Journal

ມະຫາສານຂ່າວຕ່າງໆທີ່ຜ່ານມາ
ກັບຄືນສູ່ຫນ້າຂ່າວ

ມີຈໍານວນ 71 ຂ່າວໃນ 9 ຫນ້າ ແລະ ທ່ານກໍາລັງຢູ່ຫນ້າທີ່ 1

ການເຈລະຈາບັນຫານິວເຄຼຍລະຫວ່າງຝຣັ່ງ ເຢຍລະມັນ ອັງກິດ ກັບອີຣານໄດ້ສິ້ນສຸດລົງແລ້ວ

ຕາມຂ່າວCRI ວັນທີ 11 ມີນາ ການເຈລະຈາກ່ຽວກັບບັນຫານິວເຄຼຍຂອງອີຣານລະຫວ່າງຝຣັ່ງ ເຢຍລະມັນ ອັງກິດກັບອີຣານ ທີ່ຈັດຂຶ້ນຢູ່ເຊີແນວໄດ້ສິ້ນສຸດລົງແລ້ວ, ຕາມເຜີຍໃຫ້ຮູ້ວ່າ ການເຈລະຈາເທື່ອນີ້ບໍ່ໄດ້ມີການຄືບຫນ້າທີ່ມີລັກສະນະທາດແທ້ແຕ່ຢ່າງໃດ, ແຕ່ສອງຝ່າຍໄດ້ຕົກລົງຈັດການເຈລະຈາຊັ້ນສູງອີກເທື່ອຫນຶ່ງໃນທ້າຍເດືອນມີນາ

ໃນມື້ດຽວກັນ ໃນຈົດຫມາຍສະບັບຫນຶ່ງທີ່ອັງກິດ ຝຣັ່ງ ເຢຍລະມັນມອບໃຫ້ລຸກຊຳບັວກ ປະເທດປະທານຝຽນຂອງສະຫະພາບເອີລົບໄດ້ຂຽນວ່າ ຖ້າອີຣານບໍ່ເຄົາລົບສັນຍາທີ່ໄດ້ເຊັນກັນກັບສະຫະພາບເອີລົບ ຟື້ນຟູການກັ່ນເອົາອູລານີອົມຂຸ້ນຄືນໃຫມ່ແລ້ວ ສະຫະພາບເອີລົບຈະສະຫນັບ ສະຫນູນການມອບບັນຫານິວເຄຼຍຂອງອີຣານໃຫ້ສະພາຄວາມຫມັ້ນຄົງຂອງອົງການສະຫະປະຊາຊາດພ້ອມກັນນັ້ນທ່ານນາງໄລສ໌ ລັດຖະມົນຕີການຕ່າງປະເທດອາເມລິກາປະກາດວ່າ ທ່ານປະທານາທິບໍດີບຸສ ໄດ້ຕົກລົງວ່າອາເມລິກາບໍ່ຄັດຄ້ານອີຣານຮ້ອງຂໍເຂົ້າຮ່ວມອົງການການຄ້າໂລກອີກ. ທ່ານນາງໄລສ໌ ກ່າວວ່າ ການຕົກລົງໃຫມ່ຂອງອາເມລິກາສະແດງໃຫ້ເຫັນວ່າ ຝ່າຍອາເມລິກາຍິນດີໃຊ້ບາດກ້າວຕົວຈິງສະຫນັບສະຫນູນໃຫ້ສະຫະພາບເອີລົບບັນລຸເປົ້າຫມາຍຂອງເຂົາ.
ນອກນີ້ ຂ່າວແຈ້ງວ່າ ວັນທີ 11 ມີນາ ທ່ານຮາຊັນ ລູຮານີ ເລຂາຄະນະກຳມະການຄວາມປອດໄພສູງສຸດແຫ່ງຊາດອີຣານ ຜູ່ແທນເຈລະຈາຜູ່ທີຫນື່ງກ່ຽວກັບບັນຫານິວເຄຼຍໄດ້ກ່າວລຶ້ມວ່າອີຣານຫວັງໃຫ້ແກ້ໄຂບັນຫານິວເຄຼຍດ້ວຍພາຫະນະການທູດ.
* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 14/3/2548 ເວລາ: 10:46 ສົ່ງຄໍາຄິດເຫັນ (198)

