ລົງໂຄສະນາຕ້ານພະຍາດໄຂ້ຫວັດສັດປີກໃຫ້ປະຊາຊົນ

  ຫວ່າງທ້າຍເດືອນກຸມພາແລ້ວນີ້ ທິມງານສຸຂະສຶກສາຕ້ານພະຍາດໄຂ້ຫວັດສັດປີກຂັ້ນເມືອງ ໄດ້ລົງ
ເຄື່ອນໄຫວໂຄສະນາເຜີຍແຜ່ກ່ຽວກັບວິທີການຕ້ານ ແລະ ສະກັດກັ້ນພະຍາດໄຂ້ຫວັດສັດປີກໃຫ້ແກ່ ປະຊາຊົນໃນກຸ່ມບ້ານເປົ້າໝາຍຄື:

ບ້ານດອນສ້າງໄພ, ໜອງພູວຽງ, ນາກຸງ ແລະ ບ້ານໂນນຊາຍ ເມືອງປາກງື່ມ ນະຄອນຫລວງວຽງຈັນ.
  ການລົງເຜີຍແຜ່ຂອງທິມງານດັ່ງກ່າວຄັ້ງນີ້ ແມ່ນໄດ້ຍົກໃຫ້ເຫັນສະພາບການແຜ່ລະບາດຂອງພະຍາດ
ຕິດຕໍ່ ຜົນກະທົບ ແລະ ການລະບາດຂອງພະຍາດໄຂ້ຫວັດສັດປີກ ນັບທັງຜູ້ລ້ຽງເປັນສິນຄ້າແບບຟາມ ແລະ ລ້ຽງແບບຄອບຄົວ ເພື່ອບໍລິໂພກ ພ້ອມທັງແນະນຳວິທີປ້ອງກັນພະຍາດໄຂ້ຫວັດສັດປີກ ວິທີລ້ຽງ ວິທີຄວບຄຸມ ແລະ ວິທີປ້ອງກັນຕົນເອງໃຫ້ປະຊາຊົນໄດ້ຮັບຮູ້ເຂົ້າໃຈຢ່າງເລິກເຊິ່ງ.