Journal

ປະເພນີຕ້ອນຮັບກຸດສົງການ ປີໃຫມ່ລາວ

ມື້ສັງຂານລ່ວງແຕ່ລະປີມັກຖືກວັນທີ 13-14 ແລະ ວັນທີ 15 ເດືອນເມສາ ບູຮານເພີ່ນເວົ້າວ່າ: ໃນມື້ປີເກົ່າຫມົດໄປ ເອີ້ນກັນວ່າສັງຂານລ່ວງ ລະຫວ່າງມື້ປີເກົ່າ

ກັບມື້ປີໃຫມ່
ປະຈວບກັນ ເອີ້ນວ່າມື້ວັນເນົາ ມື້ປີໃຫມ່ມາເຖິງເອີ້ນວ່າສັງຂານຂື້ນ.
ໃນບັນດາມື້ວັນດັ່ງກ່າວມາຮອດ ປະຊາຊົນລາວແຕ່ເຫນືອເຖິງໃຕ້ກໍຈັດພິທີເອົາພຣະພຸດທະຮູບລົງສົງ ເຮືອນໃດມີພຣະພຸດທະຮູບກໍເອົາລົງ
ຈາກຮ້ານມາຫົດສົງເຊັດຖູ ແລະ ສົງດ້ວຍນ້ຳອົບນ້ຳຫອມ ໃນສະໄຫມກ່ອນຍັງບໍ່ມີນ້ຳຫອມ ອຸດສາຫະກຳ ເພີ່ນເອົານ້ຳຂີ້ຫມີ້ນເປັນນ້ຳຫອມ ໃນ
ການສົງນ້ຳມີຄວາມຫມາຍວ່າ ເພື່ອລ້າງສິ່ງສົກກະປົກເປີະເປື້ອນຂອງປີເກົ່າ ຊຳລະສະສາງແນວບໍ່ດີ ຂາດຕົກບົກຜ່ອງ ຄວາມຊວຍ ພ້ອມພະ
ຍາດໂລຄາໃຫ້ໄປກັບປີເກົ່າ ປີໃຫມ່ຮັບເອົາແຕ່ຄວາມສະອາດບໍລິສຸດປາສະຈາກສິ່ງໂສໂຄກ ແລະ ພະຍາດໂລຄາ.

