|
|
|
| |
 ການກິນໄຂ່ |
| |
 ການກິນໄຂ່ມື້ລະໜ່ວຍ
ອາດສ່ຽງຕໍ່ການເສຍຊີວິດ ໄດ້
<ອ່ານຕໍ່> |
| |
ເຄັດລັບການປັດຂົນຕາ |
| |
 ຄັດລັບການປັດຂົນຕາໃຫ້ສວຍງາມ 10 ວິທີ
<ອ່ານຕໍ່> |
| |
ຫລັກການອອກກຳລັງກາຍ |
| |
 ຫລັກການອອກກຳລັງກາຍ
ໃນເວລາຖືພາ
<ອ່ານຕໍ່> |
| |
ອາການຂອງການຖືພາ |
| |
 ສັນຍານທີ່ບົ່ງບອກເຖິງ
ການຖືພາໃນເລີ່ມຕົ້ນ 10 ອາການ
<ອ່ານຕໍ່> |
| |
ໂລກມະເຮັງເຕົ້ານົມ |
| |
 ວິທີເບິ່ງແຍງສຸຂະພາບໃຫ້ປາດສະຈາກໂລກມະເຮັງເຕົ້ານົມ
<ອ່ານຕໍ່> |
| |
ຄຸນປະໂຫຍດຂອງ
ໝາກຂາມປ້ອມ ຕໍ່ສຸຂະພາບ ມີຫລາຍຢ່າງ |
| |
 ໝາກເປັນໜ່ວຍມົນກົມສີຂຽວອ່ອນ ເມັດສີນ້ຳຕານ
ມີຫລາຍລົດຊາດທັງສົ້ມ ຫວານ ຝາດ ຂົມ
ຂະຫຍາຍແນວພັນໂດຍການເອົາແກ່ນ
<ອ່ານຕໍ່> |
| |
ການປະດິດອຸປະກອນຊ່ວຍເຫລືອຄົນຕາບອດ ໃຫ້ໃຊ້ລິ້ນໃນປາກມອງເຫັນແທນດວງຕາ |
| |
|
| |
ຄົນພິການທາງຕາຕ້ອງຢູ່ໃນໂລກມືດມາ
ອາດຈະໄດ້ມີໂອກາດໄດ້ເບິ່ງເຫັນໂລກສະຫວ່າງໄດ້ອີກ ໂດຍນັກວິໄຈຊາວແຄນາດາ
ໄດ້ຄິດປະດິດອຸປະກອນຊ່ວຍໃຫ້ໃຊ້ລິ້ນເບິ່ງເຫັນແທນໜ່ວຍຕາ,
ນັກວິໄຈຂອງມະຫາວິທະຍາໄລມອນທຣີລແຫ່ງແຄນາດາ, ທ່ານມົວຣີສ
ປູໂຕ ໄດ້ປະດິດອຸປະກອນທີ່ເອີ້ນວ່າ: "ໜ່ວຍສະແດງຜົນດ້ວຍລິ້ນ"
ເຊິ່ງຈະສາມາດສົ່ງສັນຍານພາບ
ທີ່ຢູ່ລຸ່ມເພດານໃນປາກໄປຫາເປືອກສະໝອງ
ອັນເປັນສ່ວນທີ່ຖືກກຳໜົດໃຫ້ສຳຫລັບຮັບຂໍ້ມູນດ້ານຮູບພາບ ແຕ່ເພາະເຈົ້າຂອງຕາພິການເສຍເລີຍບໍ່ໄດ້ໃຊ້.
