|
ງານປະກວດ
ນາງສາວອາພອນ ຕະຫລາດເຊົ້າ
(Miss Apone Talatsao Contest) ປີທຳອິດໄດ້ເປີດຂຶ້ນຢ່າງເປັນທາງການ, ເຊິ່ງນຳໂດຍທ່ານ
ວິໄຊ ນະວຽງຈັນ ປະທານຈັດງານ ພ້ອມດ້ວຍຄະນະ
ແລະ ກຳລັງແຮງຈາກຊາວຄ້າຂາຍພາຍໃນຕະຫລາດເຊົ້າ ແລະແຂກທີ່ມີກຽດ
ສາມັກຄີກັນສ້າງເວທີນີ້ຂຶ້ນມາຈົນສຳເລັດຢ່າງຈົບງາມ,
ເຊິ່ງທາງຄະນະເລີ່ມປະກາດຮັບເອົານາງແບບ
ຕັ້ງແຕຕົ້ນເດືອນເມສາ ເຊິ່ງມີນາງແບບມາສະໝັກທັງໝົດ
ຈຳນວນ 34 ຄົນ
ແລະ ຄັດເອົາພຽງ 16 ນ້ອງນາງສາວ ເພື່ອເຂົ້າໄປປະກວດຮອບສຸດທ້າຍ.
ແລະແລ້ວໃນໃນຄໍ່າຄືນຂອງວັນເສົາທີ
5 ພຶດສະພາ
ຊາວຄ້າຂາຍຕະຫລາດເຊົ້າກໍໄດ້ນ້ອງນາງສາວທີ່ເປັນຂວັນໃຈຂອງພວກເຂົາເຈົ້າ
ຫລັງຈາກກະມະການ ໄດ້ລົງຄະແນນຢ່າງເປັນເອກະພາບກັນ
ໃຫ້ນາງສາວຜູ້ເຂົ້າປະກວດໝາຍເລກ 1 ອາຍຸ 19 ປີ
ຄ້ວາມຸງກຸດ, ພ້ອມເງິນສົດ
5.000.000 ກີບ
ແລະ ສາຍສະພາຍຊະນະເລີດ ນາງສາວອາພອນຕະຫລາດເຊົ້າ.
ເຖິງຟ້າຝົນຈະຕົກ ແຕ່ກໍບໍ່ເປັນອຸປະສັກຫຍັງຕໍ່ກອງປະກວດ
ເນື່ອງຈາກເຈົ້າພາບ ໂດຍສະເພາະທ່ານ
ວິໄຊ ນະວຽງຈັນ
ປະທານຈັດງານ ເພິ່ນກຽມທີມງານມາດີ
ກໍ່ເລີຍເຮັດໃຫ້ງານນີ້ລຸລ່ວງໄປໄດ້ດີ. ແລະ
ທີ່ສຳຄັນຍັງໄດ້ຮັບກຳລັງໃຈຈາກທ່ານຮອງເຈົ້າຄອງນະຄອນຫລວງ
ທ່ານ ບຸນຈັນ ສິນລະວົງ
ພ້ອມດ້ວຍພັນລະຍາ ແລະ
ທ່ານ ບຸນປອນ ສີສຸລາດ
ຫົວໜ້າພະແນກອຸດສາຫະກຳ ແລະ ຫັດຖະກຳ ນະຄອນຫລວງ
ທີ່ໃຫ້ກຽດມາຮ່ວມເປັນສັກຂີພິຍານ ແລະ ໃຫ້ກຽດສວາມມຸງກຸດ
ໃຫ້ກັບສາວງາມໃນຄັ້ງນີ້ດ້ວຍ.
 |
 |
|
ຮອບ 5 ຄົນ |
ໄດ້ແລ້ວ 3 ນ້ອງນາງສາວເລີ່ມຕົ້ນ 1, 2
ແລະ 3 |
ໃນນັ້ນການປະກວດຈັດເປັນຮອບ
10 ຄົນ, 5 ຄົນ ແລະ ສຸດທ້າຍ 3 ຄົນ ເຊິ່ງຜູ້ໄດ້ຮັບລາງວັນນາງສາວອາພອນຕະຫລາດເຊົ້າຄື:
-
ອັນດັບໜຶ່ງ:
ນາງ
ມະນີທອງ ມົນລະທົມ
-
ຮອງອັນດັບໜຶ່ງ:
ນາງ ພອນສະໃໝ ອິນສີຊຽງໃໝ່
-
ຮອງອັນດັບສອງ:
ນາງ ກົງໃຈ ດວງມາລາ
ນອກຈາກນັ້ນນາງສາວງາມທັງໝົດຍັງຖືກຄັດເລືອກເອົາ 2
ນາງສາວຄື
ນາງ ສຸກນິຈັນ ແສງທຳມະວົງ
ໄດ້ຮັບລາງວັນຂວັນໃຈຊ່າງພາບ
ແລະ
ນາງ
ແພງຕາ ນິນວັນທອງ ໄດ້ຮັບລາງວັນຂັວນໃຈມວນຊົນ.
ສຸດທ້າຍ ທ່ານປະທານຈັດງານ
ກໍໄດ້ຂຶ້ນກ່າວສະແດງຄວາມຂອບອົກຂອບໃຈ ແລະ
ດີໃຈທີ່ເຫັນການສະໝານສາມັກຄີ
ປຸ້ມລຸມຂອງກຸ່ມຊາວຄ້າຂາຍຕະຫລາດເຊົ້າ
ຈົດເຮັດໃຫ້ງານປະສົບຜົນສຳເລັດ ແລະ
ສະແດງຄວາມຮູ້ບຸນຄຸນ ໃນນາມຊາວຄ້າຂາຍຕະຫລາດເຊົ້າຕໍ່ບັນດາແຂກທີ່ມີກຽດ
ແລະ ຜູ້ໃຫ້ການສະໜັບສະໜູນ ປະກອບສ່ວນຕໍ່ງານຄັ້ງນີ້
ເຊິ່ງເປັນຈຳນວນເງິນທັງໝົດກວ່າ 120.000.000 ກີບ.
ງານດັ່ງກ່າວຈັດຂຶ້ນທີ່ເດີ່ນລານຈອດລົດທາງຫນ້າຕະຫລາດເຊົ້າ,
ໃນຄໍ່າຄືນຂອງວັນເສົາທີ
5-05-2007 ເວລາ: 19:00 ໂມງ,
ພາຍໃນງານມີການເດີນແບບຈາກ
16 ນ້ອງນາງສາວ ໃນຊຸດອາພອນລາວ ແລະ
ຊຸດລາຕີເຊິ່ງມີຫລາກຫລາຍສະຕາຍ
ດ້ວຍຜ້າໃໝລາວອັນປານິດ.
|