ຣັດເຊຍເຕືອນສະຫະພາບເອີລົບແລະອາເມລິກາຢ່າກໍ່ເລື່ອງກໍ່ລາວກ່ຽວກັບບັນຫາເຊເຊັນ

ຕາມຂ່າວ CRI: ວັນທີ 12 ມີນາ ຂ່າວສານອິນເທີແຟກສ໌ລາຍງານວ່າ,ຫວ່າງມໍ່ໆນີ້ ທ່ານເຟໂດທົຟ ຮອງລັດຖະມົນຕີກະຊວງການຕ່າງປະເທດຣັດເຊຍກ່າວວ່າ,ຣັດເຊຍໄດ້ກ່າວເຕືອນສະຫະພາບເອີລົບແລະອາເມລິກາຢ່າຍື່ນຍັດຕິກ່ຽວກັບບັນຫາເຊເຊັນໃຫ້ກອງປະຊຸມສິດທິມະນຸດອົງການສະຫະປະຊາຊາດທີ່ຈະໄຂຂຶ້ນໃນວັນທີ 14 ມີນາ.

ທ່ານເຟໂດທົຟເວົ້າວ່າ, ໃນບັນຫາເຊເຊັນ, ຣັດເຊຍບໍ່ເຄີຍປະຕິເສດການຮ່ວມມືກັບປະຊາຄົມໂລກຈັກເທື່ອ, ແຕ່ຣັດເຊຍບໍ່ອະນຸຍາດໃຫ້ບຸກຄົນໃດໆນຳໃຊ້ບັນຫາເຊເຊັນເພື່ອຊອກຫາຜົນປະໂຫຍດການເມືອງ. ກ່ອນໜ້ານີ້, ປະເທດສະຫະພາບເອີລົບ ແລະ ອາເມລິກາໄດ້ສວຍໃຊ້ກອງປະຊຸມສິດທິມະນຸດຂອງອົງການສະຫະປະຊາຊາດມາຕິຕຽນການເຄື່ອນໄຫວຂອງລັດຖະບານຣັດເຊຍທີ່ຢູ່ກັຟກັສເໜືອ 5 ປີລຽນຕິດ.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 14/3/2548 ເວລາ: 10:33 ສົ່ງຄໍາຄິດເຫັນ (195)

ຍີ່ປຸ່ນວາງຍຸດທະສາດຂ່າວກອງເພື່ອເປີດກວ້າງຂອບເຂດເກັບໂຮມຂ່າວກອງ

ຕາມຂ່າວສານຊິນຮວາ  ຕາມຫນັງສືພິມມາອິນິຈິຊິນບູນຍີ່ປຸ່ນສະບັບວັນທີ 13 ມີນາລາຍງານວ່າ ກົມປ້ອງກັນຂອງຍີ່ປຸ່ນຈະເພີ່ມທະວີວຽກງານເກັບກຳຂ່າວກອງທາງດາວທຽມ, ຂະຫຍາຍຂອບເຂດເກັບກຳຂ່າວກອງໃຫ້ກວ້າງອອກຕື່ມອີກ
ຕາມຫນັງສືພິມມາອິນິຈິຊິນບູນ ລາຍງານວ່າ ຕາມແຜນການຍຸດທະສາດຂ່າວກອງທີ່ກົມປ້ອງກັນຂອງຍີ່ປຸ່ນວາງອອກໃນຫວ່າງມໍ່ໆນີ້, ຂອບເຂດເກັບກຳຂ່າວກອງຂອງຍີ່ປຸ່ນຫຼັງຈາກໄດ້ເປີດກວ້າງແລ້ວຈະຂະຫຍາຍຈາກອາຊີຕາເວັນອອກໄປຮອດພາກພື້ນຕາເວັນອອກກາງຈົນຮອດປະເທດອາຟຼິກາສ່ວນຫນຶ່ງ, ແຜນການດັ່ງກ່າວຍັງມີເຈດຈຳນົງໃຫ້ອອກແຮງຊຸກຍູ້ກົນໄກໃຊ້ຂ່າວກອງນຳກັນລະຫວ່າງກອງປ້ອງກັນຕົວຂອງຍີ່ປຸ່ນ ແລະ ກອງທະຫານອາເມລິກາ, ຂ້ຽວເລັ່ງໃຫ້ກອງປ້ອງກັນຕົວຂອງຍີ່ປຸ່ນກັບກອງທະຫານອາເມລິກາເຊື່ອມໂຍງເຂົ້າກັນໃນດ້ານເກັບກຳ ແລະ ນຳໃຊ້ຂ່າວກອງ.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 14/3/2548 ເວລາ: 10:26 ສົ່ງຄໍາຄິດເຫັນ (224)

