ໂອ້ຍ! ດີໃຈສຸດໆ ເລີຍ! ຫົວໃຈຈະວາຍ!	ຂອບໃຈ! ຫລາຍໆ ສະຫວັນຊົງໂປດເຮົາແລ້ວ!

"ຣິໂຍ ໂມຣິ" ສາວນັກເຕັ້ນບອລເລຈາກຊິຊຸໂອກະ ໄດ້ຄວ້າຕຳແໜ່ງນາງງາມ "ມິດຍູນິເວິຣ໌ສ 2007" ໃນປີນີ້ໄປຄອງ ເຊິ່ງການປະກວດຈັດຂື້ນທີ່ປະເທດເມ໊ກຊິໂກ ພິເສດແຫ່ງປີຄືສາວງາມຈາກເອເຊຍໄດ້ກວດເອົາຫລາຍລາງວັນໄປຄອງ ເຊິ່ງສ້າງຄວາມປະທັບໃຈໃຫ້ແກ່ຄົນເອເຊຍຢ່າງບໍ່ໜ້ອຍໜ້າຊາວຕະເວັນຕົກ

      ຣິໂຍ ໂມຣິ ສາວຍີ່ປຸ່ນ ອາຍຸ 20 ປີ ເຊິ່ງໄດ້ກາຍເປັນມິສຍູນິເວິຣ໌ສຄົນທີ່ 56, ຊຶ່ງໄດ້ຮັບມົງກຸດເພັດ ແລະ ໄຂ່ມຸກ ລວມມູນຄ່າເຖິງ 250,000 US$, ມິສຍູນິເວິຣ໌ສ 2006 ຊູໄລຍ໌ກາ ຣິເວີຣ໌ຣາ ສາວງາມຈາກ ປໍໂຕ ຣິໂກ, ແລະ ໃນພິທີການປະກວດດັ່ງກ່າວມີຜູ້ເຂົ້າຊົມເຖິງ 10,000 ຄົນ ແລະ ຖ່າຍທອດໄປສູ່ສາຍຕາຜູ້ທົ່ວໂລກກວ່າ 600 ລ້ານຄົນ ເມື່ອຄ່ຳຄືນຂອງວັນຈັນທີ່ຜ່ານມາ
       
       ສາວຍີ່ປຸ່ນຄົນນີ້ສາມາດເອົາຊະນະ Natalia Guimaraes ໜື່ງໃນຜູ້ເຂົ້າປະກວດໂຕເກັງຈາກ ບຣາຊິລ ຄວ້າມົງກຸດໄປຄອງໄດ້ສຳເລັດ ໂດຍມີສາວງາມຈາກ ເວເນຊຸເອລາ Ly Jonaitis ຄອງຕຳແໜ່ງອັນດັບທີ 2
       
       ອັນດັບທີ 3 ຮັນນີ ລີ ຈາກປະເທດເກົາຫລີ ແລະ ແຣເຊລ ສະມິດ ອີກໜື່ງໂຕເກັງຈາກສະຫະລັດ ໄດ້ຕຳແໜ່ງຮອງຊະນະເລີດອັນດັບ 4
       
       ການຈັດການປະກວດໃນປະເທດເມ໊ກຊິໂກຄັ້ງນີ້ ແມ່ນມີບັນຫາຄວາມຂັດແຍ່ງລະຫວ່າງການເມືອງຂອງເມ໊ກຊິໂກ ແລະ ສະຫະລັດ ທີ່ກາຍເປັນເປົ້າໂຈມຕີ ແຣເຊລ ສະມິດ ນາງງາມຕົວແທນຈາກສະຫະລັດໄປຢ່າງເຕັມໆ ຊຶ່ງຖືກຜູ້ຊົມທີ່ເປັນຊາວເມ໊ກຊິໂກໂຫ່ຮ້ອງຢ່າງຮຸນແຮງໃນຕອນຝຶກຊ້ອມກ່ອນພິທີການປະກວດຮອບສຸດທ້າຍ ເນື່ອງຈາກຊາວຈັງໂກ້ບໍ່ພໍໃຈນະໂຍບາຍທີ່ບໍ່ເປັນມິດຂອງສະຫະລັດ ທີ່ມີຕໍ່ຜູ້ລອບເຂົ້າເມືອງໄປເຮັດວຽກຢ່າງຜິດກົດໝາຍ ສ່ວນຫລາຍແມ່ນເປັນລູກຫລານຊາວເມ໊ກຊິໂກ ແລະ ເຫດການແຮງຮ້າຍເຂົ້າໄປອີກເມື່ອງນາງສາວ ແຣເຊລ ສະມິດ ມື່ນລົ້ມເທິງກາງເວທີໃນການປະກວດຮອບສຸດທ້າຍ ແຕ່ເຂົາກໍ່ສາມາດຄວ້າຕຳແໜ່ງຮອງອັນດັບທີ 4 ຂອງປີນີ້ມາຈົນໄດ້
       
