|
|
|
|
ມະຫາສານ>>ການສຶກສາ>>ສັງຄົມ-ການພັດທະນາ>> |
|
ຫັນວຽກງານສຶກສາເຂົ້າສູ່ຄຸນນະພາບໃຫມ່ສາກົນ |
ໃນທ່າມກາງບັນຍາກາດທີ່ທົ່ວພັກທົ່ວກອງທັບ
ແລະ ທົ່ວປວງຊົນລາວທັງຊາດ ເວົ້າລວມເວົ້າສະເພາະຊາວນະຄອນຫລວງວຽງຈັນ
ຕະ
ຫລອດຮອດຄູອາຈານ ພະນັກງານ ນັກຮຽນ ນັກສຶກສາ
ມີຄວາມເບີກບານມ່ວນຊື່ນສ້າງຜົນງານຕ້ອນຮັບວັນສຳຄັນຂອງຊາດເຮົາ
ເປັນຕົ້ນແມ່ນ
ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ
38 ແລະ ກອງປະຊຸມໃຫຍ່ ຄັ້ງທີ IV
ຂອງຄົງຄະນະພັກນະຄອນຫລວງວຽງຈັນ ທີ່ຈະໄຂ
ຂື້ນໃນມໍ່ໆນີ້.
ທ່ານ ສາຍທອງ ແກ້ວດວງດີ ຫົວຫນ້າພະແນກສຶກສານະຄອນຫລວງວຽງຈັນໄດ້
ກ່າວວ່າ ນັບຕັ້ງແຕ່ຄະນະພັກຮາກຫຖານ
ພະແນກສຶກສາປະຈຳນະຄອນຫລວງວຽງຈັນ ໄດ້ສ້າງຕັ້ງຂື້ນມາແຕ່ວັນທີ
3 ມິຖຸນາ 1999 ເປັນຕົ້ນມາ
ກໍໄດ້ສຸມໃສ່ວຽກງານວິຊາສະ
ເພາະກໍຄືວຽກງານຂະບວນການອື່ນໆ
ຄຽງບ່າຄຽງໄຫລ່ກັບພະແນກການອື່ນໆ ສາມາດ
ຍາດໄດ້ຜົນງານຫລາຍດ້ານ
ທັງນີ້ເພື່ອຜັນຂະຫຍາຍເນື້ອໃນຈິດໃຈມະຕິກອງປະຊຸມໃຫຍ່
ຄັ້ງທີ III ຂອງອົງຄະນະພັກນະຄອນຫລວງ ໃຫ້ປະກົດຜົນເປັນຈິງ.
ຄະນະພັກພວກເຮົາກໍໄດ້ເອົາໃຈໃສ່ຊຸກຍູ້ການພັດທະນາການສຶກສາຕາມ 3 ແຜນງານ
ໃຫຍ່ຂອງກະຊວງສຶກສາທິການວາງອອກ ເຊັ່ນ: ແຜນງານຂະຫຍາຍໂອກາດເຂົ້າຮຽນ
ແຜນງານປັບປຸງຄຸນນະພາບ ແລະ ແຜນງານການຄຸ້ມຄອງບໍລິຫານບຸກຄະລາກອນ
ເພື່ອ
ເຮັດໃຫ້ແຜນງານດັ່ງກ່າວໄດ້ຮັບການຈັດຕັ້ງປະຕິບັດຢ່າງເປັນຮູບປະທຳ
ພວກເຮົາກໍໄດ້
ຂະຫຍາຍໂຮງຮຽນແຕ່ຕົວເມືອງຮອດຊົນນະບົດ
ບ້ານຫ່າງໄກສອກຫລີກ ເກືອບທົ່ວເຖິງ.
ໂດຍອີງໃສ່ການລົງທຶນຂອງລັດ ສົມທົບກັບການປຸກລະດົມທຶນປະກອບສ່ວນຂອງພໍ່ແມ່
ປະຊາຊົນ ແລະ
ການຍາດແຍ່ງເອົາການຊ່ວຍເຫລືອຈາກສາກົນ
ເຊິ່ງປັດຈຸບັນໄດ້ມີໂຮງ
ຮຽນລ້ຽງເດັກອະນຸບານ 143 ແຫ່ງ, ມີນັກຮຽນ
11.671 ຄົນ ທຽບໃສ່ປີ 2000 ເພີ່ມຂື້ນ
31,56% ໂຮງຮຽນປະຖົມ 484 ແຫ່ງ, ມີນັກຮຽນ
81.035 ຄົນ, ເດັກທີ່ມີອາຍຸ 6-10 ປີ ໄດ້ເຂົ້າໂຮງຮຽນ
ເຖິງ 98% ມີໂຮງຮຽນມັດທະຍົມທັງຕອນຕົ້ນ ແລະ
ຕອນປາຍ 112 ແຫ່ງ, ມີນັກຮຽນ 70.188 ຄົນ
ທຽບໃສ່ປີ 2000 ເຫັນວ່າເພີ່ມຂື້ນ 17,02%.
ໄປຄຽງຄູ່ກັນນີ້ ພວກເຮົາໄດ້ເອົາໃຈໃສ່ສືບຕໍ່ລົບລ້າງການກືກຫນັງສື ແລະ
ບຳລຸງຍົກລະດັບໃຫ້ພະນັກງານ ແລະ ປະຊາຊົນ
ມາຮອດປັດຈຸ
ບັນ ສາມາດລົບລ້າງການກືກຫນັງສືໃຫ້ປະຊາຊົນ
3.886 ຄົນ, ຍິງ 2.630 ຄົນ ແລະ ໄດ້ປະກາດລົບລ້າງຊັ້ນປະຖົມທົ່ວທຸກເມືອງ
ໂດຍພື້ນ
ຖານ ຄັ້ງວັນທີ 20 ທັນວາ 2004
ຢູ່ເມືອງສັງທອງ ເປັນເມືອງສຸດທ້າຍ.
