|
ອີກຫນື່ງງານດົນຕີທີ່ບໍ່ຄວນພາດ
ໄດ້ຮັບຄວາມສົນໃຈເປັນກະແສສູງສຳລັບງານສະແດງຄອນເສີດສານສຳພັນລາວ-ສະວີເດັນ
ຊຶ່ງຈະມີຂື້ນໃນຄ່ຳຄືນຂອງ
ວັນທີ 3 ມິຖຸນາ
ນີ້ ທີ່ສູນການຄ້າລາວ-ໄອເຕັກ
ພາຍຫລັງຜ່ານການປະຊາສຳພັນອອກໄປປະກົດວ່າມີສຽງຮືຮາໃນກຸ່ມຄົນ
ຟັງເພງແບບບໍ່ທຳມະດາ ເພາະສີລະປິນທີ່ຈະມາສະແດງໃນງານນີ້ລ້ວນແຕ່ມີຊື່ລະປິນທີ່ຈະມາສະແດງໃນງານນີ້ ລ້ວນແຕ່ມີ
ຊື່ສຽງໂດ່ງດັງ
ທັງລາວ ແລະ ສະວີເດັນ.
ສະຖານທູດສະວີເດັນໄດ້ເປີດຖະແຫລງຂ່າວກ່ຽວກັບການສະແດງຄັ້ງນີ້ ເມື່ອວັນທີ 30
ພຶດສະພາຜ່ານມາ ຊຶ່ງທ່ານນາງ ອານລິສ ໂອໄບຣ
ອຸປະທູດສະວີເດັນ ປະຈຳລາວກ່າວວ່າ:
ການຈັດຄອນເສີດດັ່ງກ່າວ ເພື່ອເປັນການສະເຫລີມສະຫລອງ
ວັນຊາດສະວີເດັນ
ແລະ ສາຍພົວພັນລາວ-ສະວີເດັນ ຄົບຮອບ 41 ປີ,
ພ້ອມໆກັບການສະເຫລີມສະຫລອງຄົບຮອບ 100 ປີ
ຂອງທ່ານ ດັດຮາມມາສໂຈ.
ທ່ານ ດັດຮາມມາສໂຈ ອະດີດເຄີຍເປັນເລຂາທິການໃຫຍ່ສະຫະປະຊາຊາດສອງສະໄຫມ ຄື: ປີ
1953-1961 ແລະ ກໍເຄີຍໄດ້ເຄື່ອນໄຫວສັນຕິພາບໃນທະວີບອາຊີ.
ຄອນເສີດຄັ້ງນີ້ທາງສະຖານທູດສະວີເດັນມີຄວາມຫວັງວ່າຈະສ້າງຄວາມເບີກບານມ່ວນຊື່ນ
ແລະ ບໍ່ສ້າງຄວາມຜິດຫວັງ
ແກ່ຜູ້ເຂົ້າຊົມ
ເພາະໄດ້ເຊື້ອເຊີນເອົາສີລະປິນຄົນສະວີເດັນທີ່ມາສ້າງຊື່ສຽງເປັນທີ່ໂດ່ງດັງໃນປະເທດໄດ້
ແລະ
ກໍເປັນທີ່ຮູ້ຈັກ
ກັນດີໃນຫມູ່ຄົນຟັງເພງຊາວລາວ
ຊຶ່ງເຂົາໄດ້ຮັບສົມຍານາມວ່າ "ຝຣັ່ງຫມໍລຳຄູ່ຂວັນ"
ນັ້ນແມ່ນ ໂຈນັສ ແອນເດີສັນ ແລະ ຄຣິສຕິນ
ກັບສັນ ຊຶ່ງສິລະປິນທັງສອງພາຍຫລັງຖືກເຊື້ອເຊີນໃຫ້ເຂົ້າຮ່ວມສະແດງໃນງານນີ້ແມ່ນອອກອາການດີໃຈສຸດຂີດ
ພ້ອມທັງຕຽມນຳເພງທັງລູກທົ່ງ ແລະ
ຫມໍລຳມາສ້າງຄວາມມ່ວນຊື່ນສຳລານກັນເຕັມທີ່ ເພາະເປັນຄັ້ງທຳອິດທີ່ມີໂອກາດ
ໄດ້ມາປະເທດລາວ.
ທາງຝ່າຍສິລະປິນລາວເຮົາທີ່ຈະຂື້ນສະແດງຮ່ວມໃນເວທີດຽວກັນນີ້ ກໍມີຄວາມໂດ່ງດັງບໍ່ດ້ອຍໄປກວ່າກັນເຊັ່ນ: ອາເລັກຊານດາ
ບຸນຊ່ວຍ ແລະ ປານ ດວງປະເສີດ ອະດິດຄູ່ຂວັນທີ່ເຄີຍໄດ້ຮັບຄວາມນິຍົມສູງສຸດ
ໃນບ້ານເຮົາ.
" ປານ ດວງປະເສີດ" ໃຫ້ສຳພາດວ່າ ຮູ້ສຶກພູມໃຈ ທີ່ມີໂອກາດ
ໄດ້ຮ່ວມສະແດງໃນງານຄັ້ງນີ້ ເພາະຖືເປັນອີກງານຫນື່ງທີ່ຍິ່ງໃຫຍ່
ແລະ ມີຄວາມຫມາຍ ສະນັ້ນ ຈຶ່ງໄດ້ມີການກະກຽມຫລາຍບົດເພງໃຫ້ແຟນເພງ
ໄດ້ຟັງ ແລະ
ມ່ວນຊື່ນກັນ ພ້ອມນີ້ກໍເຊີນຊວນແຟນເພງໄປໃຫ້ກຳລັງໃຈ
ສິລະປິນຈາກທັງສອງປະເທດດ້ວຍ.
ກໍເອົາເປັນວ່າ
ຮູ້ຂ່າວນີ້ແລ້ວຜູ້ທີ່ຮັກມັກໃນສຽງເພງ
ສຽງດົນຕີ
ກໍກຽມໂຕກັນເອົາໄວ້
ຄ່ຳຄືນນີ້ມື້ອື່ນນີ້
ແລ້ວຈະເປັນມື້ສະແດງ
ແລະການສະ
ແດງ
ຄັ້ງນີ້ກໍເປັນງານທີ່ເປີດໂອກາດ
ໃຫ້ທຸກຄົນໄດ້ຊົມລ້າໆ
ໂດຍບໍ່ເສຍຄ່າ
ຜ່ານປະຕູເລີຍ....
ຢ່າລືມສຳຜັດບັນຍາກາດຄອນເສີດນີ້
ໄດ້ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ ງານເລີ່ມ
19:00 ໂມງ ເປັນຕົ້ນໄປ.
*
ຄັດຈາກ: ຫນັງສືພິມວຽງຈັນໃຫມ່, ສະບັບວັນທີ 02-06-2005
Concert
photo gallery
Concert
photo gallery
|