       ສາວງາມທີ່ບໍ່ມີໂອກາດໄດ້ມາແກ້ໂຕໄດ້ແກ່ Isabel Lestapier Winqvist ເຊິ່ງເປັນຕົວແທນຈາກປະເທດສະວີເດັນ ທີ່ຖືກໃຫ້ອອກຈາກການປະກວດເນື່ອງຈາກບັນຫາເລື່ອງການຢຽດຢາມສະຕີເພດ ເພດທີ່ໃຫ້ກຳເນີດທີ່ເກີດຂື້ນໃນປະເທດຂອງຕົນເອງ ເຮັດໃຫ້ໝົດສິດເດີນຮອຍຕາມຄວາມສຳເລັດຂອງລຸ້ນເອື້ອຍໃນປະເທດດຽວກັນ ທີ່ເຄີຍຄວ້າຄວາມສຳເລັດໃນເວທີນີ້ມາແລ້ວເຖິງ 3 ຄັ້ງໃນອະດີດ
       
       ປະເທດເມ໊ກຊິໂກຮັບໜ້າທີ່ເປັນເຈົ້າພາບໃນການປະກວດມິສຍູນິເວິຣ໌ສມາເປັນຄັ້ງທີ 4 ແລ້ວ ຫລັງຈາກທີ່ໄດ້ຈັດຂື້ນຄັ້ງທຳອິດທີ່ ລອງ ບິຊ ແຄລິຟໍເນຍ ໃນປີ 1952 ໂດຍສາວງາມ ຣິໂຍ ໂມຣິ ຖືເປັນສາວງາມຄົນທີ 2 ເທົ່ານັ້ນທີ່ເຄີຍຮັບຕຳແໜ່ງສາວງາມຈາກເວທີການປະກວດແຫ່ງນີ້
       
       ປີນີ້ໄດ້ບົ່ງບອກໃຫ້ເຫັນວ່າສາວງາມຈາກເອເຊຍແມ່ນມາແຮງ ເພາະນອກຈາກ ຣິໂຍ ໂມຣິ ແລະ ຮັນນີ ລີ ທີ່ໄດ້ລາງວັນແລ້ວ, ກໍ່ຍັງມີ ແອນນາ ເທເຣສຊາ ສາວງາມຈາກປະເທດຟິລິປິນ ທີ່ໄດ້ຮັບລາງວັນຂວັນໃຈສື່ມວນຊົນມາຄອງ ແລະ Ningning Zhang ນາງງາມຈາກຈີນແຜ່ນດິນໃຫຍ່ ຍັງສາມາດຄອງລາງວັນນາງງາມມິຕະພາບມາໄດ້ອີກ
       
       ນາງງາມຈາກໄທ ຟ້າຣຸ້ງ ຍຸດຕິທຳ (ກວາງ) ເຮັດໜ້າທີ່ໄດ້ພຽງຜ່ານເຂົ້າຮອບ 15 ຄົນສຸດທ້າຍ

"ຣິໂຍ ໂມຣິ" ໄດ້ຮັບມົງກຸດ ວິນາທີປະກາດຜົນ ຮອບ 5 ຄົນສຸດທ້າຍ       ຣິໂຍ ໂມຣິ ໃນຊຸດລອຍນ້ຳ ແລະຊຸດຣາຕີ ເຖິງວ່າຈະລົ້ມແຕ່ ແຣເຊລ ສະມິດ ຈາກສະຫະລັດ ກໍ່ຍັງໄດ້ຮອງທີ 4       ນາງາມຈາກແຊມບ້າໄດ້ຮອງ ສາວຈາກເວເນ ໄດ້ຮອງທີ 2 ສາວເກົາຫລີ ຮັນນີ ລີ ຍິ້ມຫວານແທ້ໆ       ນາງງາມສຸດຮອດຈາກແທນຊາເນຍ ເດຣດລ໊ອກຫມັ້ນໃຈນາງງາມຈາໄມກາ ນາງງາມສະວີເດນທີ່ຖືກໃຫ້ອອກຈາກການປະກວດປີນີ້       Ningning Zhang ຕົວແທນຈາກຈີນ ໄດ້ຕຳແໜ່ງນາງງາມມິດຕະພາບ "ສາວກວາງ" ກັບສາວງາມຈາກຟິລິປິນ "Anna Theresa" ທີ່ໄດ້ຮັບລາງວັນຂວັນໃຈສື່ມວນຊົນ ສາວງາມຈາກປະເທດໄທ       ນາງງາມເອກວາດໍ, ອອສເຕຣເລຍ ແລະ ເຊ໊ກ ນາງງາມໂດມິນິກັນ, ເອສໂຕເນຍ ແລະ ອິຕາລີ ຮູບລວມ 77 ສາວງາມຂອງປີນີ້