ພ້ອມກັນນັ້ນ ກໍໄດ້ເອົາໃຈໃສ່ຈັດໃຫ້ມີສູນສຶກສາຊຸມຊົນ ແລະ ບຳລຸງວິຊາຊີບ 5 ແຫ່ງ
ສຳລັບຜູ້ດ້ອຍໂອກາດ ບໍ່ສາມາດເຂົ້າຮຽນຍາວນານ
ວິຊາທີ່ນຳມາເຝີກອົບຮົມມີ ວິຊາຕັດຫຍິບ, ເສີມສວຍ,
ປຸງແຕ່ງອາຫານ, ຊ່າງໄມ້, ລ້ຽງສັດ,
ວິຊາຄອມພິວເຕີຣ໌ ແລະ ວິຊາພາສາອັງກິດ
ຜ່ານມາໄດ້ມີຜູ້ເຂົ້າຮັບການເຝິກອົບຮົມ ແລະ
ສຳເລັດໄປແລ້ວ 837 ຄົນ, ຍິງ 472 ຄົນ.
ການປະຕິບັດແຜນງານໃນການຄຸ້ມຄອງບຸກຄະລາກອນ ເຊິ່ງຈຳນວນບຸກຄະລາກອນຂອງລັດທີ່ຂື້ກັບການຄຸ້ມຄອງຂອງພະແນກສຶກສາ
ນະຄອນຫລວງວຽງຈັນ ທັງຫມົດ 4.796 ຄົນ, ຍິງ
2.638 ຄົນ, ໃນນັ້ນ
ມີພະນັກງານບໍລິຫານທີ່ບໍ່ໄດ້ສິດສອນຕົວຈິງ
197 ຄົນ, ຍິງ 50 ຄົນ, ມີຄູສັນຍາຈ້າງ 97
ຄົນ, ຍິງ 62 ຄົນ, ເຊິ່ງໃນແຕ່ລະ 3 ເດືອນ
ແລະ
ພາກຮຽນພວກເຮົາກໍໄດ້ຊຸກຍູ້ວຽກງານລົງກວດກາການສຶກສາ
ຢູ່ຫ່າງການສຶກສາປະຈຳເມືອງ ແລະ ໂຮງຮຽນຕ່າງໆ
ເພື່ອກັບກຳຜົນງານການຈັດຕັ້ງປະຕິບັດແຜນນະໂຍບາຍ
ມະຕິຄຳສັ່ງ ແນະນຳ ກ່ຽວກັບ
ວຽກງານສຶກສາຂອງພັກ ແລະ ການປະຕິບັດຫລັກສູດ
ໂຄງການປັບປຸງຄຸນນະພາບການສຶກສາຂອງກະຊວງສຶກສາວາງອອກ.
ນອກຈາກນີ້ ຄະນະພັກພວກເຮົາຍັງມີຄວາມພະຍາຍາມຫັນວຽກງານການສຶກສາ ເຂົ້າສູ່ຄຸນນະພາບໃຫມ່ໃຫ້ໄດ້ກັບລະດັບສາກົນ
ສ່ວນການ
ສອບເສັງສົກຮຽນ 2003-2004 ຊັ້ນປະຖົມ ໄດ້
69,06% ທຽບໃສ່ປີ 2000 ຫລຸດລົງ 0,71%,
ຊັ້ນມັດທະຍົມຕົ້ນ 91,99% ຫລຸດລົງ 4,09%,
ຊັ້ນມັດທະຍົມຕອນປາຍ 94,91% ຫລຸດລົງ 0,97%
ອັດຕາການປະລະ ແລະ ຄ້າງຫ້ອງຫລຸດລົງ 1,5% ໄປພ້ອມໆກັນນີ້
ພວກ
ເຮົາກໍໄດ້ຈັດເຝິກອົບຮົມຄູທີ່ບໍ່ໄດ້ມາດຖານ
ຈຳນວນ 175 ຄົນ, ຍິງ 92 ຄົນ,
ອົບຮົມຄູສອນຫ້ອງຄວບ 79 ຄົນ ໃນ 77 ໂຮງຮຽນ,
ອົບຮົມ
ວຽກງານປະຊາກອນສຶກສາ ແລະ ສິ່ງເສບຕິດ 160
ຄົນ ໃນ 120 ໂຮງຮຽນ
ອົບຮົມການຮຽນຮ່ວມລະຫວ່າງ ເດັກປົກກະຕິກັບເດັກພິການ
272 ຄົນ ໃນ 42 ໂຮງຮຽນ
ອົບຮົມການຜະລິດສື່ການຮຽນ-ການສອນ 226 ຄົນ
ອົບຮົມຜູ້ບໍລິຫານການສຶກສາຂັ້ນປະຖົມ ແລະ
ມັດທະຍົມ 250 ຄົນ, ເພື່ອເປັນແຮງຊຸກຍູ້ໃຫ້ການສຶກສານັບມື້ໄດ້ຮັບການພັດທະນາ
ແລະ ຮັບປະກັນດ້ານຄຸນນະພາບ.
*
ຄັດຈາກ: ຫນັງສືພິມວຽງຈັນໃຫມ່, ສະບັບວັນທີ
25-07-2005 |
|
|
|
|
|
