|
ແມ່ຍິງຖືພາທີ່ອາລົມຄຽດຫລາຍ ແມ່ນມີແນວໂນ້ມໄດ້ລູກສາວຫລາຍກວ່າມີລູກຊາຍ
ສາເຫດອາດມາຈາກການທີ່
ຮ່າງກາຍຂອງແມ່ຜະລິດຮໍໂມນຄວາມຄຽດອອກມາຫລາຍຜິດປົກກະຕິ
ຈຶ່ງເຮັດໃຫ້ໂຕອ່ອນຂອງທາຣົກເພດຊາຍມີບັນຫາ
ໃນການຝັງໂຕໃນຜະຫນັງມົດລູກ
ໃນການສຶກສາທີ່ຖືວ່າເປັນຄັ້ງທຳອິດທີ່ມີການເຊື່ອມໂຍງຄວາມຄຽດໃນຊີວິດປະຈຳວັນກັບເພດຂອງທາຣົກ
ນັກວິໄຈໄດ້ຈັບຄູ່ ເພດຂອງທາຣົກປະມານ 6,000
ຄົນ
ກັບຂໍ້ມູນລະດັບຄວາມຄຽດຂອງມານດາທີ່ຖືພາຕັ້ງແຕ່ຊ່ວງເລີ່ມຕັ້ງທ້ອງ
ລວມເຖິງ ຄຸນນະພາບໃນການນອນຫລັບພັກຜ່ອນ ແລະ
ຄວາມສາມາດໃນການຮັບມືກັບການກິດປະຈຳວັນ
ຜົນການສຶກສາສະແດງໃຫ້ເຫັນວ່າ ແມ່ຍິງຖືພາທີ່ອາລົມມັກຄຽດມີແນວໂນ້ມໄດ້ລູກສາວຫລາຍກວ່າ
ທີ່ແມ່ຍິງທີ່ເຮັດໃຫ້
ຈິດໃຈຂອງຕົນເອງປອດໂປ່ງ ສົດໃສ 5% ໃນທາງກັບກັນ
ຜູ້ຍິງໃນປະເທດຕະເວັນຕົກໃຫ້ກຳເນີດທາຣົກເພດຊາຍ
ຫລາຍກວ່າເພດຍິງໃນສັດສ່ວນເດັກຊາຍ 105
ຄົນຕໍ່ເດັກຍິງ 100 ຄົນ.
ທັງນີ້ ການສຶກສາໃນອະດີດລະບຸວ່າ
ຈຳນວນທຳຣົກເພດຊາຍຈະລຸດລົງຫລັງເກີດວິກິດການທາງການເມືອງ
ແລະ ສັງຄົມ
ທີມນັກວິໄຈຈາກມະຫາວິທະຍາໄລອາຣ໌ຮັສໃນເດັນມາຣ໌ກລາຍງານໄວ້ໃນວາລະສານການແພດ
ຮິວແມນ ຣີໂປຣດັກຊັນວ່າ
ຍັງບໍ່ຮູ້ເຖິງສາມາດທີ່ແນ່ນອນວ່າ ເປັນຍ້ອນເຫດໃດຄວາມຄຽດ
ຈຶ່ງມີຜົນກັບເພດຂອງທາຣົກ
ຈາກປົກກະຕິທີ່ເພດຂອງ ທາຣົກຖືກກຳຫນົດ ໂດຍໂຄຣໂມໂຊມໃນອະສຸຈິຂອງຜູ້ເປັນພໍ່
ຢ່າງໃດກໍ່ຕາມ
ຄວາມເປັນໄປໄດ້ວ່າການທີ່ຮ່າງກາຍຂອງຜູ້ເປັນແມ່ຫລັ່ງຮໍໂມນຄວາມຄຽດອອກມາຫລາຍ
ອາດເຮັດໃຫ້
ໂຕອ່ອນເພດຊາຍມີບັນຫາໃນການຝັງໂຕໃນຜະນັງມົດລູກ
ແລະ
ຜູ້ຍິງທີ່ຄຽດທີ່ມີແນວໂນ້ມສູງທີ່ຈະແທ້ງລູກຊາຍໄດ້ງ່າຍ
ຂະນະດຽວກັນ
ຜູ້ຊ່ຽວຊານດ້ານການຈະເລີນພັນຂອງອັງກິດເຕືອນວ່າ
ຄວາມຄຽດໃນເວລາຖືພາອາດກ່ຽວພັນກັບບັນຫາ
ສຸຂະພາບຂອງລູກເມື່ອໃຫຍ່ຂື້ນ ເຊັ່ນ:
ຄວາມດັນເລືອດສູງ ໂລກອ້ວນ ແລະ ເບົາຫວານ
ລວມທັງບັ່ນທອນລະດັບ ສະຕິປັນຍາຂອງເດັກ
ອີກດ້ວຍ.
*
ຄັດຈາກ: ຫນັງສືພິມເດເລນິວ, ສະບັບວັນທີ
28-09-2007 |