ຕາມຄວາມເປັນຈິງອຸປະກອນຊຸດນັ້ນ
ມີຕາເປັນກ້ອງຖ່າຍພາບເຊິ່ງຝັງເອົາທີ່ໜ່ວຍຕາ ເມື່ອຜູ້ໃຊ້ຕ້ອງການຈະເບິ່ງ
ກໍ່ຈະໃຊ້ລິ້ນສະກິດປຸ່ມສະວິດທີ່ມີຢູ່ໃນປາກ ເຕັກໂນໂລຊີແບບນີ້ຍັງອາດຈະຂະຫຍາຍ
ເພື່ອຊ່ວຍໃຫ້ຄົນຕາບອດສາມາດອ່ານຂໍ້ຄວາມ
ທີ່ຖືກສົ່ງກະຈາຍສຽງດ້ວຍສັນຍານອິເລັກທໍນິກອອກໄດ້ອີກດ້ວຍ
"ເຮົາສຶກສາໄດ້ຮູ້ວ່າ ປະສາດສຳຜັດຂອງຄົນເຮົາ
ບາງເທື່ອກໍ່ເອົາໄປໃຊ້ແທນກັນໄດ້ຄືກັນ"
ທ່ານຍັງອະທິບາຍອີກວ່າ
ລິ້ນຂອງຄົນເຮົານັບເປັນອະໄວຍະວະອັນເໝາະສົມທີ່ຈະນຳມາໃຊ້
ດ້ວຍເຫດທີ່ສະໝອງຂອງຄົນເຮົາສ່ວນໃຫຍ່ຖືກຈັດໄວ້ໃຫ້ຮັບຂໍ້ມູນ
ທີ່ມາຈາກລິ້ນອີກທັງໃນປາກກໍ່ຍັງມີນ້ຳລາຍ
ທີ່ນັບວ່າເປັນສື່ທາງອິເລັກໂທນິກອັນດີຢ້ຽມອີກດ້ວຍ.
* ຈາກໜັງສືພິມໄທລັດ, ສະບັບວັນທີ 9/6/2004
|
| |
ຄອມພິວເຕີມີປະໂຫຍດຕໍ່ເດັກນ້ອຍ |
| |
ນັກວິໄຈຈາກສະຫະລັດພົບວ່າເດັກນ້ອຍທີ່ຈຳເປັນ
ຕ້ອງມີການກຽມຄວາມພ້ອມກ່ອນເຂົ້າຮຽນໃນລະດັບອະນຸບານນັ້ນ
ກຸ່ມເດັກນ້ອຍທີ່ໃຊ້ຄອມພິວເຕີມີພັດທະນາການ ແລະ
ທັກສະທາງການຮຽນຮູ້ຫລາຍກວ່າເດັກນ້ອຍທີ່ບໍ່ເຄີຍໃຊ້ຄອມພິວເຕີມາຈັກເທື່ອ
ຈາກຜົນການສຶກສາເດັກນ້ອຍທີ່ມີອາຍຸລະຫວ່າງ 3-5 ປີ ຈຳນວນ
122 ຄົນ, ພົບວ່າເດັກນ້ອຍທີ່ໃຊ້ຄອມພິວເຕີຢູ່ບ້ານ ແລະ ໂຮງຮຽນ
ໃນລະດັບຊັ້ນກຽມອະນຸບານສະເລ່ຍ 3-4 ຄັ້ງຕໍ່ອາທິດ
ສາມາດເຮັດຄະແນນທົດສອບຄວາມພ້ອມກ່ອນຮຽນ ມີທັກສະ ແລະ
ພັດທະນາການທີ່ສູງກວ່າເດັກນ້ອຍ
ທີ່ບໍ່ເຄີຍໃຊ້ຄອມພິວເຕີມາກ່ອນເລີຍ ໂດຍຜົນການສຶກສານີ້ໄດ້ຮັບການຕີພິມໃນວາລະສານ
"ພີເດຍທຣິກສ໌" ອີກ.
ຢ່າງໃດກໍ່ຕາມ
ຜົນວິໄຈບໍ່ໄດ້ບອກເຖິງຄວາມສຳພັນລະຫວ່າງການໃຊ້ງານຄອມພິວເຕີ
ແລະ ແນວໂນ້ມການຝຶກພາສາສຳຫລັບເດັກນ້ອຍ
ລວມທັງຄວາມດຶງດູດໃຈຂອງຄອມພິວເຕີ ເຮັດໃຫ້ເດັກນ້ອຍເມີນເສຍກັບເຄື່ອງຫລີ້ນທີ່ໃຊ້ສຳຫລັບຝຶກທັກສະ
ແລະ ພັດທະນາການທີ່ເຫມາະກັບວັຍ.
