ໃນວັນທີ 11 ກໍລະກົດນີ້ ທີ່ສິງກະໂປ ນັກວິເຄາະຊີ້ວ່າ ການທີ່ທະນາຄານໃນອາຊີຫຼາຍແຫ່ງ ທະຍອຍກັນຫຍັບອັດຕາ ດອກເບ້ຍຂຶ້ນ ສະທ້ອນໃຫ້ເຫັນເຖິງຄວາມໝັ້ນໃນວ່າພາກພື້ນນີ້ ສາມາດຮັບມື ແລະ ຕ້ານທານກັບຜົນກະທົບຈາກວິກິດ ການໜີ້ຕ່າງໆໃນໂລກໄດ້.

ທ່ານ ເດວິດ ໂຄເອນ ນັກບຸກຄະລາກອນເສດຖະກິດ ປະຈຳອາຊີຄາດວ່າ ຜົນຜະລິດລວມພາຍໃນປະເທດ (GDP) ໄຕມາດທີ 2 ທີ່ຈະປະກາດໃນເດືອນນີ້ ຈະຊີ້ວ່າ ເສດຖະກິດອາຊີຍັງຄົງຂະຫຍາຍຕົວຢ່າງແຂງແຮງ ກ່ອນໜ້ານີ້ ເມື່ອຕົ້ນ ເດືອນນີ້ ກອງທຶນການເງິນສາກົນ (IMF) ປັບເພີ່ມປະລິມານການເຕີບໂຕຂອງ (GDP) ປີນີ້ຂອງອາຊີຈາກ 7% ເປັນ 7,5%.

ດ້ານທະນາຄານ (DBS) ໄດ້ວິເຄາະຕະຫຼາດອາຊີວ່າ ວິກິດການນີ້ສິນເອີຣົບຍັງຄົງສົ່ງຜົນຢູ່ ແຕ່ບໍ່ສາມາດຢຸດຢັ້ງ ທະນາຄານກາງໃນອາຊີ ບໍ່ໃຫ້ດຳເນີນນະໂຍບາຍເຂັ້ມງວດທາງການເງິນ ເພາະອັດຕາເງິນເຟີ້ຂອງທຸກເສດຖະກິດໃນ ພາກພື້ນນີ້ ກັບຄືນມາເກືອບເທົ່າອັດຕາສະເລ່ຍແລ້ວ ແລະ ຈະສູງຂຶ້ນໃນອີກ 1-2 ເດືອນຂ້າງໜ້າ ການຂຶ້ນອັດຕາດອກ ເບ້ຍຄັ້ງຫຼ້າສຸດ ສະທ້ອນເຖິງຄວາມເຊື່ອໝັ້ນຂອງທະນາຄານກາງໃນອາຊີວ່າ ການເຕີບໂຕຂອງເສດຖະກິດໃນພາກພື້ນນີ້ ຍັງແຂງແຮງຂຶ້ນຕໍ່ໄປ.

ທັງນີ້ ນັບແຕ່ວັນທີ 24 ມິຖຸນາ ເປັນຕົ້ນມາ ທະນາຄານກາງໄຕ້ຫວັນ ອິນເດຍ ມາເລເຊຍ ແລະ ສ.ເກົາຫຼີ ຫຍັບອັດຕາ ດອກເບ້ຍຂຶ້ນແລ້ວ 0,125-0,25% ໂດຍໃຫ້ເຫດຜົນວ່າ ຕ້ອງການຄວບຄຸມພາວະເງິນເຟີ້ ເນື່ອງຈາກເສດຖະກິດຟື້ນຕົວ ຈາກວິກິດເສດຖະກິດໂລກເຕີບໂຕຊ້າ ແລະ ຜູ້ບໍລິໂພກໃນອາຊີເລີ່ມມີບົດບາດຫຼາຍຂຶ້ນ ໃນການສະໜັບສະໜູນເສດຖະກິດ ໃນພາກພື້ນ.