ພິທີຈະໄດ້ເລີ່ມຂື້ນ ເມື່ອຊາວບ້ານລົງໄປເຕົ້າໂຮມກັນຢູ່ໃນວັດ ແລ້ວເອົາ
ດອກໄດ້ທູບທຽນ ນ້ຳອົບ ນ້ຳຫອມ ຕັ້ງໄວ້ຊຶ່ງຫນ້າຂອງແຕ່ລະຄົນ ກໍໄຫວ້
ພຣະຮັບສິນ ສັກເຄເທວະດາ ໄຫວ້ວອນຂໍໃຫ້ຟ້າຝົນ ຊົນທະລາຕົກຕາມ
ລະດູການ ເພື່ອບ້ານເມືອງຊຸ່ມເຢັນ ພຶດຜົນຫມາກມົວ ອຸດົມສົມບູນ ແລ້ວກໍ
ຫົດສົງພຣະພຸດທະຮູບດ້ວຍນ້ຳອົບ ນ້ຳຫອມ ນ້ຳທີ່ຫົດສົງພຣະພຸດທະຮູບ
ນັ້ນ ຖືເປັນນ້ຳສັກສິດ ທຸກຄົນກໍນຳເອົາເມືອຫົດເສົາເຮືອນ ລູກຫລານ ງົວ ຄວາມປາຍເຂົາ ເພື່ອເກີດແມ່ແຜ່ລູກດົກຫນາ ເມື່ອຫົດສົງສຳເລັດແລ້ວ ເພີ່ນຈະເອົາພຣະພຸດທະຮູບສອງອົງ ຫລື ຫລາຍອົງ ແລ້ວແຕ່ກໍລະນີເອົາໄປໄວ້ທີ່ຫໍ ເພື່ອໃຫ້ປະຊາຊົນໄດ້
ມາຫົດສົງໄດ້ຕະຫລອດ 3 ວັນ ຫລື 7 ວັນ, ໃນຕະຫລອດເວລາເອົາພຣະພຸດທະຮູບລົງສົງນັ້ນໃນແຕ່ລະ
ວັນປະມານບ່າຍ 1 ຫາ 2 ໂມງ ຈົວນ້ອຍກໍຕີກອງປ່າວປະກາດໃຫ້ຊາວບ້ານພາກັນມາຫົດສົງພຣະພຸດທະ
ຮູບຢູ່ວັດ ຈົນຮອດມື້ເອົາພຣະຂື້ນ ເມື່ອເວລາ 4 ຫາ 5 ໂມງ ຈົວຢູ່ວັດກໍຕີກອງອີກ ປ່າວເຕືອນຊາວບ້ານ
ລົງມາເຕົ້າໂຮມກັນທີ່ວັດ ເພື່ອໄປເກັບດອກໄມ້ຢູ່ປ່າມາບູຊາພຣະເມື່ອກັບມາແລ້ວໃນສະໄຫມກ່ອນກໍພາກັນແຫ່
ດອກໄມ້ ອ້ອມສາລາໂຮງທຳ 3 ຮອບ ແລ້ວຈຶ່ງເອົາດອກໄມ້ໄປບູຊາພຣະທີ່ຫໍສົງ ເຮັບແບບນັ້ນຈົນຮອດມື້ເອົາພຣະຂື້ນ.
ໃນຍາມກາງຄືນປະມານວ່າຊາວບ້ານ ກິນແລງແກງຮ້ອນແລ້ວໆ ຈົວກໍຕີກອງປ່າວໃຫ້ຊາວບ້ານລົງໄປຄົບງັນຢູ່ທີ່ວັດ ໃນເວລານັ້ນຈະມີພິທີສູດປະລິຕະມົງຄົນ ຟັງເທດ ຫລັງ
ຈາກນັ້ນກໍມີການລະຫລີ້ນຕ່າງໆຢ່າງຟົດຟື້ນມ່ວນຊື່ນ ໄດ້ເວລາອັນສົມຄວນກໍພາກັນເລີກລາກັບເມືອເຮືອນ ເຮັບແບບນີ້ຈົນຮອດມື້ເອົາພຣະຂື້ນທີ່ເວົ້າມານັ້ນ ແມ່ນຮູບພາບທີ່ມີໃນ
ສະໄຫມກ່ອນ ແຕ່ຊຸມປີ 60 ຄືນຫລັງ ຂອງສະຕະວັດທີ່ຜ່ານມາ ແຕ່ປັດຈຸບັນຮູບພາບດັ່ງກ່າວຍັງເຫລືອໃຫ້ເຫັນຫນ້ອຍທີ່ສຸດ.
ໃນເວລາຕ້ອນຮັບມື້ສັງຂານປີໃຫມ່ ນອກຈາກເອົາພຣະລົງສົງໄປເກັບດອກໄມ້ມາບູຊາພຣະຄົບງັນໃນຍາມກາງຄືນຢູ່ໃນວັດແລ້ວ ປະຊາຊົນລາວເຮົາກໍມັກເຮັດບຸນເຮືອນນິມົນພຣະ
ໄປສູດເຮືອນ ສູດຊານ ສູດລົດນ້ຳຖະຫວາຍສັງຄະທານແດ່ພຣະພິກຂຸສຳມະເນນ ມີພິທີປ່ອຍສັດຈະເປັນສັດຊະນິດໃດກໍໄດ້ ນັບແຕ່ ປູ ປາ ເຕົ່າ ແລນ ນົກ ຫມູ ປູປີກ ໂດຍຖືວ່າ ເປັນການໄຖ່ເອົາຊີວິດສັດ ຊ່ວຍໃຫ້ສັດມີຊີວິດຢູ່ຕໍ່ໄປ ອັນເປັນການສະແດງເມດຕາຈິດ ຕໍ່ສັດ ແລະ ຈະເລີນ ພົມວິຫານຕາມຫລັກທຳມະຂອງພຣະພຸດທະສາດສະຫນາໂດຍແທ້ ປະເພນີອັນດີງາມນີ້ ມີຄວາມຫມາຍສຳຄັນຢ່າງຍິ່ງສຳລັບສະພາບການໃນປັດຈຸບັນ ເພາະເປັນການອະນຸລັກ ປົກປັກຮັກສາຊີວິດ ແລະ ທຳມະຊາດ ທີ່ພວມກາຍເປັນພາລະກິດອັນ
ຍິ່ງໃຫຍ່ ແລະ ເຕັມໄປດ້ວຍສິ່ງທ້າທາຍ.