ດ້ານສ້ຽວຫມິງ ລີ ຜູ້ຊ່ຽວຊານດ້ານພັດທະນາການສຳຫລັບເດັກ ກວ່າວ່າ ເດັກນ້ອຍທີ່ມີຄອມພິວເຕີຢູ່ບ້ານກວ່າ
56% ຈະມີກິດຈະກຳຫລັກໃນການໃຊ້ງານ
ຄອມພິວເຕີດ້ວຍການຝຶກພິມ, ຫລີ້ນເກມ,
ຮຽນຮູ້ຊອຟແວຣ໌ສຳຫລັບເດັກຜ່ານໂຕກາຕູນ, ແຕ້ມຮູບ,
ຝຶກການໃຊ້ເມົ້າສ໌ ແລະ ສະຕິກເກີ້ ເປັນຕົ້ນ. ໂດຍຜູ້ປົກຄອງຕ້ອງໃຫ້ຄວາມເບິ່ງແຍງເອົາໃຈໃສ່
ແລະ ໃຫ້ຄຳແນະນຳ ເພື່ອຈະໄດ້ໃຊ້ປະໂຫຍດຈາກຄອມພິວເຕີຢ່າງເຕັມທີ່.
* ຈາກໜັງສືພິມໄທລັດ, ສະບັບວັນທີ 11/6/2004
|
| |
ໂລກຊາຣ໌ສ"
ລະບາດແຜ່ຕິດຕໍ່ທາງນ້ຳຕາໝໍສິງກະໂປ ກວດພົບໄວຣັສຢູ່ໃນຕາ |
| |
ໝໍເມືອງລອດຊ່ອງໄດ້ຄົ້ນພົບໂລກ "ຊາຣ໌ສ"
ອັນເປັນໂລກລະບົບທາງເດີນຫາຍໃຈກະທັນຫັນ
ຊິ່ງແຜ່ລາມໄປຕາມປະເທດຕ່າງໆ ເຖິງ 30 ປະເທດ,
ຂ້າຊີວິດຄົນຕາຍໄປເກືອບພັນ ເມື່ອບໍ່ດົນມານີ້
ສາມາດຕິດຕໍ່ກັນທາງນ້ຳຕາໄດ້ ໂດຍໄດ້ກວດພົບເຊື້ອໃນນ້ຳຕາຂອງຄົນເຈັບເປັນຫລັກອ້າງອິງ.
ທ່ານໝໍ ເສັງ ເຊຍະ ລຸ້ນ
ຂອງໂຮງໝໍມະຫາວິທະຍາໄລແຫ່ງຊາດໃນສິງກະໂປກັບຄະນະ ໄດ້ແຈ້ງວ່າ:
ໄດ້ກວດພົບເຊື້ອໄວຣັສໂລກຊາຣ໌ສຢູ່ໃນທໍ່ນ້ຳຕານ
ຂອງຄົນເຈັບເມື່ອປີກາຍ
ຊຶ່ງໃນການແຜ່ລະບາດເທື່ອທີສອງທ້າຍສຸດນັ້ນ
ມີຄົນເຈັບໃນປະເທດຕ່າງໆ ເກືອບ 30 ປະເທດ ເປັນຈຳນວນບໍ່ຕ່ຳກວ່າ
8.000 ຄົນ, ແລະ ຕາຍໄປເກືອບຮອດ 800 ຄົນ, ໂລກຊາຣ໌ສເລິ່ມແຜ່ລະບາດຂື້ນຄັ້ງທຳອິດທາງພາກໃຕ້ຂອງຈີນ,
ເມື່ອປີ 2002 ເຖິງວ່າໃນປະຈຸບັນຈະຄວບຄຸມໄວ້ໄດ້ ແຕ່ກໍ່ຍັງຢ້ານວ່າ
ມັນອາດຈະກັບມາອາລະວາດອີກເມື່ອໃດກໍ່ໄດ້.
