທິງ - ມີພອຣ໌ດອິນຟຣາເຣດ ຊຶ່ງສາມາດໃຊ້ຄວບຄຸມການທຳງານຂອງເຄື່ອງໃຊ້ໄຟຟ້າໄດ້ຫລາຍຊະນິດ

ເບື້ອງລຸ່ມ - ມີບ່ອນສຽບສາຍສາກແບຕເຕີຣ໌ຣີ ແລະ ສາຍດາຕ້າລິ້ງຄ໌

ຈໍສະແດງຜົນແບບສຳຜັດ TFT-LCD 65,536 ສີ ຄວາມລະອຽດ 208 x 320 ພິກເຊລ, ຄວບຄຸມການທຳງານດ້ວຍປິກ Stylus, ຫນ້າຈໍໃນໂຫມດສະແຕນບາຍ, ເບື້ອງເທິງຈະມີຮູບໄອຄອນ 6 ຮູບ,ໄອຄອນທີ 1 ເຖິງ 5 (ຈາກຊ້າຍຫາຂວາ) ເປັນລາຍການໂປຣດ ທີ່ສາມາດປັບປ່ຽນໄດ້ຕາມຄວາມສະດວກຂອງຜູ້ໃຊ້ ສ່ວນໄອຄອນທີ 6 ຫລື ໄອຄອນຂວາສຸດ ເປັນເມນູຫລັກ, ຜູ້ທີ່ໃຊ້ແມ່ນສາມາດປ່ຽນລາຍການໂປຣດ (ໄອຄອນທີ 1 ເຖິງ 5) ໄດ້ທີ່ເມນູການຕັ້ງຄ່າ ເລືອກລາຍການໂປຣດ