ຜູ້ປະກອບອາວຸດອີຣັກນາບຂູ່ອີກວ່າຈະຂ້າຕົວປະກັນຊາວຟີລິບປິນ

ຕາມຂ່າວສານຊິນຮວາ, ໃນງານຖະແຫຼງຂ່າວທີ່ຈັດຂຶ້ນໃນວັນທີ9ມີນາ, ທ່ານໂລມູໂລ ລັດຖະມົນຕີການຕ່າງປະເທດຟີລິບປິນໄດ້ຢືນຢັນວ່າ, ຜູ້ປະກອບອາວຸດອີຣັກນາບຂູ່ລັດຖະບານຟີລິບປິນວ່າ,ຕ້ອງຖອນຄົນງານທັງໝົດອອກຈາກອີຣັກ ແລະ ຕັດຂາດການພົວພັນການຮ່ວມມືການທະຫານກັບອາເມລິກາ, ຖ້າບໍ່ດັ່ງນັ້ນກໍຈະຂ້າຄົນງານຟີລິບປິນຜູ້ໜຶ່ງທີ່ຖືກລັກພາຕົວໃນວັນທີ1ພະຈິກປີກາຍນີ້.

ທ່ານໂລມູໂລກ່າວວ່າ, ກະຊວງການຕ່າງປະເທດຟີລິບປິນໄດ້ແຕ່ງໜ່ວຍພິເສດໜ່ວຍໜຶ່ງໄປອີຣັກ,ປະສານງານແກ້ໄຂວິກິດການຕົວປະກັນ, ເພື່ອຮັບປະກັນຕົວປະກັນໄດ້ຮັບການປ່ອຍຕົວຢ່າງປອດໄພ.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 11/3/2548 ເວລາ: 10:11 ສົ່ງຄໍາຄິດເຫັນ (318)

ລັດທິຫຼາຍຝ່າຍແມ່ນອາວຸດອັນສັກສິດໃນການຮັກສາສັນຕິພາບແລະຄວາມປອດໄພຂອງໂລກ

ຕາມຂ່າວCRI:ວັນທີ 9 ມີນາ,ຢູ່ມາດຼິດ, ທ່ານຊາປາເຕໂຣ ນາຍກົກລັດຖະມົນຕີແອສປາຍໄດ້ພົບປະທ່ານອານນານ ເລຂາທິການໃຫຍ່ສະຫະປະຊາຊາດທີ່ໄປຢ້ຽມຢາມ.ສ ອງຝ່າຍພ້ອມກັນຊີ້ອອກວ່າ,ລັດທິຫຼາຍຝ່າຍ ການຮ່ວມມືລະຫວ່າງຊາດ ແລະ ການໂຄລົບກົດໝາຍລະຫວ່າງຊາດແມ່ນອາວຸດອັນສັກສິດໃນການປົກປັກຮັກສາສັນຕິພາບ ແລະ ຄວາມປອດໄພຂອງໂລກ.

ທ່ານຊາປາເຕໂຣ ແລະ ທ່ານອານນານ ໄດ້ເຈາະຈົງຫາລືບັນຫາຈະກຳຈົດຮາກເຫງົ້າເກີດລັດທິກໍ່ການຮ້າຍແນວໃດ. ທ່ານອານນານກ່າວເນັ້ນວ່າ, ປະຊາຄົມໂລກຕ້ອງເອົາໃຈໃສ່ນຳບັນຫາການພັດທະນາ ໃນຂະນະເພີ່ມທະວີການຮ່ວມມືຕ້ານລັດທິກໍ່ການຮ້າຍພາຍໃຕ້ຂອບກົດໝາຍ.