ຄະນະແພດສິງກະໂປກ່າວວ່າ ໄດ້ກວດພົບເຊື້ອໄວຣັສໃນທໍ່ນ້ຳຕານຄົນໄຂ້
3 ຄົນ ທັງໝົດລ້ວນແຕ່ເປັນຄົນເຈັບໃຫມ່ ເຊິ່ງບອກໃຫ້ຮູ້ວ່າອາດຈະກວດພົບເຊື້ອໃນທໍ່ນ້ຳຕາ
ໃນຊ່ວງການເຈັບໄຂ້ໄລຍະເລິ່ມຕົ້ນໆ ເຊຶ່ງອາດຈະເປັນວິທີກວດທີ່ສຳຄັນທາງໜື່ງ
ເນື່ອງຈາກການກວດວິເຄາະນ້ຳຕາ ນັບວ່າສະດວກ ແລະ
ງ່າຍກວ່າກັນຫລາຍ.
ທ່ານໝໍ ເສັງ ລາຍງານຜົນການກວດພົບໃນວາລະສານການແພດອັງກິດ
"ຈັກຂຸວິທະຍາ" ໄວ້ນຳວ່າ: ການຄົ້ນພົບຍັງສະແດງໃຫ້ຮູ້ວ່າ
ໂລກຊາຣ໌ສສາມາດຕິດຕໍ່ກັນທາງນ້ຳຕາໄດ້
ນອກຈານລະອອງກະຈາຍຂອງການໄອ ຫລື ຈາມຢ່າງໜື່ງນຳ ແລະ ເຊື້ອໄວຣັສໂລກຊາຣ໌ສກໍ່ຄືກັນກັບເຊື້ອໄວຣັສແບບອື່ນ
ທີ່ຕິດຕໍ່ແຜ່ລາມໄປຮອດຕາໄດ້ ບໍ່ຕ່າງຈາກໄວຣັສເຊື້ອເລິມ ໂລກຕັບອັກເສບຊະນິດບີ
ແລະ ຊີ, ໂລກຫັດ ແລະ ໂລກອີສຸກອີໃສ ເຊິ່ງກວດພົບໃນນ້ຳຕາຄືກັນ.
* ຈາກໜັງສືພິມໄທລັດ, ສະບັບວັນທີ 23/6/2004
|
| |
ລູກຜູ້ຊາຍຍ່າງໄກມື້ລະ 3 ກິໂລແມັດປຸກ "ນົກເຂົາ" ໃຫ້ກັບຄືນຊີບໄດ້ |
| |
ລາຍງານຜົນຂອງການສຶກສາຂອງນັກວິໄຈຊາວມະກະໂຣນີ ໄດ້ພົບເຫັນວ່າ:
ຜູ້ຊາຍຕຸ້ຍທີ່ປ່ຽນແກ້ພຶດຕິກຳການກິນຢູ່
ຈົນລົດນ້ຳຫນັກຕົວລົງໄດ້ໃນທີ່ສຸດຕົວຢ່າງເຊັ່ນ:
ການຍ່າງໃຫ້ໄດ້ໃນໄລຍະທາງມື້ລະ 3.200 ແມັດທຸກໆມື້
ຈະຊ່ວຍປຸກໃຫ້ນົກເຂົາກັບແຂງຂັນ ຂື້ນມາອີກໄດ້ ເນື່ອງດ້ວຍເຍື່ອບຸພາຍໃນຫລອດເລືອດຕ່າງໆ
ຈະກັບທຳງານໄດ້ດີຂື້ນ.
ຄະນະນັກວິໄຈຂອງມະຫາວິທະຍາໄລເຊກັນດ໌ ແຫ່ງເນເປິລ ໄດ້ສຶກສາກັບຊາຍຮູບຮ່າງອ້ວນທ້ວນ
ທີ່ຢູ່ໃນວັຍອາຍຸລະຫວ່າງ 35-55 ປີ, ເຊິ່ງບໍ່ມີໂລກຄວາມດັນໂລຫິດສູງ,
ເບົາຫວານ, ແລະ ໂລກຫິດມີໄຂມັນຫລາຍເກິນໄປທີ່ເປັນໂລກ "ນົກເຂົາບໍ່ຂັນ"
ຈຳນວນ 110 ຄົນ, ກ່າວສະຫລຸບລາຍງານວ່າ: "ຜົນຂອງການສຶກສາສະແດງວ່າ
ການປ່ຽນແປງພຶດຕິກຳການກິນອາຫານໃໝ່
ດ້ວຍການລົດການບໍລິໂພກພະລັງງານຂອງອາຫານໃຫ້ນ້ອຍລົງ
ອອກກຳລັງກາຍໃຫ້ລາຍຂື້ນ ຈະຊ່ວຍໃຫ້ 1 ໃນ 3 ຄົນເຫລົ່ານີ້,
ຄ່ອຍທຸເລົາຂື້ນຈາກໂລກນົກເຂົາບໍ່ຂັນໄດ້
ທັງຍັງຊ່ວຍລົດໂອກາດສ່ຽງຂອງການເປັນໂລກ
ຂອງຫລອດເລືອດຫົວໃຈລົງໄປອີກດ້ວຍ.
