ກະຊວງສະພາບແວດລ້ອມຂອງຍີ່ປຸ່ນແຈ້ງໃຫ້ຮູ້ ເມື່ອວັນອາທິດທີ່ຜ່ານມາວ່າ: ໄດ້ພົບເຫັນໄວຣັດໄຂ້ຫວັດສັດປິກ H5N1 ຢູ່ໃນຂອງນົກອິນຊີໂຕຫນື່ງ ໃນເມືອງກູມາໂມໂຕ (ພາກໃຕ້ຍີ່ປຸ່ນ).
  ສຳນັກຂ່າວສານກຽວໂດ ຂອງຍີ່ປຸ່ນ ລາຍງານວ່າ: ນົກອິນຊີໂຕດັ່ງກ່າວ ຖືກພົບເຫັນຢູ່ໃນບ້ານແຫ່ງຫນື່ງ ເມື່ອວັນທີ 4 ມັງກອນ ທີ່ຜ່ານມາ ພາຍຫລັງທີ່ມັນໄດ້ຕາຍໄປ ຜົນຂອງການກວດໃນຫ້ອງທົດລອງຢູ່ ມະຫາວິທະຍາໄລແຫ່ງຫນື່ງ ສະແດງໃຫ້ເຫັນວ່າ ນົກອິນຊີໂຕນັ້ນຕິດເຊື້ອໄວຣັດ H5N1.
  ກະຊວງສະພາບແວດລ້ອມຂອງຍີ່ປຸ່ນ ໄດ້ສ້າງແຜນການໃນການຈັບພວກນົກປ່າ ແລະ ເກັບຂີ້ນົກ ຢູ່ໃນບໍລິເວນທີ່ພົບເຫັນນົກອິນຊີໂຕດັ່ງກ່າວ ເພື່ອໄປກວດເບິ່ງວ່າໄວຣັດ H5N1 ໄດ້ແຜ່ລາມໄປບໍລິເວນໃກ້ຄຽງຫລືບໍ່.

 ຍັງຄົງຢູ່ໃນພາວະຫນ້າເປັນຫວ່ງ ເນື່ອງຈາກປະຊາຊົນທີ່ລ້ຽງ ແລະ ຄ້າຂາຍສັດປີກ ສ່ວນໃຫຍ່ຍັງບໍ່ໄດ້ຮັບຄວາມຮ້
ູໃນການປ້ອງກັນເຊື້ອໄຂ້ຫວັດສັດປີກ.
  ທ່ານ ບາຍູ ຫົວຫນ້າຄະນະກຳມະການຄວບຄຸມໂຣກໄຂ້ຫວັດສັດປີກ ຂອງອິນໂດເນເຊຍ ກ່າວວ່າ: ບັນຫາຄວາມບໍ່ເຂົ້າໃຈຂອງປະຊາຊົນ ເປັນສິ່ງທ້າທາຍບັນຫາທີ່ຊາວບ້ານບໍ່ໃຈຕໍ່ໄພອັນຕະລາຍຂອງໄຂ້ຫວັດສັດປີກ ການທີ່ອິນໂດເນເຊຍເປັນປະເທດທີ່ມີພົນລະເມືອງຈຳນວນມະຫາສານ ກັບພື້ນທີ່ສ່ວນໃຫຍ່ ຍັງເຕັມໄປດ້ວຍເກາະຫລາຍພັນຫນ່ວຍ ແລະ ປະຊາຊົນມີລະດັບການສຶກສາທີ່ແຕກຕ່າງກັນຫລາຍ ເຮັດໃຫ້ຄວາມແຕກຕ່າງຂອງປະຊາຊົນທີ່ຈະເຂົ້າໃຈ ແລະ ຮັບຮູ້ເຖິງໄພໄຂ້ຫວັດສັດປີກກໍແຕກຕ່າງກັນຫລາຍ.
  ການແນະນຳໃຫ້ລ້ຽງສັດປິກໄວ້ໄກບ້ານ ແລະ ການສິດຢາຂ້າເຊື້ອ ໂດຍສະໝ່ຳສະເຫມີ ລວມທັງການສຳຜັດແຕະຕ້ອງ ຫລື ຂ້າໄກ່ ເປັດ ດ້ວຍມືເປົ່າ ບໍ່ໄດ້ຮັບຄວາມສົນໃຈ ປະຕິບັດຕາມຈາກຊາວບ້ານເທົ່າທີ່ຄວນ ລາຍງານລ້າສຸດ ມີຜູ້ຖືກນຳສົ່ງໂຮງຫມໍໃນແຂວງລົມປັງ 4 ຄົນ ເມື່ອວັນທີ 18 ມີນາ ທີ່ຜ່ານມານີ້ ຫລັງຈາກພົບວ່າມີອາການປ່ວຍຄ້າຍຄືໄຂ້ຫວັດສັດປີກ ໂດຍທັງ 4 ຄົນ ຢູ່ໃນຄອບຄົວດຽວກັນ.
  ໃນຂະນະດຽວກັນ ກະຊວງສາທາລະນະສຸກເອຊິບ ອອກຖະແຫລງການໃນວັນທີ 19 ມີນານີ້ ລະບຸວ່າຜົນການກວດເດັກຊາຍ ອາຍຸ 2 ປີ ປັດຈຸບັນຢູ່ລະຫວ່າງການປິ່ນປົວອາການປ່ວຍ ໂດຍຖືກສົ່ງໂຮງຫມໍເມື່ອວັນທີ 16 ມີນາ ທີ່ຜ່ານມານີ້ ໃນເມືອງອັສວານ ທາງພາກໃຕ້ຂອງປະເທດ ໂດຍມີອາການໄຂ້ສູງ ຈາການສອບສວນຕອນຕົ້ນພົບວ່າ  ມີປະຫວັດສຳຜັດນົກທີ່ຕິດເຊື້ອ H5N1 ໂດຍບັງເອີນ ຜູ້ປ່ວຍໄຂ້ຫວັດສັດປີກຄົນນີ້ເປັນຄົນທີ 26 ຂອງປະເທດເອຊິບ.