ທ່ານອານນານເລີ່ມຢ້ຽມຢາມແອສປາຍເປັນເວລາສັ້ນແຕ່ວັນທີ 10 ມີນາ. ທ່ານຈະເຂົ້າຮ່ວມກອງປະຊຸມສຸດຍອດສາກົນພາຍໃຕ້ຫົວຂໍ້" ປະຊາທິປະໄຕ ຕ້ານລັດທິກໍ່ການຮ້າຍແລະຄວາມປອດໄພ"ທີ່ຈັດຂຶ້ນໃນວັນທີ 8 ມີນາເພື່ອລະລຶກເຫດການລະເບີດກໍ່ການຮ້າຍ 11 ມີນາ.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 11/3/2548 ເວລາ: 10:07 ສົ່ງຄໍາຄິດເຫັນ (349)

ເຂດທີ່ເກີດເຫດການຫມູ່ຄະນະເປັນເບື່ອຂອງຟິລິບປິນເຂົ້າສູ່ສະພາວະໄພພິບັດ

ຕາມຂ່າວສານຊິນຮວາ: ວັນທີ 10 ມີນາ, ທ່ານນາງອາໂລໂຢ ປະທານາທິບໍດີຟິລິບປິນປະກາດວ່າ, ເມືອງມາບີນີແຂວງໂບໂຮນທີ່ເກີດເຫດການນັກຮຽນປະຖົມເປັນເບື່ອເປັນຫມູ່ຄະນະໄດ້ເຂົ້າສູ່ສະພາວະໄພພິບັດ.

ໃນຂະນະດຽວກັນ, ທ່ານນາງອາໂລໂຢປະກາດວ່າ,ຈະເບີກເງິນລາຍສະເພາະຈາກກອງທຶນກູ້ໄພແຫ່ງຊາດ, ໃຊ້ເຂົ້າໃນການປິ່ນປົວຜູ້ຖືກທຳຮ້າຍ ແລະ ຝັງຜູ້ປະສົບເຄາະຮ້າຍ. ທ່ານນາງອາໂລໂຢຍັງສັ່ງໃຫ້ກອງຕຳຫລວດແຫ່ງຊາດ ແລະ ກະຊວງສາທາລະນະສຸກຮ່ວມກັນສືບສວນ, ເພື່ອຊອກຮູ້ສາເຫດຂອງເຫດການເປັນເບື່ອເທື່ອນີ້.

ພາຍຫລັງນັກຮຽນ 476 ຄົນຂອງໂຮງຮຽນຊານ ໂຈເຊເມືອງມາບີນີໄດ້ກິນຂະຫນົມມັນຕົ້ນທີ່ຊື້ກັບພໍ່ຄ້າຢູ່ມໍ່ໂຮງຮຽນໃນວັນທີ 9 ມີນາ ແລ້ວກໍ່ຮູ້ສຶກເຈັບທ້ອງ, ແລະ ຖືກສົ່ງໄປໂຮງໝໍຕາມໆ ກັນ. ນັບມາຮອດປະຈຸບັນ, ເຫດການເປັນເບື່ອລາຍນີ້ໄດ້ພາໃຫ້ນັກຮຽນຢ່າງຫນ້ອຍ 27 ຄົນເສຍຊີວິດ,105 ຄົນນອນປິ່ນປົວຢູ່ໂຮງໝໍ. ວັນທີ 10 ມີນາ, ຜູ້ຊ່ຽວຊານຂອງກະຊວງສາທາລະນະສຸກຟິລິບປິນກ່າວວ່າ, ຕາມການສືບສວນໃນເບື້ອງຕົ້ນ,ໃນຂະໜົມມັນຕົ້ນມີ cyanide ນີ້ອາດຈະແມ່ນສາເຫດທີ່ພາໃຫ້ພວກເຂົາເຈົ້າເປັນເບື່ອ.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 11/3/2548 ເວລາ: 09:59 ສົ່ງຄໍາຄິດເຫັນ (237)

ສະພາການຄ້າແລະການພັດທະນາສະຫະປະຊາຊາດກ່າວວ່າການດູດດຶງທຶນຕ່າງປະເທດຂອງຈີນ

ຕາມຂ່າວສານຊິນຮວາ, ບົດລາຍງານຄົ້ນຄວ້າສະບັບໜຶ່ງທີ່ສະພາການຄ້າ ແລະ ການພັດທະນາສະຫະປະຊາຊາດປະກາດໃນວັນທີ 7 ມີນາໄດ້ຂຽນວ່າ, ການລົງທຶນໂດຍກົງຈຳນວນຫຼວງຫຼາຍຂອງຕ່າງປະເທດໄຫຼເຂົ້າສູ່ຈີນບໍ່ພຽງແຕ່ຈະບໍ່ຂີດຂວາງການດູດດຶງທຶນຕ່າງປະເທດຂອງປະເທດອ້ອມຂ້າງຂອງຈີນຢູ່ອາຊີທໍ່ນັ້ນ,ກົງກັນຂ້າມ, ຈະຊຸກຂູ້ການພັດທະນາຂອງເສດຖະກິດທົ່ວພາກພື້ນອາຊີ.