* ຈາກໜັງສືພິມໄທລັດ ສະບັບວັນທີ 13/7/2004
|
| |
ການຮັບປະທານຢາຄຸມກຳກຳເນີດ
ມີຜົນເສຍຕໍ່ຮັງໄຂ່ຂອງຄົນເຮົາຢ່າງແນ່ນອນ |
| |
ຜູ້ຍິງບາງຄົນທີ່ຍັງບໍ່ພ້ອມທີ່ຈະມີລູກ ແລະ
ກໍ່ຍັງບໍ່ແນ່ໃຈວ່າຈະເຖິງວັນຫມົດປະຈຳເດືອນເມື່ອໃດຂະນະນີ້ມີຂ່າວດີທີ່ຈະແກ້ໄຂບັນຫານີ້ໄດ້ແລ້ວ,
ໂດຍຫລ້າສຸດ ນັກວິທະຍາສາດໃນເມືອງເອດີເປິຣາ
ປະເທດສະກອດແລນໄດ້ພົບວິທີທີ່ຈະທຳນາຍໄດ້ວ່າ, ເມື່ອໃດເວລາຊິວະພາບຂອງຜູ້ຍິງຈະຢຸດເດີນ
ແລະ ບອກໄດ້ວ່າ ໄວໝົດປະຈຳເດືອນຂອງແຕ່ລະຄົນຈະມາເຖິງເມື່ອອາຍຸເທົ່າໃດ?,
ໂດຍການໃຊ້ອາວເຕີຊາວວັດແທກຂະໜາດຮັງໄຂ່ ເພື່ອຄຳນວນຫາຈຳນວນໄຂ່ທັງໝົດທີ່ຈະຜະລິດໄດ້ໃນໄລຍະທີ່ຍັງມີຊີວິດເຫລືອຢູ່.
ດ.ຣ ຮາມິດວາເຣດ, ແພດເດັກຈາກມະຫາວິທະຍາໄລເອດີເປີຣາກ່າວວ່າ
ການລ່ວງຮູ້ເສັ້ນຕາຍຂອງ ໄວຈະເລີນພັນໃນເພດຍິງເປັນຂໍ້ມູນທີ່ສາມາດຊ່ວຍແກ້ບັນຫາແມ່ຍິງທີ່ມີລູກຍາກໄດ້
ແລະ ຍັງເປັນປະໂຫຍດສຳລັບແມ່ຍິງ ທີ່ຍັງບໍ່ມີຄວາມພ້ອມ
ທີ່ຈະມີລູກດ້ວຍ.