ໃນມື້ສັງຂານຂື້ນປີໃຫມ່ ກໍ່ຈະມີບາງທ້ອງຖິ່ນໄດ້ພາກັນຈັດຕັ້ງຕະຫລາດນັດ ເປັນຕົ້ນແມ່ນຊາວນະຄອນຫລວງພະບາງ ປີໃຫມ່ລາວມາຮອດແລ້ວກໍຈະຈັດຕະຫລາດນັດຂື້ນ ປະຊາຊົນທີ່ພາກັນໄປທ່ຽວກໍພາກັນຊື້ສັດເອົາໄປປ່ອຍ ຊື້ທຸງ 12 ລາສີ ເພື່ອໄປປັກໃສ່ພະທາດຊາຍ.
ໃນມື້ສຸດທ້າຍຂອງມື້ບຸນຊາວບ້ານກໍພາກັນໄປຂົນຊາຍຈາກເຊ ຫລື ແມ່ນ້ຳຂອງແລ້ວແຕ່ສະພາບແວດລ້ອມຂອງທ້ອງຖິ່ນ
ໃຜມັນ ມາທີ່ວັດຕົບທາດຊາຍບາງບ່ອນກໍພາກັນລົງໄປຕົບຢູ່ກັບຫ້ວຍ ຢູ່ເຊ ແລະ ຫາດຊາຍ ແມ່ນ້ຳຂອງເພື່ອອຸທິດເປັນພຸດ
ທະບູຊາ ທຳມະບູຊາ ສັງຄະບູຊາ ແລະ ເຊື່ອກັນວ່າ ຈະມີອານິສົງຜົນບຸນໃນພາຍພາກຫນ້າ ການຕົບທາດຊາຍກໍມີກົກເຫງົ້າ
ເຄົ້າເງື້ອນມາແຕ່ບູຮານນະການ ໃນສະໄຫມດຶກດຳບັນມີພະຍາປັກເສນທິໂກສົນ ສະເດັດອອກຈາກເມືອງ ສາວັດຖີພ້ອມດ້ວຍ
ຂ້າລາຊະການບໍລິພານ ເມື່ອໄປຮອດແຄມຝັ່ງແມ່ນ້ຳແຫ່ງຫນື່ງ ພະອົງໄດ້ທອດພະເນດເມັດຊາຍຢູ່ຫາດນັ້ນ ມີສີຂາວງາມ ຜຸດຜ່ອງຫາສິ່ງທີ່ປຽບບໍ່ໄດ້ ພະອົງມີພະໄທເຫລື້ອມໃສ ຈິ່ງກວດເອົາຊາຍມາໂຮມກັນເຂົ້າເປັນກອງແລ້ວ ກໍ່ເປັນຮູບທາດຊາຍ ພາສາບາລີ ເອີ້ນວ່າ: "ວາລຸກະເຈດີ" ແລ້ວອຸທິດເປັນເຄື່ອງສັກກາລະບູຊາແກ່ພະພຸດທະເຈົ້າ ຫລັງຈາກນັ້ນພະຍາປັກເສນ
ທິໂກສົນ ກໍເຂົ້າເຝົ້າພະພຸດທະເຈົ້າທູນຖາມອານິສົງ ການກໍ່ທາດຊາຍພຣະພຸດທະເຈົ້າກໍຕັດວ່າ ບຸກຄະລະຜູ້ໃດມີສັດທາ ກໍ່
ທາດຊາຍຈະມີອານິສົງ ຖ້າເປັນມະນຸດຈະອຸດົມສົມບູນໄປເກີດບ່ອນດີມີສຸກ ນີ້ແມ່ນຄວາມເຊື່ອຂອງຄົນລາວບູຮານ ຈົນກາຍມາ
ເປັນປະເພນີປະຕິບັດສືບທອດກັນມາເຖິງທຸກວັນນີ້ ແຕ່ການຕົບທາດຊາຍຢູ່ລາວໃນປັດຈຸບັນໄດ້ຫລຸດຫນ້ອຍຖອຍລົງ ແຕ່ທີ່ຫລວງພະບາງ ຍັງປະຕິບັດກັນເປັນຂະບວນຟົດຟື້ນ
ເຫມືອນເດີມ.

* ຄັດຈາກ: ຫນັງສືພິມວຽງຈັນໃຫມ່, ສະບັບວັນທີ 01/04/2005

LAO NEW YEAR FESTIVAL TOUR

Luang Prabang

The Laotian New Year, celebrated in April, is known as the Boon Pee Mai or the boon of the fifth month. This is a time of great feasting and lasts three to seven days.
On the last day of the old year, houses are cleaned and put in order. This is a symbolic activity, intended to expel any bad spirits that may be hiding in the home. On the first day of the new year, people go to the temple where they wash the statues of the Buddha with perfumed holy water. They pray for good health and prosperity in the new year. For the remaining days of the festival, Laotians sing, dance and enjoy special meals. Birds and animals in captivity are released to ensure good luck. People build towers of sand along the riverbanks. In Luang Prabang there are processions with elephants.

Day 1	Arrive at Luang Prabang airport. Transfer to Hotel. L.P. city tour and shopping.
Day 2	Early in the morning, experience the New Year traditional fair, featuring handicrafts from the surrounding area. During the afternoon, experience the New Years festival which takes place on an island on the Mekong River, build sand stupas, enjoy dancing, singing, and the traditional throwing of water
Day 3	Morning boat trip to Pak Ou Cave one of Laos most famous caves, with thousands of sacred Buddha images. Later, observe traditional rice wine distillation in Ban Xanghai village. During the afternoon, participate in the New Years processions along the main road. Experience the traditional dance of the Laotian Ancestors ( Pou Gneu Gna Gneu). Also witness the New Years parade, featuring Miss Songkran. That evening, experience the watering of the Buddha images in the local Pagodas.
Day 4	Visit the local market, then transfer to airport for departure