ບົດລາຍງານເຫັນວ່າ,ທົ່ວອາຊີໂດຍສະເພາະແມ່ນອາຊີຕາເວັນອອກ ແລະ ອາຊີອາຄະເນແມ່ນຜູ້ໄດ້ຜົນປະໂຫຍດຈາກການໄຫຼເຂົ້າຂອງທຶນຕ່າງປະເທດ, ຄວາມດູດດຶງຢ່າງແຂງແຮງຂອງຈີນກໍໄດ້ຊຸກຍູ້ ທຶນຕ່າງປະເທດເຂົ້າສູ່ປະເທດອື່ນໃນພາກພື້ນແຫ່ງນີ້ພ້ອມກັນ, ເພາະວ່າປະເທດອ້ອມຂ້າງຂອງຈີນເຫຼົ່ານີ້ໄດ້ເສີມຂະຫຍາຍບົດບາດຕາບຈູນອັນສຳຄັນໃນຕ່ອງໂສ້ການຜະລິດໂດຍມີຈີນເປັນໃຈກາງ. ຖ້າເວົ້າວ່າພື້ນຖານອຸດສາຫະກຳທີ່ເຂັ້ມແຂງຂອງຈີນໄດ້ປັ່ນທອນການພັດທະນາເສດຖະກິດຂອງປະເທດອ້ອມຂ້າງຂອງຈີນ, ກໍ່ແໜງເວົ້າວ່າໄດ້ຊຸກຍູ້ຄວາມຈະເລີນຮຸ່ງເຮືອງດ້ານເສດຖະກິດຂອງປະເທດເຫຼົ່ານີ້ຈະຖືກກວ່າ.

ປີ2004,ຈີນໄດ້ດູດດຶງການລົງທຶນໂດຍກົງຂອງຕ່າງປະເທດ 62 ຕື້ໂດລາສະຫະລັດ,ເປັນທີ 2 ໃນໂລກເຊິ່ງພຽງແຕ່ຖັດຈາອາເມລິກາ.ໃນໄລຍະດຽວກັນ, ການລົງທຶນໂດຍກົງຂອງຕ່າງປະເທດຢູ່ອາຊີຕາເວັນອອກ ແລະ ອາຊີອາຄະເນກໍໄດ້ເພີ່ມຂຶ້ນປະມານ 6%.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 9/3/2548 ເວລາ: 10:31 ສົ່ງຄໍາຄິດເຫັນ (176)

7ປະເທດອາຊີໃຕ້ແລະອາຊີອາຄະເນປຶກສາຫາລືແຜນການເຂດການຄ້າເສລີ

ຕາມຂ່າວສານຊິນຮວາ: ວັນທີ 8 ມີນາ, ກອງປະຊຸມຄະນະກຳມະການເຈລະຈາການຄ້າຂອງອົງການຮ່ວມມືເສດຖະກິດ 7 ປະເທດອາຊີໃຕ້ແລະອາຊີອາຄະເນທີ່ຈະໄຂ3ມື້ໄດ້ຈັດຂຶ້ນຢູ່ກັດມັນດູ ນະຄອນຫຼວງຂອງເນປານ, , ກອງປະຊຸມຈະປຶກສາຫາລືສັນຍາເຂດການຄ້າເສລີແລະແຜນການປະຕິບັດ.

ອົງການຮ່ວມມືເສດຖະກິດ 7 ປະເທດສ້າງຕັ້ງຂຶ້ນເມື່ອປີ 1997, ໃນເບື້ອງຕົ້ນມີ ບັງກະລາເດັດ ອິນເດຍ ມຽນມາ ສີລັງກາແລະໄທລວມ 5 ປະເທດສະມາຊິກ ອ່າວບັງກະລາເດັດ, ເນປານແລະບູຕານໄດ້ເຂົ້າຮ່ວມເມື່ອປີ 2004.

* ແຫລ່ງຂ່າວຈາກ: China Radio International

ໂດຍ: ວຽງສອນ ວົງສ໌ຄຳ ວັນທີ: 9/3/2548 ເວລາ: 10:22 ສົ່ງຄໍາຄິດເຫັນ (370)

ຫນ້າ: 1 2 3 4 5 6 7 8 9 ຕໍ່ໄປ >>