ປົກກະຕິຜູ້ຍິງເຫລົ່ານັ້ນຈະສາມາດຜະລິດໄຂ່ໄດ້ ໂດຍສະເລ່ຍ
8 ແສນໜ່ວຍຕະຫລອດຊົ່ວຊີວິດ, ແຕ່ຕົວເລກທີ່ວ່ານີ້ຈະປ່ຽນແປງໄປຕາມໄວ
ຄື: ໃນໄລຍະທີ່ມີອາຍຸປະມານ 37 ປີ, ຊຶ່ງມີໄຂ່ເຫລືອປະມານ
25 ພັນໜ່ວຍນັ້ນ
ຄວາມສາມາດຂອງຜູ້ຍິງໃນການຜະລິດໄຂ່ກໍ່ຈະຫລຸດລົງຢ່າງວ່ອງໄວ
ແລະ ຮັງໄຂ່ກໍ່ຈະຫົດຕົວ ຈົນກະທັ້ງໄຂ່ກໍ່ຄ່ອຍໆໝົດໄປ ແລະ
ເຂົ້າສູ່ໄວໝົດປະຈຳເດືອນ. ໄວໝົດປະຈຳເດືອນຂອງຜູ້ຍິງ,
ສ່ວນຫລາຍແລ້ວແມ່ນເລິ່ມມີອາຍຸແຕ່ 50 ປີ ຫລື ມີການບວກລົບ
7-8 ປີ. ການລ່ວງຮູ້ກຳນົດໄວໝົດປະຈຳເດືອນ
ທີ່ຊັດເຈນຈະຊ່ວຍໃຫ້ແພດສາມາດຮັກສາອາການທີ່ມີລູກຍາກໄດ້ຖືກວິທີ,
ຊຶ່ງຖ້າຮູ້ວ່າຮັງໄຂ່ຍັງມີຄວາມສາມາດທີ່ຜະລິດໄຂ່ໄດ້ອີກຫລາຍປີ
ກໍ່ບໍ່ຈຳເປັນຕ້ອງໃຫ້ຜູ້ປ່ວຍຕ້ອງຜ່ານຂັ້ນຕອນປະສົມທຽມ,
ຊຶ່ງນອກຈາກຈະເຈັບຕົວແລ້ວ ຍັງຕ້ອງໃຊ້ເງິນ ເພື່ອເປັນການໃຊ້ຈ່າຍຢ່າງຫລວງຫລາຍຕື່ມອີກ.
ຫລ້າສຸດນັກວິໄຈໄດ້ທົດລອງໃຊ້ວິທີນີ້
ກັບຜູ້ປ່ວຍພະຍາດມະເຮັງ, ຊຶ່ງຜົນຈາກການຮັກສາພະຍາດມະເຮັງ
ມັກຈະເຮັດໃຫ້ຄວາມສາມາດໃນການທີ່ຈະມີລູກນັ້ນຫລຸດລົງດ້ວຍ,
ຢ່າງໃດກໍ່ຕາມວິທີນີ້ຈະບໍ່ໄດ້ຮັບຜົນກັບຜູ້ຍິງ
ທີ່ກິນຢາຄຸມກຳເນີດ ເພາະລິດຂອງຢາຄຸມກຳເນີດ
ຈະໄປຫລຸດຂະໜາດຂອງຮັງໄຂ່,
ຊຶ່ງອາດຈະເຮັດໃຫ້ຜົນມີການຄາດເຄື່ອນໄດ້ ແລະ
ຈະໃຊ້ບໍ່ໄດ້ກັບຜູ້ປ່ວຍທີ່ມີເນື້ອງ່ອກໃນຮັງໄຂ່
ຊຶ່ງຈະເຮັດໃຫ້ຮັງໄຂ່ບໍ່ສາມາດຜະລິດໄຂ່ໄດ້.
ສະຫລຸບແລ້ວເຕັກໂນໂລຢີທີ່ວ່ານີ້ມີປະໂຫຍດກັບຜູ້ຍິງຜູ້ທີ່ມີອາຍຸສູງ
ເພາະຈະບໍ່ຕ້ອງກັງວົນວ່າຕ້ອງໄປປະສົມທຽມ ແລະ ແມ່ຍິງທົ່ວໄປ
ກໍ່ມີປະໂຫຍດເໝືອນກັນເພາະຈະໄດ້ວ່າງແຜນໄວ້ລ່ວງໜ້າວ່າ
ຈະພ້ອມທີ່ຈະມີລູກໄດ້ເມື່ອໃດ ແລະ ຈະແຕ່ງງານເມື່ອໃດ.
* ຄັດຈາກໜັງສືພິມປະເທດລາວ,
ສະບັບວັນທີ 20/7/2004, ໜ້າທີ 4.
|
| |
ໂລກຊີວີເອສ |
| |
ໂລກຊີວີເອສ
ຄົນທີ່ເຮັດວຽກຢູ່ໜ້າຈໍຄອມພິວເຕີຕິດຕໍ່ກັນເປັນເວລາດົນໆ
ເຊັ່ນ: ກາຍສອງເຖິງສາມຊົ່ວໂມງ ມັກຈະມີອາການປວດຕາ, ແສບຕາ,
ຕາມົວ ແລະ ຈະມີາການປວດຫົວນຳ
ອາການທາງສາຍຕາເຫລົ່ານີ້ເກິດຈາກການຈ້ອງເບິ່ງຂໍ້ມູນເທິງຈໍຄອມພິວເຕີຕິດຕໍ່ກັນເປັນເວລາດົນເກີນໄປ
ເອີ້ນກຸ່ມອາການເຫລົ່ານີ້ວ່າ: "ຄອມພິວເຕີວິຊັ່ນຊິນໂດຣມ"
ຫລື "ໂລກຊີວີເອສ"
(computer vision syndrome) ອາການປວດຕາ ແລະ ແສບຕາເກິດຂື້ນເພາະມີສະມາທິກັບຂໍ້ມູນເທິງຈໍຄອມພິວເຕີຫລາຍເກີນໄປ
ຈົນລືມກະພິບຕາ ສາມາດແກ້ໄຂໄດ້ໂດຍໃຫ້ກະພິບຕາເລື້ອຍໆ ເມື່ອຮູ້ສຶກຕົວວ່າປວດຕາ
ຫລື ແສບຕາ, ອາດໃຊ້ນ້ຳທຽມ
artificial tear ຢອດຕາແນ່
ກໍ່ຈະສາມາດຊ່ວຍບັນເທົາອາການປວດຕາ ແລະ ແສບຕາໄດ້ຄືກັນ.
ສຳຫລັບອາການອື່ນໆ ເຊັ່ນ: ຕາມົວ ຫລື ປວດຫົວ
ຈະເປັນອາການທີ່ເກິດຂື້ນພຽງຊົ່ວຄາວ ເມື່ອພັກຜ່ອນແລ້ວກໍ່ຈະເບົາລົງ
ແລະ ຈະມີອາການດີຂື້ນ. ສິ່ງທີ່ຄວນຈື່ໄວ້ສະເຫມີຄື:
ການເຮັດວຽກຢູ່ໜ້າຈໍຄອມພິວເຕີໄປໄດ້ປະມານ 20-30 ນາທີ,
ຄວນຢຸດພັກຜ່ອນສາຍຕາເປັນເວລາ 2-4 ນາທີ, ແລ້ວຈຶ່ງມຶນຕາຂື້ນເຮັດວຽກໃຫມ່
ຫາກປະຕິບັດໄດ້ຈົນເປັນນິໄສກໍ່ຈະປ້ອງກັນບໍ່ໃຫ້ເກີດກຸ່ມອາການຄອມພິວເຕີວິຊັນຊິນໂດຣມໄດ້
ນອກຈາກນີ້ຄວນພິຈາລະນາແສງສະຫວ່າງ
ທັງແສງພາຍໃນຫ້ອງເຮັດວຽກ ແລະແສງສະຫວ່າງຈາກຫນ້າຈໍຄອມພິວເຕີ
ໂດຍຈັດແສງພາຍໃນຫ້ອງເຮັດວຽກບໍ່ໃຫ້ມີແສງຈ້າຫລາຍເກີນໄປ
ຫລາຍຄົນທີ່ເຮັດວຽກຢູ່ຫນ້າຈໍຄອມພິວເຕີໂດຍບໍ່ເຄີຍປັບແສງສະຫວ່າງ
ລວມທັງຄວາມເຂັ້ມຂອງແສງ
ທີ່ສຳຄັນອີກປະການຫນື່ງຄວນນັ່ງຫ່າງຈາກຈໍຄອມພິວເຕີປະມານ
16-30 ນິ້ວ ຫລື ປະມານ 40-75 ຊັງຕີແມັດ ຈາກດວງຕາ ແລະ
ຄວນໃຫ້ຈຸດເຄິ່ງກາງຂງຫນ້າຈໍຄອມພິວເຕີຢູ່ຕ່ຳກ່ວາສາຍຕາປະມານ
20 ອົງສາ
ຈັດເປັນທ່ານັ່ງເຮັດວຽກກັບຫນ້າຈໍຄອມພິວເຕີທີ່ດີທີ່ສຸດ
ແລະ ຄວນລະວັງບັນຫາເຈັບຫລັງ, ເຈັບບ່າ, ປວດຄໍ
ທີ່ມັກເກິດຂື້ນເປັນປະຈຳເລື້ອຍໆ.
* ໂດຍ: ທ່ານຫມໍ ວະຣະວຸດ ຈະເລີນສິຣິ |
| |
ຢາສູບເຮັດໃຫ້ອະຍຸສັ້ນລົງເຖິງ 10 ປີ ເຊົາສູບໄດ້ໄວເທົ່າໃດອາຍຸກໍ່ຈະຍືນຍາວໄດ້ |
| |
ນັກວິທະຍາສາດໄດ້ສຶກສາເຖິງໂທດຂອງຢາສູບຍາວນານເຖິງເຄິ່ງສັດຕະວັດ ໄດ້ສະລຸບຜົນຂອງການສຶກສາວ່າ:
ຢາສູບຈະບັນທອນອາຍຸຂອງຜູ້ສູບ
ສະເລ່ຍແລ້ວຈະສັ້ນກວ່າຄົນທີ່ບໍ່ໄດ້ສູບເຖິງ 10 ປີ, ແຕ່ຖ້າຫາກເຊົາສູບໄດ້ຈົນອາຍຸເຖິງ
50 ປີ ກໍ່ອາດຮຽກອາຍຸທີ່ຈະຂາດໄປກັບຄືນມາໄດ້ເຖິງເຄິ່ງ
ແລະ ຖ້າຫາກເຊົາສູບໄດ້ຕັ້ງແຕ່ອາຍຸຍັງບໍ່ກາຍ 30 ປີ
ກໍ່ຈະລອດພົ້ນຊາຕາກຳອາຍຸສັ້ນໄດ້.
ສາດສະດາຈານຣິຊາຣ໌ດ ດອລລ໌ ຂອງມະຫາວິທະຍາໄລອອກຊ໌ຟອຣ໌ດ
ອາຍຸ 91 ປີ ຜູ້ທີ່ໄດ້ຮັບການຍົກຍ້ອງວ່າ: ເປັນຜູ້ຄົ້ນພົບວ່າຢາສູບກ່ຽວໂຍງກັບໂລກມະເຮັງ
ບອກວ່າການສູບຢາເປັນປະຈຳ
ຈະເຮັດໃຫ້ອາຍຸໄຂໃນຊ່ວງຂອງການເປັນຜູ້ໃຫຍ່
ນັບແຕ່ວັຍກາງຄົນໄປຈົນເຖິງວັຍແກ່ຊະຣາຈະຖືກບັນທອນອາຍຸໃຫ້ສັ້ນລົງຢຢ່າງຊັດເຈນ
ແລະ ນອກຈາກຢາສູບເປັນຕົ້ນເຫດຂອງໂລກມະເຮັງປອດແລ້ວ
ຍັງພົບເຫັນຈາກການສຶກສາມາຈົນເຖິງປະຈຸບັນນີ້
ມັນຍັງກໍ່ໃຫ້ເກິດໂລກຕ່າງໆ ອີກລວມ 25 ໂລກອີກດ້ວຍ.
ສາດສະດາຈານດອລລ໌ຍັງໄດ້ເປິດເຜີຍວ່າ
ຕັ້ງແຕ່ໄດ້ເລິ່ມສຶກສາພິດໄພຂອງຢາສູບເມື່ອ 50 ປີຜ່ານມາ ໄດ້ມີຄົນເສຍຊີວິດເພາະຢາສູບທົ່ວໂລກ
ຈົນເຖິງປະຈຸບັນໄດ້ 100 ລ້ານຄົນແລ້ວ, ແລະ ໃນຊ່ວງສັດຕະວັດປະຈຸບັນນີ້
ຈະຕ້ອງມີຍອດຄົນທີ່ເສຍຊີວິດເພາະຢາສູບ
ຫາກວ່າຍັງມີການນິຍົມສູບຢາກັນຫລາຍ ໃນປະຈຸບັນສູງເຖິງປະມານໜື່ງພັນລ້ານຄົນ.
* ຄັດຈາກໜັງສືພິມໄທລັດ, ສະບັບວັນທີ
25/6/2004.
|
